Hosea 3

Nuer Bible © Bible Society in South Sudan 1998,2012

← Chapter 2 Jump to: Chapter 4 →

1Kä cu Kuoth Nhial Ɣocä jiök i̱, “Wër nyɔk ciekdu kɛ mi nhɔki jɛ, cäŋ ni mɔ nhɔkɛ nɛy kɔ̱kiɛn ɔ, kä ɛ ler. Nhɔk ɛ ce̱tkɛ mɔ nhɔakä ji̱ I-thɛ-rɛl ɔ, kä guɔ̱ɔ̱rkɛ ni kuth ti guäy, kä käm kɛn nikɛ luurikiɛn.”

2Cua̱ ciekdä nyɔk kɛ kök kɛ yio̱w da̱ŋ wäl dhieec, kɛ cuali bɛɛl da̱ŋ diɔ̱k.

3Kä cua̱ jɛ jiök i̱, “Bi cieŋ ala ciekdä kɛ ni̱n ti ŋuan, kä /ci rɔ bi nyɔk kɛ leer kɛ wut dɔ̱diɛn, kä bä cieŋ ala cɔwdu.”

4Kɛ ɣöö ji̱ I-thɛ-rɛl bikɛ cieŋ a thil bööth kiɛ kuäär kɛ pëk mi baar, kä bikɛ thil luuri kiɛ yi̱kni kiɛ nyin palä ti kɔ̱kiɛn.

5Kä kɛ kɔrɛ bi ji̱ I-thɛ-rɛl rɔ̱ ku riet Kuoth Nhial in la Kuothdiɛn, kä ba Dee-bid kuääriɛn guɔ̱r ɛ kɛn. Kä bikɛ cu ben kä Kuoth Nhial kɛ luth mi di̱i̱t kɛ kui̱ puthädɛ cäŋ guutdä ɣɔaa.

← Chapter 2 Jump to: Chapter 4 →