bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mazanderani
/
Mazanderani GMB (گیله ماز)
/
Matthew 16
Matthew 16
Mazanderani GMB (گیله ماز)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 17 →
1
عُلَمایِ فِرقِه فَریسی و عُلَمایِ فِرقِه صَدوقی عیسی یِه وَر بومَن تا اونه آزمون هَکُنَن. عیسی یه جی بِخَسَّن تا ایتا آسِمانی نِشانه اوشانه نِشان هَدِه.
2
عیسی اوشانه باَگوته: «وَقتِ مِهال گونید فَردا هَوا خُجیرِ، ”چون آسِمان سُرخ هیسِه،“
3
وَ صُبِ سَر گونید امروز هوا طوفانی بونه ”چون آسِمان سُرخ و بِیتِه هیسِه“ شما خوب دانید چِطور آسمانِ ظاهِر رِه تعبیر هَکونید، اَمّا نَتَّنید زمانهایِ نشانِه ها رِه تعبیرهَکونید!
4
این نَسلِ شَریر و زَناکار نِشانه خَنِن، وَلی نِشانه ایی اوشانه هَدَه نَبونه بِجُز یونِسِ پِیغَمبَرِ نِشانه.» عیسی اینه باَگوته و اوشانه جی سیفا هَبا.
5
وَختی شاگِردان دَریایِ اوتَکِه بَرِسیِیَن یاد هَکُردَن خودِشانِه هَمرَه نان هَگیرَن.
6
عیسیِ اوشانه باَگوته: «مُواظِب هَبین و عُلَمایِ فَریسی و صَدوقی یه خَمیرمایه جی دوری هَکُنید.»
7
شاگِردان خودِشانِه هَمرَه گَب زَنه بان و گونهِ بان: «اَمیی هَمرَه نان نیاردیم.»
8
عیسی که اوشانه فِکرِ دانَسِّه باَگوته: «ای سُست ایمانشان چِرا اینه وَسین که نان نِدارین همدیگَرِه هَمرَه باگومَگو کانید؟
9
هَلَه هم نِفَهمِنین؟ یاد هَکُردین چِطور پَنج تا نانِ هَمرَه پَنج هِزار نَفَرِ سیر هَکُردَمِ؟ اون روز چَن تا زَمّیل خوردِه چیزان جَمع هَکُردین؟
10
یا شیمی یادِ جی بَبِردین یِدَفِه دیگه هَفتا نانِ هَمرَه چهار هِزار نَفَرِ سیر هَکُردَم؟ چَن تا زَمّیل خوردِه چیزان جَمع هَکُردین؟
11
چِرا نَتّنین بِفَهمِین که من شیمی هَمرَه نان باره گَب نَزَنَم؟ عُلَمایِ فَریسی و صَدوقیِ یِه خَمیرمایه جی دوری هَکُنید.»
12
ایما شاگِردان بِفَهمِسَّن عیسی فَریسیان و صَدوقیِان تَعلیم هَدَن باره هُشدار دَنه، نه نانِ خَمیرمایه جی.
13
وَختی عیسی فیلیپی قیصَریِه منطقه بَرِسییَه، خودشه شاگِردانِ جی بَپُرسیِه: «مَردُم، انسانِ ریکا رِه کی دانَن؟»
14
شاگِردان باگوتَن: «بعضیان گونَن یَحیی یه تَعمید دَهندِه ایی. بعضی دیگه گونَن ایلیایِ پِیغَمبَری و بعضیان گونَن اِرمیایِ پِیغَمبَرِ یا ایتا اَز پِیغَمبَرِانی.»
15
عیسی اوشانِه باَگوته: «شُما چی گونید؟ شیمی نَظر مَن کییَم؟»
16
شَمعون پِطرُس جِواب هَدَه: «تو مَسیحِ موعودی، زندهِ خُدای ریکائی!»
17
عیسی شَمعونِ جَواب باَگوته: «اِی شَمعون، یونای ریکا، خوش بِحالِ تو، چون تو اینِ آدِمی جی یاد نِیتی، بلکه می آسِمانی پیَر اونِه تِرِه آشکار هَکوردِه.
18
وَ تِرِه گِونَم تو پِطرُسی، یَعنی ”صخرِه،“ وَ مَن این صخرِه یه سَر می کلیسا رِه بَنا کانَم، و هیچ وَخت جَهَنَمِ قُدرَت نَتَّنِه اونه اَز بِین بَبِره.
19
آسِمانِ پادشاهِی یه کیلیت شان رِه تِرِه دَنَم. اونچه رِه که تو زَمینِ سَر دَبِدِی، آسِمانِ دِلِه دَبِسِّه بونه و هَر چی زَمینِ سَر واز هَکُنی، آسِمانِ دِلِه واز بونه.»
20
ایما عیسی خودشه شاگِردانِ قَدِغَن هَکُردِه هیچکَسِ وَرجه نَگون اون مَسیحِ موعودِ.
21
مین بعد عیسی خودشه شاگِردانِ گونِه با که اون بایِسّی به اورشَلیم بوشو و اوجِه مَشایخ و مَعبَدِ گَتِ کاهِنان و توراتِ مُعَلِمین جی آزار بِینِه و بَکُشِته هَبو، وَ سِوّمین روز دِلِه زندهِ هَبو.
22
ولی پِطرُس عیسی رِه ایتا گوشِه بَکِشیِیَه و اِعتِراضِ هَمرَه اونه باَگوته: «خدا نَکُنِه آقا! این اتّفاق هیچ وقت تِرِه دَنِکِه.»
23
عیسی وَگِرِسِّه پِطرُسِ باَگوته: «رَت هَباش اِی شِیطان! تو می راهِ جُلوه رِه گیرنی و تی فِکر و خیال آدمی یه جیه، نه خُدای جی.»
24
ایما عیسی خودشه شاگِردانِ باَگوته: «هر کی بِخواد می دُمّالرو هَبو، بایِّسی خودشه جانِ جی بُگذَرِه و خودشه صَلیبِ هَگیره و می دُمّال بیه.
25
چونکه هر کی بِخواد خودشه جان بِدارِه، اونِه اَز دَست دَنه، وَلی هر کی خودشه جان می وَسین فَدا هَکونه، اونِهِ باز بِدَس هارنه.
26
اِنسانِ وَسین چِه نَفعی داره تمام دُنیا رِه بِدارِه، وَلی خودشه جان اَز دَست هَدِه؟ چون اون به هیچ قِیمَتی نَتَّنِه خودشه جان پَس هَگیره.
27
«چون انسانِ ریکا خودشه پیَرجَلالِ هَمرَه فِرِشتِگانِ هَمرَه هَنه و ایما هَر کَس رِه طِبقِ اونه اَعمال عَوَض دَنه.
28
راس راسی شِمِرِه گونَم، بَعضی از ایشان که اَسِه ایجه هیسَن تا انسان ریکا رِه نَینِن که خودِشِه پادشاهیِ دله هَنِه، نَمیرنِن.»
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28