bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Romans 8
Romans 8
Marwari Bible
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 9 →
1
इण तरैह अबै जिकौ मसीह यीसु में है, उण ऊपर डंड री आग्या कोनीं।
2
क्यूंकै आतमा री व्यवस्था नै जिकौ यीसु मसीह में जीवन दैवै है, म्हनै पाप री व्यवस्था ऊं जिकौ मौत री तरफ ले जावै है, आजाद कर दियौ है।
3
क्यूंकै जिकौ कांम व्यवस्था, सरीर रै कारण कमजोर होयनै नीं कर सकी, उणनै परमेसर कियो, यानि की अपणै ही बेटे नै पापमय सरीर रै रूप में, अर पाप रै बलिदान होणै रै लियै भेजनै सरीर में पाप ऊपर डंड री आग्या दी।
4
इण वास्तै की व्यवस्था री विधि म्हौ में जिकौ सरीर रै अनुसार कोनीं बल्कि आतमा रै अनुसार चालै है, व्यवस्था री जरुते पूरी की जा सकै।
5
क्यूंकै सारीरिक मिनख सरीर री बातां ऊपर मन लगावै है, पण आत्मिक मिनख आतमा री बातां ऊपर मन लगावै है।
6
सरीर ऊपर मन लगाणौ तो मौत है, पण आतमा ऊपर मन लगाणौ जीवन अर सानति है।
7
सरीर ऊपर मन लगाणौ तो परमेसर रै विरोध है, क्यूंकै नीं तो परमेसर री व्यवस्था रै अधीन है, अर नीं हो सकै है।
8
अर जिकौ सारीरिक स्वभाव रै अनुसार जीवै है, वे परमेसर नै खुस नीं कर सकै।
9
पण जद परमेसर री आतमा थां में वास करै है, तो थै सारीरिक दसा में कोनीं पण आत्मिक दसा में हो। जे किणी में मसीह री आतमा कोनीं तो वो मसीह रौ कोनीं।
10
जे मसीह थां में है, तो देह पाप रै कारण मरण उपरात भी, आतमा धारमिकता रै कारण जीवित है।
11
जे वो आतमा जिणै यीसु मसीह नै मरयोड़ौ में ऊं जिलायौ हो, थौरे मांय वास करै है, तो वो परमेसर जिणै यीसु नै मरयोड़ौ में ऊं जिलायौ हो, थौरे नासवान सरीरो नै अपणी आतमा ऊं जिकौ थौरे मांय बसयोड़ी है, जिलावैला।
12
इण वास्तै हे विसवासी भाइयो, म्हौ सरीर रा करजदार कोनीं, ताकी सरीर रै अनुसार जीए।
13
क्यूंकै जे थै सरीर रै अनुसार जीओला तो मरोला, बल्कि थै आतमा रै जरियै सरीर रै व्यवहारों रौ अंत कर दो ला तो थै जी जाओला।
14
इण वास्तै की जिता लोग परमेसर री आतमा रै चलाया चालै है, वोहीज परमेसर रा बेटा है।
15
क्यूंकै वो आतमा जिकौ थांनै मिळी है, थांनै वळै दास बणाणै या डराणै रै लियै कोनीं है, बल्कि आप लोगां नै गोद लियोड़े बेटौ बणाणै रै लियै है, जिण ऊं म्हौ “हे अब्बा, हे पिता,” कैह नै बुलाओ हो।
16
परमेसर री आतमा आप ही म्हौरी आतमा रै साथै गवाई दैवै है, की म्हौ परमेसर री औळाद हो।
17
अर औळाद है तो वारिस भी, बल्कि परमेसर रै वारिस अर मसीह रै संगी वारिस है। जद म्हौ उणरै साथै दुख उठाओ तो उणरै साथै महिमा भी मिळैला।
18
क्यूंकै म्हैं समझूं हूं, की इण वगत रै दुख अर तकलीफ उण महिमा रै सांमै, जिकौ म्हौ माथै परगट होवण वाळी है, उणरै सांमै कीं कोनीं है।
19
क्यूंकै सिस्टी घणी आसा भरी दिस्टी ऊं परमेसर री औळाद रौ परगट होणै रौ इन्तजार कर री है।
20
क्यूंकै सिस्टी अपणी इछा ऊं कोनीं पण अधीन करणैवाळै री तरफ ऊं, फालतू रै अधीन इण आसा ऊं की है,
21
की सिस्टी भी आप ही विनास रै गुलामी ऊं छुटकारो पायनै, परमेसर री संतान री महिमा री आजादी हासल करैला।
22
क्यूंकै म्हौ जांणौ हो, की सगळी सिस्टी अबै तांई मांनौ जापे रै पीड़ा में चिलाय रीं है।
23
अर कैवल सिस्टी ही नीं म्हौ भी मांय ही मांय चिलाओ हो। म्हौ नै तो पवितर आतमा रौ पैला करपादान मिळ चुकौ है, बल्कि म्हौ परमेसर री संतान बणणै री अर अपणै सरीर री मुगति री बांट जोह रिया हो।
24
आसा रै जरियै तो म्हौरौ उद्धार होयौ है। पण जिण चीज री आसा की जावै है, जद वो देखणै में आवै, तो पछै आसा कठै रही? क्यूंकै जिण चीज नै कोई देख रियौ है उणरी आसा कांई करैला?
25
पण जिण चीज नै म्हौ नीं देखौ, जे उणरी आसा राखौ हो, तो धीरज ऊं उणरौ इन्तजार भी करौ हो।
26
इण रीति ऊं परमेसर री आतमा भी म्हौरी कमजोरी में मदद करै है, क्यूंकै म्हौ नीं जांणौ, की पराथना कीण रीति ऊं करणी चाहीजै, पण परमेसर री आतमा आप ही ऐड़ी आहें भर भरणै जिकौ बयान ऊं बारै है, म्हौरै लियै विनती करै है।
27
अर मन नै जांचनै वाळौ जांणै है, की आतमा री मनसा कांई है। क्यूंकै वो पवितर लोगां रै लियै परमेसर री इछा रै अनुसार विनती करै है।
28
म्हौ जांणौ हो, की जिकौ लोग परमेसर ऊं परैम राखै है, अर जिणरी बुलाहट परमेसर री इछा रै अनुसार होई है, उणौरै लियै सगळी बातां मिळनै भलाई ही पैदा करै है।
29
क्यूंकै जिणनै परमेसर पैला ऊं चुण लियौ हो उणनै पैला ऊं ठैरायौ भी है की उणरै बेटे रै स्वरूप में हो, ताकी वो घणै भाइयो में पैलौ बेटौ ठैरै।
30
जिणौनै परमेसर पैला ऊं ठैराया, उणौनै बुलाया भी है। जिणौनै उणै बुलाया, उणौनै धरमी भी ठैराया है। अर जिणौनै धरमी ठैराया, उणौनै महिमा भी दी है।
31
तो म्हौ इण बातां रै बारै में कांई कैवौ? जे परमेसर म्हौरी तरफ है, तो म्हौरौ विरोधी कुण हो सकै है?
32
जिणै आपरै बेटे नै भी म्हौ सगळौ रै लियै मरण वास्तै दे दियौ, तो वो उणरै साथै म्हौ नै और सगळौ क्यूं नीं दैला?
33
परमेसर रै चुणयोड़ौ ऊपर दोस कुण लगावैला? परमेसर ही है जिकौ उणौनै धरमी ठैराणवाळौ है।
34
पछै कुण है जिकौ डंड री आग्या दैला? मसीह यीसु ही है जिकौ मरग्या बल्कि मुड़दो में ऊं जी भी उठया, अर परमेसर रै जीमणा पाड़ै विराजमान है, अर म्हौरै लियै पराथना करता रैवै है।
35
कुण म्हौ नै मसीह रै परैम ऊं अलग करैला? कांई कलेस, संकट, सताव, अकाळ, नंगाई, जोखम या तरवार?
36
ज्यूं पवितर सास्तर में लिख्योड़ौ है, “थारै लियै म्हौ हरैक दिन मौत रौ सामनौ करौ हो, म्हौ वध होवण वाळी लरड़ियां रै ज्यूं समझया गिया हो।”
37
पण इण सगळी बातां में म्हौ उणरै जरियै जिणै म्हौरै ऊं परैम कियो है, जीत ऊं भी बढ़ नै है।
38
क्यूंकै म्हैं पको जांणूं हूं, की न तो मौत, न जीवन, न सरगदूत, न परधानता, न इण वगत, न आवण वाळौ वगत, न सामरथ,
39
न ऊंचाई, न गेराई अर न कोई और सिस्टी, म्हौ नै परमेसर रै परैम ऊं, जिकौ म्हौरै परभु मसीह यीसु में है, अलग कर सकै है।
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 9 →
All chapters:
1
2
3
4
5
6
7
8
9
10
11
12
13
14
15
16