1 Chronicles 26

Nuer Bible © Bible Society in South Sudan 1998,2012

← Chapter 25 Jump to: Chapter 27 →

1Nɛ mi ɛ dääk yiëëni thuɔk luaak Kuɔth. Kä gaat Kora. Cua Mɛ-cɛ-lɛm-yaa, gat Kore thok duëël A-thap.

2Kä cu gaat Mɛ-cɛ-lɛm-yaa a kɛ̱̈ɛ̱̈dɛ ni Dhɛ-kar-yaa kɛnɛ Yɛ-di-ä-el kɛ Dhɛ-bɛ̈d-yaa kɛnɛ Yɛ̈th-ni-el,

3kɛ Ee-lam kɛnɛ Yɛ-ɣo-ɣa-nan kɛ Ɛl-yo-nay.

4Kä cu gaat O-bed-ɛ-dom a Cɛ-mɛ̈-yaa kɛ̱̈ɛ̱̈dɛ kɛnɛ Yɛ-ɣo-dha-bad kɛ Yowa kɛnɛ Tha-kar kɛ Nɛ-tan-el,

5kɛnɛ A-mi-el kɛ Yi-tha-kar kɛnɛ Pɛ-u-le-tay, tɔ̱tɔ̱ cu ka gaat tëë ci Kuoth kɛ puɔ̱th O-bed-ɛ-dom.

6Kä cu gatdɛ ni Cɛ-mɛ̈-yaa tekɛ gaat ti ruackɛ thuk duëlikiɛn, kɛ ɣöö kɛ nɛy ti tekɛ lua̱ŋ.

7Kä cu gaat Cɛ-mɛ̈-yaa a Ɔth-ni kɛnɛ Rɛ-pa-el kɛ O-bɛd kɛnɛ Ɛl-dha-bad. Kä cu ji̱ maarädɛ a Ɛ-liɣu kɛnɛ Thɛ-mak-yaa kä cu ka nɛy ti tekɛ lua̱ŋ bä.

8Kä cu kɛn ti̱ti̱ diaal a gaat O-bed-ɛ-dom, kɛɛl kɛ gaatkiɛn kɛ ji̱ maarädiɛn, cu ka nɛy ti tekɛ lua̱ŋ mi di̱i̱t. Kä cu pekdiɛn a nɛy ti jiɛɛn bäkɛl wi̱cdɛ rɛw.

9Kä cu gaat Mɛ-cɛ-lɛm-yaa kɛnɛ ji̱ maarädɛ a nɛɛ wäl bädäk ti tekɛ lua̱ŋ.

10Cu Otha raan Mɛ-ra-ri tekɛ gaat. Cim-ri min bo̱o̱th (Ci gua̱n ɛ ka̱m bo̱th kä /ciɛ jiɛɛn gat in di̱t ni jɛn),

11kɛnɛ Ɣil-ki-yaa kɛ Tɛ-bal-yaa kɛnɛ Dhɛ-kar-yaa. Cu gaat Otha kɛnɛ ji̱ maarädɛ a nɛy da̱ŋ wäl diɔ̱k.

12Kɛn bua̱n yiëëni thuɔk luaak ti̱ti̱, tekɛ bua̱a̱n ce̱tnikɛ bööthkiɛn, kä ca kɛ moc lät rɛy luaak Kuɔth Nhial ce̱tnikɛ mëë te watkiɛn.

13Kä cua gaakni yuɔr thok duëël ɔ a thil ram mi di̱i̱t kiɛ ŋuɛ̈t kɛ thok duëël ɔ bi wä yien ɔ.

14Kä cu thok kuec käny ca̱ŋ pɛn kä Cɛ-lɛm-yaa. Kä cua gaak yuɔr kɛ kui̱ gatdɛ ni Dhɛ-kar-yaa, ɛ ram mi la lat luek, mi gɔaa, cu thok kuec caam pɛn kä jɛ.

15Kä cu thok kuec cuëëc pɛn kä O-bed-ɛ-dom, kä cu gaak duëël tɔ̱ɔ̱wä pɛn kä gaatkɛ.

16Kä cu thok kuec konyä ca̱ŋ kɛnɛ thok in lot ni Ca-lɛ-kɛth min te thok duɔ̱p nhiam pɛn kä Cu-pim kɛnɛ Otha. Kä guic yieen ni yieen in dɔ̱ŋ.

17Kä la ji̱ Lii-bay da̱ŋ bäkɛl a yien thok kuec käny ca̱ŋ kɛ cäŋ kɛl, kä la ŋuaan a yien thok kuec caam kɛ cäŋ kɛl, kä bi ŋuaan yien thok kuec cuëëc kɛ cäŋ kɛl, kä la nɛy da̱ŋ rɛw a yien kɛɛl kɛ cäŋ kɛl thok duëël tɔ̱ɔ̱wä.

18Kä duɔ̱p in wä kui̱ konyä ca̱ŋ, te nɛy da̱ŋ ŋuaan dup nhial kä te rɛw dup pa̱a̱ny.

19Kä cua jɛn dääk yiëëni thuɔk luaak Kuɔth kɛ lätkiɛn, tëë la gaat Kora kɛnɛ Mɛ-ra-ri.

20Kä ji̱ Lii-bay cu Ä-ɣi-yaa a ro̱o̱m yio̱o̱ni luaak Kuɔth kɛnɛ muc tin ca lɛy.

21Kä cu La-dan gat Ger-com tekɛ gaat ti la bööth thukni duëli. Cu Yɛ-ɣe-li a kɛl thi̱n.

22Kä cu gaat Yɛ-ɣe-li a Dhe-tham kɛnɛ däman ni Yo-el a ro̱o̱m yio̱o̱ni luaak Kuɔth Nhial.

23Kä gaat Am-ram kɛnɛ gaat Yidh-ɣar kɛnɛ U-dhi-el.

24Cua Cɛ-bu-el gat Ger-com gat Muthɛ la bo̱o̱th röm yio̱o̱ni.

25Kä cu gaat Ɛ-li-dhɛr a. Rɛ-ɣɛ̈b-yaa kɛnɛ Yɛ-cɛ̈-yaa kɛ Yo-ram kɛnɛ Dhik-ri kɛ Cɛ-lo-moth.

26Cu Cɛ-lo-moth kɛnɛ ji̱ maarädɛ, yio̱w mucni diaal tëë ca lɛy ɛ kuäär ni Dee-bid kɛnɛ bööth bathdɔɔri kɛnɛ kuri kɛ bööth rɛ̈m rɔm.

27Kä cu kɛ tha̱a̱ŋ kä tëë pɛ̈ckɛ ko̱o̱r lɛy kɛ ɣöö ba kɛ bany luak Kuɔth Nhial.

28Kä cua tëë ca lɛy ɛ gök ni Tha-muɛl kɛnɛ Thɔɔl gat Kic kɛ Ä-bi-ner gat Ner kɛ Yo-ab gat Dhɛ-ru-yaa, kɛ te kɔ̱ŋ tëë ca lɛy rɔm ɛ Cɛ-lo-moth kɛnɛ ji̱ maarädɛ.

29Kä gaat Yidh-ɣar cua Kɛ-nan-yaa kɛnɛ gaatkɛ ka̱m bo̱o̱th ji̱ I-thɛ-rɛl kä bɛ kɛ luk.

30Kä gaat Ɣɛb-ron. Cua Ɣä-cɛ̈b-yaa kɛnɛ ji̱ maarädɛ ti bathdɔɔr kɛl wi̱cdɛ kur bärɔw ti tekɛ lua̱ŋ ka̱m lät kuoothä kɛnɛ lät kua̱r kä ji̱ I-thɛ-rɛl diaal tin te kui̱ konyä ca̱ŋ yiëër Jɔr-dɛn.

31Kä gaat Ɣɛb-ron. Cu Yɛ-ri-yaa a bo̱o̱thdiɛn nikɛ gɔ̱a̱r duëlikiɛn. (Kɛ jiɛɛn ŋuaan runi ruec kua̱r ni Dee-bid, cua warɛgakni go̱r, cua nɛy ti tekɛ lua̱ŋ wä jek kä ji̱ Ɣɛb-ron kä Ya-dhɛr rɛy cieŋ Gil-yad.)

32Kä ɛn Yɛ-ri-yaa tekɛ ji̱ maarä ti bathdɔɔr kɛl wi̱cdɛ kur bärɔw, nɛy ti tekɛ lua̱ŋ, kä bööth thuk duëli gua̱ni, cu kuäär ni Dee-bid kɛ ka̱m lat Kuoth kɛnɛ cieŋ ji̱ I-thɛ-rɛl tin te kui̱ kony ca̱ŋ yieer Jɔr-dɛn rɛy cieŋ Rɛ-u-ben kɛnɛ Gad kɛ tha̱a̱ŋ thuɔk duëël Ma-na-thɛ.

← Chapter 25 Jump to: Chapter 27 →