bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mazanderani
/
Mazanderani GMB (گیله ماز)
/
Matthew 22
Matthew 22
Mazanderani GMB (گیله ماز)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
1
عیسی باز مَثَلِ هَمرَه اوشانه هَمرَه گَب بَزَه، باَگوته:
2
«آسِمانِ پادشاهی که خُدا اونه حاکِمِ ایتا پادشاه رِه ماندِنه که خودشه ریکا یِه عروسی یه وَسین ایتا گَتِه جَشن بِیته.
3
اون خودشه پاکارانِ روانه هَکوردِه تا دَعوَتی شانه باگو بییَن جَشن، وَلی اوشان نَخَسَّن بییَن.
4
پادشاه پاکارانِ دیگَری رِه روانه هَکوردِه و باگوتِه: ”دَعوتی شانه باگُوید شام رِه حاضِر هَکُردَم، مَن می گو و جانکا شانه سَر بَبییَم و هَمِه چیز حاضِرِه. پس عروسی جَشن رَه بیئِین.“
5
وَلی اوشان اِعتنا نَکُردِن و هر کُدام خودِشانِ کارِ دُمّال بَشَن. ایتا خودشه بِجارسَر بَشَه و ایتا دیگه خودشه كَسب و کاسِبی یه دُمّال.
6
بَقیِه هَم پادشاهِ پاکارانِ بِیتَن و بی حُرمتی هَکُردَن و اوشانه بَکوشتَن.
7
وقتی پادشاه اینه بِشنَوِسِّه، بَرزَخ هَبا، خودشه سَربازانِ روانه هَکوردِه و قاتِلانِ بَکوشتِه و اوشانه شَهرِ تَش بَکِشییَه.
8
ایما خودشه پاکارانِ باگوتِه: ”عروسی یه جَشن آمادِئِه، وَلی اوشانیکه دَعوَت هَکُردَم لیاقَت نِداشتَن جَشنِ دِلِه بییَن.
9
پَس، کوچِه پَسکوچه هانِ دِلِه بیشیِن و هر کی رِه پیدا هَکوردین عروسی دَعوَت هَکُنید.“
10
اون پاکاران کوچِه پَسکوچه هان دِلِه بَشَن هر کی رِه پیداهَکُردَن، چه خوُب و چه بَد خودِشانِه هَمرَه بیاردِن و عروسی سِرا مِهمانان جی پُرهَبا.
11
«وَلی وَختی پادشاه مِهمانان بَدییَنِ وَسین دِلِه بوما، ایتا مَردَای رِه بَدییَه که عروسی لِواس خودشه تَن نِداشتَه.
12
پادشاه اونه باگوته: ”اِی رَفیق، چِطور بِدون اینکه عَروسی لِواس رِه دَکُنی ایجه بُمَیی؟“ وَلی اون مَردَای هیچ جِوابی نِداشتَه.
13
ایما پادشاه خودشه پاکارانِ باگوتِه: ”اونِه دَس و لِنگِ دَبِدین و اونه دِرگا ظُلَماتِ دِلِه تُووادین اوجِه که بِرمِه دَرِه وتَرسِ جی دَندان، دَندانِ سَرهَکِلاش خارنه.“
14
چونکه دَعوَتی شان زیادِن، وَلی اِنتِخاب هَبوسِّه شان کَمِن.»
15
ایما عُلَمایِ فِرقِه فَریسی دِرگا بَشَن و مَشوِرَت هَکُردَن که چِطور عیسی رِه خودشه گَبِ هَمرَه تَلِه میَن تووادَن.
16
اوشان خودشانِه شاگِردانِ هیرودیسِ هَوادارانِ هَمرَه عیسی یه وَر روانه هَکوردَن و باگوتَن: «اُسّا، اَما دانیم تو مَردِ راسگویی هیسی و خُدایِ راه رِه دُرسّی یه هَمرَه یاد دَنی، و هیچ کَسِ جی نَتِرسِنی، چونکه ظاهرِگولِ نُخارنی.
17
پَس تیِ نَظَر رِه اَمَرِهِ باگو؛ رومِ امپراطور مالیات هَدَن دُرسِّه یا نه؟»
18
وَلی عیسی که دَانِسِّه اوشان چه نَخشِه ایی بَکِشییَن، باَگوته: «اِی دُروئِشان، چِرا مَرِه آزمون کانید؟
19
سِکِّهایی که اونه هَمرَه شیمی مالیاتِ دَنید رِه مَرِه نِشان هَدین.» اوشان ایتا سِکِّه یِه دیناری اونه هَدَن.
20
عیسی اوشانه باَگوته: «این سِکِّه یه نَقش و نِگار کیه شینه؟»
21
اوشان جَواب هَدَن: «قیصرِ شین» عیسی باَگوته: «پَس قِیصَرِ مالِ قیصَرِ هَدین و خُدای مالِ خُدارِه هَدین.»
22
اوشان اونه جَوابِ جی هاج و واج بُمانِسَّن و عیسی رِه تَنها بَنَن و بَشَن.
23
همون روز عُلَمایِ فِرقِه صَدوقی که معتَقِد بان مُردِگان دوبارِه زندهِ نَبونَن، عیسی یِه ورجه بومَن،
24
واونه جی بَپُرسییَن: «اِی اُسّا، موسی یه پیغمبر باگوته با اَگه ایتا مَردَای بی وَچِه بَمیرِه، اونه اَداش بایسّی اونه زَنِ هَمرَه عروسی هَکونه تا اونه جی خودشه اَداشه وَسین نسلِی بِجا بَنه.
25
اَمیِ میَن هفت تا اَداش دَبان. اوَّلین اَداش عروسی هَکُردِه و قبل از اینکه وَچِه دار هَبو بَمِردِه و خودشه زِنا رِه خودشه دُوّمین اَداشه وَسین بَنَه.
26
دُوّمی و سِوّمی، تا هَفتِمی اَداش هَم بِه این وَضع دُچار هَبان.
27
سرآخر اون زِنا هَم بَمِردِه.
28
حالا، قیامَتِ روز، اون کُدام اَداشِ زِنا بونه، چونکه هَر هَفتا اَداش اونه هَمرَه عروسی هَکُردهِ بان»
29
عیسی جَواب هَدَه: «شُما اِشتِبا کانید، چونکه نه مُقَدَّسِ نِوِشتِه شانِ جی چیزی دانید و نه خُدایِ قُوَّتِ جی!
30
قیامَتِ روز هیچکَس نه زَن گیرنِه و نه شو کانه، بلکه هَمِه آسِمانِ فِرِشتِگانِ مِثان بونَن.
31
وَلی مُردِگان زنده هَبوسَّن بارِه، مَگِه توراتِ دِلِه نُخوانِسّید خُدا شِمِره چی باَگوته؟
32
که ”مَن ابراهیم خُدا، اِسحاق خُدا و یَعقوبِ خُدایِم.“ خُدا مُردِگانِ خُدا نییِه، بلکه زندهِ شانه خُدائِه.»
33
وَختی مَردُم اینه بِشنَوِسَّن، عیسی یه تعلیم هَدَنِ جی بُهت هَکُردَن.
34
وَلی وَختی عُلَمایِ فِرقِه فَریسی بِشنَوِسَّن که عیسی چِطور خودشه جَوابِ هَمرَه صَدوقیانِ دَهَنِ دَبِسِّه، عیسی یه دُور جَم هَبان.
35
ایتا اَز اوشان که وَکیل با، این نیَّت هَمرَه که عیسی رِه آزمون هَکونه اونه جی سوال هَکُردِه:
36
«اِی اُسّا، گَته تَرین حُکمِ شَریعَت کُدامِ؟»
37
عیسی اوشانه باَگوته: «”خداوند، تیِ خُدا رِه تمام تی دِل و تمام تیِ جان و تمام تیِ فِکرِ هَمرَه دوس بِدار.“
38
این اَوَّلین و گَته تَرین حُکمِ.
39
دُوّمین حُکم هَم اَوَّلین حُکمِ مِثان مُهِمِ: ”تی هَمسادِ رِه تیِ مِثان دوس بِدار.“
40
تمام موسایِ شَریعَت و پِیغَمبَرانِ بَنویشتِه این دُتا حُکمِ سَر خُلاصِه هَبا.»
41
عیسی اون موقِه که عُلَمایِ فَریسی اونه دُور و وَر ایسَبان، اوشانه جی بَپُرسیِه:
42
«شیمی نَظَر مسیحِ موعودِ باره چیِه؟ اون کییِه ریکائِه؟» اوشان جِواب هَدَن: «داوود پادشاه ریکائِه.»
43
عیسیِ اوشانه باَگوته: «پَس چِطور داوود خُدایِ وَحیِ هَمرَه، مَسیح رِه خداوند دُخواندِنه؟ چون داوود گونِه:
44
«”خُداوند می خُداوَندِ باَگوته: می راسِ دَس وَر بَنیش تا وَختی که تی دُشمَنانِ تی لِنگِ جیر تُووادَم.“
45
اگه داوود اونه خداوند دُخواندِنه، پس چِطور اون تانه داوود ریکا هَبو؟»
46
هیچکدام جِوابی نِداشتَن هَدَن، مین بَعد هَم دِ کسی جُرأت نَکُردِه اونه جی سوالی بَپُرسِه.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28