bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
Hosea 7
Hosea 7
Nuer Bible © Bible Society in South Sudan 1998,2012
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 8 →
1
Gua̱a̱th in wa̱a̱ I-thɛ-rɛl jak kä gɔaa, kä jɔc kɛ nyuɔn Ɛ-pa-rim, kɛnɛ dueer Tha-mɛ-ria. Kɛ ɣöö la̱tkɛ ti /ca rɔ lot, tölkɛ ni dho̱r nath kɛ kuël, mackɛ naath duɔ̱pni.
2
Duundɛ ɣöö /ci kɛnɛ car i̱ ŋa̱cä lätkiɛn diaal tin jiäk, dueerkiɛn tin ci kɛ go̱l tekɛ nhiamdä ni ciaŋ.
3
Kɛ dueerkiɛn, jakɛ kuäär kä tɛth lɔcdɛ, kä kɛ ka̱a̱cnikiɛn jakɛ lo̱c bööthni kä tɛth.
4
Kä kɛn diaal dhööm, ce̱t ta̱a̱diɛn nikɛ lëth maac tha̱t mi, ci thäätdɛ jɛ tɔ̱a̱ŋ kam in ŋinɛ wacdɛ.
5
Kä kɛ cäŋ ti̱mä kua̱ra, bɛ bööth moc juey kɛ lëth kɔŋä, kä cɛ rɔ cu mat kɛ nɛy tin dɔ̱a̱kɛ naath.
6
Kä kɛ göriɛn kɛ la̱t kä mi jiäk, ce̱t lo̱ckiɛn nikɛ mac tha̱t, kä kɛ kɛ̈c la tol lo̱ckiɛn kɛ wäär kɛɛliw. Kä kɛ runwaŋ thia̱y lo̱ckiɛn ce̱tnikɛ mac mi ca thiany.
7
Kɛ di̱t lo̱cnikiɛn ca bööthkiɛn näk, kä ci kua̱rkiɛn diaal cu pɛ̈ɛ̈n, cɛ cu thil ram mi thieec ɣä kɛ la̱ŋ.
8
Ɛ-pa-rim matdɛ rɔ kä nɛy kɔ̱kiɛn, ce̱tdɛ nikɛ juray mi /kän tha̱a̱ŋdɛ tuak.
9
A kui̱cɛ jɛ ɛn ɣöö ca buɔ̱mdɛ cam ɛ jur ti kɔ̱ŋ, ci wi̱cdɛ low, kä /cɛ dee me̱t ŋa̱c.
10
A ca ji̱ I-thɛ-rɛl cu gɔany ɛ liakdiɛn. Kä lo̱k kɛn luny kä Kuoth Nhial Kuothdiɛn, kä /ca ɣä go̱r kɛ ti ci tuɔɔk ti.
11
A ci Ɛ-pa-rim cu ce̱tnikɛ guuk, mi dɔ̱a̱r mi thil ca̱r, cɔlɛ ni I-jëp, kä ri̱tdɛ ni rɔ kä A-thi-ri-ya.
12
Bä cambakdä yuɔr wi̱cdiɛn mi wä kɛ wä jiɛn, bäkɛ cu ka̱p piny ce̱tnikɛ diit, kä bäkɛ cu duäc kɛ dueerkiɛn.
13
Riɛk akɛ kɛ, kɛ ɣöö ca rɔ riaw dɔɔr kä ɣä! Da̱k akɛ kɛ, kɛ ɣöö ca ɣä tër tɛr! Ɛ ɣän i̱ dëë kɛ kän, duundɛ ɣöö cikɛ ɣä ka̱c kac.
14
/Ci kɛn ɣä pal kɛ lo̱ckiɛn pa̱ny, wiee ni kɛn dha̱a̱ŋnikiɛn. Kɛ kui̱ bɛɛl kɛnɛ kɔaŋ tëmkɛ rɔ, kä cikɛ rɔ riet ɣä.
15
A cäŋ ni min cä kɛ jak kä bum kä cä kɛ nyuɔ̱th, ŋotkɛ, cäp kɛn ɣä kä mi jiääk.
16
Rietkɛ rɔ ni Baal, ce̱t ta̱a̱diɛn nikɛ baar mi jiääk, kä kɛ lëëpkiɛn ti jiäk, bi bööthkiɛn li̱w ni ko̱o̱r. Kä inɔ ba kɛ cu dɔl rɛy rööl I-jëp.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 8 →
All chapters:
1
2
3
4
5
6
7
8
9
10
11
12
13
14