bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
1 Chronicles 21
1 Chronicles 21
Nuer Bible © Bible Society in South Sudan 1998,2012
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 22 →
1
Kä cu Cɛy-tan rɔ riet ji̱ I-thɛ-rɛl, kä cuɛ Dee-bid kok kɛ ɣöö bɛ ji̱ I-thɛ-rɛl kuɛn.
2
Kä cu Dee-bid Yo-ab kɛnɛ bööth rɛ̈m jiök i̱, “Wër kuɛn ji̱ I-thɛ-rɛl a känɛ ni wi̱c Ber-cɛ-ba a wä nikä Daan, kuɛnkɛ kɛ ɣöö bä pekdiɛn ŋa̱c.”
3
Kä duundɛ ɣöö cu Yo-ab ɛ loc i̱, “Ci Kuoth Nhial ji̱ I-thɛ-rɛl jak kä kur ti ŋuan nikɛn kä ta̱diɛn ɛ mi! Kä bi kɛn diaal a ji̱ kɔaar kua̱rä? Kä kuɛ la ŋu go̱o̱r kuäärä ɣöö bɛ nɛmɛ la̱t ɔ? Ɛŋu no̱ŋ kuäärä ji̱ I-thɛ-rɛl riɛk ɔ?”
4
Duundɛ ɣöö cua riet kua̱r luɔ̱th ɛ Yo-ab. Kä cu Yo-ab wä rɛy cieŋ I-thɛ-rɛl kɛɛliw, kä cuɛ loc kä Jɛ-ru-tha-lɛm.
5
Kä cu Yo-ab pek nath ka̱m Dee-bid, cu pekdiɛn a nɛy ti bit kɛl wi̱cdɛ bathdɔɔri ti kuɔ̱r kɛl kä I-thɛ-rɛl kɛɛliw ti lua̱ŋkɛ ko̱r, kä cu ji̱ Juda a nɛy ti bathdɔɔri ti kur ŋuaan wi̱cdɛ jiɛɛn bärɔw ti lua̱ŋ kɛ ko̱r.
6
Kä duundɛ ɣöö /kenɛ ji̱ Lii-bay kɛnɛ ji̱ Ben-ya-min mat peek nath, kɛ ɣöö /kenɛ ruac kua̱r nhɔk.
7
Kä cu nɔmɔ lɔc Kuɔth Nhial lo̱k, kä cuɛ ji̱ I-thɛ-rɛl duäc.
8
Kä cu Dee-bid Kuoth jiök i̱, “Ɣän ca duer ɛlɔ̱ŋ kɛ mi ca la̱t ɛ. Kä täämɛ kua̱ läŋ ni ji̱, ku duer jäŋädu woc. Kɛ ɣöö ca la̱t ni duŋ dɔ̱ɔ̱rä.”
9
Kä cu Kuoth Nhial ruac kɛ gök ni Gad ti̱et Dee-bid wëë i̱,
10
wër jio̱kni Dee-bid i̱, “Nɛmɛ ɛ min ca lar ɛ Kuoth Nhial ɛn ɣöö ca ji̱ ka̱m diɔ̱k. Moc rɔ kɛ kɛl mi bä lät kä ji̱.”
11
Kä cu Gad ɛ ben la̱t Dee-bid, jio̱kɛ jɛ i̱, “Ɛ Kuoth Nhial i̱, ‘Ɛ mi̱th bi ka̱n ɔ?
12
Kɛ run buath da̱ŋ diɔ̱k, kiɛ päth da̱ŋ diɔ̱k ti juɔckɛ ji̱ thi̱n ɛ ji̱ tɛ̈ru, kiɛ ɛ duäc Kuɔth Nhial, kɛ juey mi bi ben muun kɛ ni̱n diɔ̱k, kɛnɛ jääk Kuɔth Nhial mi no̱o̱ŋ lia̱a̱ muun ji̱ I-thɛ-rɛl kɛɛliw?’ Carkɛ täämɛ, ɛ luɔc in mi̱th, bä luɔ̱c ram in jäk ɣä mɔ.”
13
Kä cu Dee-bid Gad loc i̱, “Ta̱a̱ rikä mi di̱i̱t. Jak ni Kuoth Nhial kä duääcɛ ɣä, kɛ ɣöö tëë kɛ pälikä mi di̱i̱t. /Cu ɣä jak kä pɛn tetni nath.”
14
Inɔ cu Kuoth Nhial juey jäk kä ji̱ I-thɛ-rɛl. Kä cuɛ nɛy ti bathdɔɔri ti jiɛɛn bärɔw näk kä kɛ.
15
Kä cu Kuoth Nhial jääkdɛ jäk kä Jɛ-ru-tha-lɛm kɛ ɣöö bɛ jɛ wä däk. Kä min ɛ jɛn i̱ däkɛ jɛ, cu Kuoth Nhial wi̱cdɛ car kɛ lätni kä mi jiääk. Kä cuɛ jääk in däk naath jiök i̱, “Cɛ ro̱ŋ. Ku tetdu ka̱p cuɔ̱ŋ.” Kä ɛn jääk Kuɔth Nhial tëë cuŋä guäth kɔ̱mä bɛɛl wutdä mi cɔali Ɔr-nan raan Yɛ-buth.
16
Kä cu Dee-bid wi̱cdɛ kap nhial, cuɛ jääk Kuɔth Nhial nɛn tëë cuŋä kam nhial kɛnɛ piny, kä te tetdɛ kɛ mut mi cɛ cio̱c kui̱rɛ jɛ kä Jɛ-ru-tha-lɛm. Kä cu Dee-bid kɛnɛ bööth rɔ moc kɛ bieyni cuali, kä cu kɛ nhiamdiɛn guɔ̱l piny.
17
Kä cu Dee-bid Kuoth jiök i̱, “Ɛ ɣän ɛ nëë laar ɣöö ba naath kuɛn. Ɛ ɣän tekɛ duer ɔ. Kä kɛn det ti̱ti̱ cikɛ ŋu lɛl? Ɣän la̱ŋä ni ji̱, lö Kuoth Nhial min la Kuothdä, pälkɛ, duäc ni ɣä kɔnɛ dhɔr gua̱a̱r. Cu juey jak kä bä kä nɛɛku.”
18
Ɛ jɛn cu jääk Kuɔth Nhial Gad la̱r ɣöö bɛ Dee-bid wä la̱r ɣöö bɛ Kuoth Nhial ta̱th yi̱k guäth kɔ̱mä bɛɛl wutdä mi cɔali Ɔr-nan raan Yɛ-buth.
19
Kä cu Dee-bid wä ce̱tnikɛ riet Gad min ci Kuoth Nhial ɛ la̱t jɛ.
20
Ɛn wa̱nɔ Ɔr-nan tëë kɔ̱mä bɛɛl. Kä min cɛ liɛc, cuɛ jääk Kuɔth nɛn, kä cu gaatkɛ da̱ŋ ŋuaan tin te kɛɛl kɛ jɛ rɔ tɛ̱̈ɛ̱̈
21
kä min ci Ɔr-nan lɛni liɛc, cuɛ Dee-bid nɛn, cuɛ jiɛɛn guäth kɔa̱m bɛɛl, cuɛ Dee-bid wä goŋ luthä.
22
Kä cu Dee-bid Ɔr-nan jiök i̱, “Käm ni ɣä gua̱th kɔ̱mä bɛɛl, bä kɔk, kɛ ɣöö dëë Kuoth Nhial ta̱th yi̱k thi̱n, kä dɔ̱ŋ dëë juey cu jiɛɛn kä naath.”
23
Kä cu Ɔr-nan Dee-bid loc i̱, “Käni jɛ kuäärä kä lätni mɔ guici gɔaa ɔ kɛ ji̱. Kä nɛnɛ, ɣän ca ji̱ ka̱m ti diaal. Käni thääk ala muc ti waŋkɛ kɛnɛ bɛl ala muc bɛɛl, kä kɔ̱ɔ̱mni bɛɛl bi ka jiɛɛn maac.”
24
Duundɛ ɣöö cu kuäär ni Dee-bid Ɔr-nan loc i̱, “Eey, ɣän bä kɔk nikɛ pek yio̱o̱ni ko̱kädɛ. Thilɛ duŋdu mi bä ka̱n kɛ kui̱ Kuɔth Nhial, kä thilɛ muc mi waŋkɛ mi bä thöp mi thilɛ mi ca yuɔr piny thi̱n.”
25
Inɔ cu Dee-bid Ɔr-nan ka̱m yio̱w ti kur bäkɛl ti kɔkɛ gua̱th.
26
Kä cu Dee-bid Kuoth Nhial ta̱th yi̱k ɛn wi̱ni, kä cuɛ muc tin waŋkɛ kɛnɛ muc malä thöp, kä cuɛ Kuoth Nhial pal, kä cu Kuoth ɛ loc kɛ ɣöö cu mac ben nhial, kä cuɛ muc waŋ wi̱i̱ yi̱kä.
27
Kä cu Kuoth Nhial jääk luek. Kä cuɛ thɛpdɛ luɔc rɛy go̱kädɛ.
28
Kä mëë ci Dee-bid ɛ nɛn ɛn ɣöö ci Kuoth Nhial jɛ loc guäth kɔ̱mä bɛɛl wutdä mi cɔali Ɔr-nan raan Yɛ-buth, cuɛ muckɛ thöp ɛn wi̱ni.
29
Kɛ ɣöö ɛn guäth ɛmɔ te kɛmɛkä Kuɔth Nhial mëë ci Muthɛ jɛ la̱t rɛy dɔaar kɛnɛ yi̱k in la muc ti waŋkɛ a thöpkɛ thi̱n, te kä Gib-yon.
30
Duundɛ ɣöö ci Dee-bid dëë wä a /kenɛ Kuoth pal, kɛ ɣöö dualɛ kɛ mut jääkä Kuɔth Nhial.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29