1 Chronicles 4

Nuer Bible © Bible Society in South Sudan 1998,2012

← Chapter 3 Jump to: Chapter 5 →

1Kä cu gaat Juda a Pɛ-rɛdh kɛnɛ Ɣɛdh-ron kɛ Kar-mi kɛnɛ Ɣur kɛ Cɔ-bal.

2Kä cu Cɔ-bal a gua̱n Rɛ-a-yaa, kä cu Rɛ-a-yaa a gua̱n Yɛ̈-ɣɛ̈th, kä cu Yɛ̈-ɣɛ̈th a gua̱n Ä-ɣu-may kɛnɛ Laad. Cua jɛn thok duëël Dhɔra.

3Kä cu ti̱ti̱ a gaat E-tam. Yidh-rɛɛl Yic-ma kɛ Yid-bac. Kä cɔalkɛ nyimandiɛn i̱ Ɣadh-lɛl-po-ni.

4Kä cu Pɛ-nu-el a gua̱n Gɛ-dhor kɛnɛ E-dhɛr kä cu E-dhɛr a gua̱n Ɣucaa. Kä cua kɛn gaat Ɣur kɛ̱̈ɛ̱̈ Ɛp-ra-tha mëë yiɛɛth Beth-lɛ-ɣɛm.

5Kä cu gua̱n Tɛ-kowä ni A̱-cur tekɛ män da̱ŋ rɛw, Ɣɛ-laa kɛnɛ Naara.

6Kä cu Naara dap kɛ Ä-ɣu-dhɔm kɛnɛ Ɣe-pɛr, kɛ Te-mɛ-ni kɛnɛ Ɣa-ɣɛ̈c-ta-ri.

7Kä cu gaat Ɣɛ-laa a Dhɛ-rɛth kɛnɛ Dho-ɣar kɛ Ɛth-nan.

8Kɛ Kodh min la gua̱n A-nub, kɛnɛ Dho-be-baa kɛ gua̱ndɔɔŋ gan Ä-ɣa-rel gat Ɣa-rum.

9Kä cua luɔ̱th ni Ya-bedh ɛlɔ̱ŋ kä gaatman. Cu man ɛ cɔli Ya-bedh kɛ ɣöö ɛ jɛn i̱, “Daapɛ jɛ kɛ da̱p mi bɛc bɛc.”

10Kä cu Ya-bedh Kuoth I-thɛ-rɛl pal i̱, “Aɣ pothä Kuoth, kä moc ɣä mun mi di̱i̱t kä te ni kɛɛl kɛ ɣä, kä tit ɣä kɛ jiäk diaal tin dëë ɣä nöŋ bɛc bɛc.” Kä cu Kuoth palɛ liŋ.

11Kä cu Kɛ-lub däman Cua̱a̱ a gua̱n Mɛ-ɣir, kä cu Mɛ-ɣir a gua̱n Ɛc-ton.

12Kä cu Ɛc-ton a gua̱n Beth-rapa kɛnɛ Pa-the-ɛ̈k kɛ Tɛ-ɣi-na. Kä cu Tɛ-ɣi-na wec Ir-nac yiɛth. Kɛn ti̱ti̱ cua kɛn ji̱ wec Rekaa.

13Kä cu gaat Kɛ-nadh a Ɔ-thi-nel kɛnɛ Thɛ-ra-yaa. Kä cu gaat Ɔ-thi-nel a Ɣä-thath kɛnɛ Mɛ-o-no-thay.

14Kä cu Mɛ-o-no-thay a gua̱n Ɔp-ra. Kä cu Thɛ-ra-yaa a gua̱n Yo-ab mëë yiɛɛth lo̱o̱l Bëli. Cɔalkɛ jɛ nɔ kɛ ɣöö ji̱ kɛ kɛ bël.

15Kä cu gaat Ka-leb gat Yɛ-pö-nɛ a Iru kɛnɛ Elaa kɛ Naam. Kä cu gat Elaa, Kɛ-nadh.

16Kä cu gaat Yɛ-ɣɛ̈-lɛl-el a Dhip kɛnɛ Dhipa kɛ Tira kɛnɛ Ä-tha-rel.

17Kä cu gaat Ɛdh-raa a Yɛ-thɛr kɛnɛ Mɛ-rɛd kɛ E-pɛr kɛnɛ Ya-lon. Kä cu Mɛ-rɛd nya kua̱r I-jëp mi cɔali Bith-yaa kuɛn, kä cuɛ dap kɛ nyaadɛ ni Mir-yam kɛnɛ Ca-may kɛ Yic-ba mëë cu Ɛc-tɛ-mo-ä yiɛth.

18Kä cu ciekdɛ mi nya Juda jɛ da̱p Yɛ-rɛd mëë yiɛɛth Gɛ-dhor, kɛnɛ Ɣɛ-bɛr mëë yiɛɛth Thoko, kɛ Yɛ-ku-thi-el mëë yiɛɛth Dha-no-a.

19Kä cu Ɣo-di-yaa nyiman Na̱m kuɛn. Kä cu gaatkiɛn Kiila yiɛth wec ji̱ Gɛ-rɛm, kɛnɛ Ɛc-tɛ-mo-ä wec ji̱ Maakaa.

20Kä cu gaat Ci-mon a. Ɛ̈m-non kɛnɛ Ri-naa kɛ Ben-ɣa-nan kɛnɛ Ti-lon. Kä cu gaat Yici a, Dho-ɣeth kɛnɛ Ben-dho-ɣeth.

21Kä cu gaat Cɛla gat Juda a Ër mëë yiɛɛth Lekaa, kɛnɛ Ladaa mëë yiɛɛth Ma-re-ca, kɛ ji̱ bi̱i̱ mi ca mɛn agɔaa la̱a̱t tëë ciaŋkɛ ni Beth-ɛ̈c-beyɛ̈.

22Kɛ Yo-kim kɛnɛ ji̱ Ko-dhe-ba, kɛ Yo-ac kɛnɛ Tha-rap mëë ruec kä Mo-ab kä cuɛ loc kä La-ɣɛm. (Kɛn ŋuɔ̱t ti̱ti̱ kɛ tëë wal.)

23Kɛn kɛ nɛy ti ta̱a̱th cuɔ̱ɔ̱kni tëë la̱tkɛ kuäär ikä, kä cieŋ kä Nɛ-ta-yim kɛnɛ Gä-de-ra.

24Kä cu gaat Cim-on a Nɛ-mu-el kɛnɛ Ya-min, kɛ Ya-rib kɛnɛ Dhɛra kɛ Ca-ul.

25Kä cu Cɛ̈-lum a gat Ca-ul, kä cu Mi-ba-tham a gua̱n Mic-mä.

26Kä cu gaat Mic-mä a Ɣa-mu-el kɛnɛ Dha-kur kɛ Cimi.

27Kä cu Cimi tekɛ dhɔɔl wäl bäkɛl kɛ nyi̱er bäkɛl. Duundɛ ɣöö thilɛ gaatman gaat ti ŋuan. Kɛ kui̱c ɛmɔ /ken ji̱ thuɔk dueeliɛn ŋuan ce̱tkɛ ji̱ thuɔk duëël Juda.

28Kä cukɛ ciɛŋ ni Ber-cɛ-ba kɛ Mo-la-dha kɛ Ä-dhar-caal,

29kɛ Bila kɛ A-dhɛm kɛ To-lad,

30kɛ Bä-thu-ɛl kɛ Ɣɔr-ma kɛ Dhik-lag,

31kɛ Beth-mar-ka-both kɛ Ɣä-dhar-thu-thim kɛ Beth-biri kɛ Cää-ra-yim. Tɔ̱tɔ̱ cukɛ a wi̱i̱kiɛn amäni ni̱n ruecä Dee-bid.

32Kä cu ciëëŋkiɛn a E-tam kɛ A-yin kɛ Ri-mon kɛ To-kɛn kɛ A-can wi̱i̱ da̱ŋ dhieec,

33kɛ wi̱i̱ tin te gekädiɛn a räth nikä Baal. Kä cua jɛn mëë ci kɛn ɛ gɔ̱r kɛ thuk duëlikiɛn kɛnɛ gua̱th tëë ciaŋkɛ ɛ kɛn.

34Kä cu nɛy ti̱ti̱ a bööth thuk duëlikiɛn. Cua Mɛ-co-bab kɛnɛ Yɛ̈m-lek kɛ Yo-caa kɛ gat Ä-mä-dhi-ya,

35Yo-el kɛ Yeɣu gat Yo-cib-yaa gat Thɛ-ra-yaa gat Ä-thi-el,

36kɛ Ɛl-yo-ɛ-nay kɛnɛ Yaa-ko-baa, kɛ Yɛ-co-ɣaya, Ä-tha-yaa kɛ Ä-di-el kɛnɛ Yɛ-thi-mi-el kɛ Bɛ-na-yaa,

37kɛ Dhi-dha gat Cipi gat A-lon gat Yɛ-dɛ̈-yaa gat Cim-ri gat Cɛ-mɛ̈-yaa.

38Thuk duëlikiɛn cukɛ rɔ rëp ɛlɔ̱ŋ,

39cikɛ rɔ däk kä piny a cukɛ pal ni kui̱ konyä ca̱ŋ rɛy lo̱o̱lä mi cɔali Gɛ-dhor kɛ kɛ go̱r wal la̱k deetkiɛn.

40Kä cukɛ wal ti gɔw jek thi̱n, ɛ mun malä mi päl rɔ piny. Ɛ mun mi ca kɔŋ ciɛŋ ɛ ji̱ Ɣɛ̈m.

41Kä kɛn nɛy ti ca ciöötkiɛn gɔ̱r ti, wäkɛ kɛ ni̱n tëë ruec ni Ɣidh-ki-yaa kuäär Juda. Kä cukɛ ji̱ Ɣɛ̈m mak amäni ji̱ Mɛ-u-nim tëë cieŋ ɛn wi̱ni kä cukɛ kɛ däk amäni walɛ. Kä cukɛ cieŋ ɛn wi̱ni kɛ ɣöö tëë kɛ wal kɛ kui̱ deetkiɛn.

42Kä cu nɛy ti kur dhieec kä ji̱ Cim-on, ti böthkɛ ɛ Pɛ-lɛ̈t-yaa kɛnɛ Nɛ-ar-yaa kɛ Rɛ-pa-yaa kɛnɛ U-dhi-el gaat Yici wec päämni Ɛ-dɔm wä mac.

43Cukɛ duɔth ji̱ Ä-ma-lek tëë ci rɔ̱ bar wä näk, kä cukɛ cu cieŋ ɛn wi̱ni amäni walɛ.

← Chapter 3 Jump to: Chapter 5 →

Recommended Reading

Commentary 1 Chronicles Commentaries → Devotional 1 Chronicles Devotional Guide → Get This Bible Nuer Bible © Bible Society in South Sudan , Study Bible →