bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Jeremiah 25
Jeremiah 25
nyankole
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 26 →
1
Eki n'eki Nyakubaho yaagambiire Yeremiya aha ba Buyuda boona omu mwaka gwa kana ogw'omu busingye bwa Yehoyakimu mwene Yosiya omugabe wa Buyuda (nigwo mwaka gw'okubanza ogwa Nebukadenezaari omugabe wa Babulooni),
2
eki Yeremiya omurangi yaagambiire aba Yuda boona n'abatwire omuri Yerusalemu boona ati:
3
Okwiha omu mwaka gwa ikumi n'eshatu ogw'omu busingye bwa Yosiya mwene Amoni omugabe wa Buyuda, n'okuhitsya eri izooba, Nyakubaho atuura nangambira kandi naanye tiinyosha kubagambira, kwonka mwanga kuhurira.
4
Mukanga kuhurira nobu kwakuba okutega okutu, Nyakubaho nobu araabe yaagumire naabatumaho abagaragwa be boona abarangi, abaabaire babeehanangiriza bati:
5
Mbwenu nimuhindukye, buri muntu omuriimwe arekye emitwarize ye emibi n'ebibi bi abaire naakora; mubone kutuura omu nsi ei Nyakubaho yaabahaire na baashwenkuriimwe okwiha ira, kuba eyaanyu ebiro byona.
6
Akabagira ati: Mutaryehongyera baaruhanga abandi, mukabaheereza kandi mukabaramya; nari okungwisa kubi nimuramya ebishushani ebi murikukoresa engaro zaanyu. Obwo nibwo ntaribakora kubi.
7
Kwonka na hati timukaanyorobeire; kureka mutuura nimungwisa kubi, nimuramya ebishushani bi mukoresa engaro zaanyu, kwereetera akabi; nikwo Nyakubaho arikugamba.
8
Nikyo Mukama ow'amahe arikugirira ati: Imwe ahabw'okwanga kworobera ebi mbagambira,
9
mbwenu niinyija kutuma aha b'enganda zoona ez'omu bukiizi-bwa-bumosho, n'aha mwiru wangye Nebukadenezaari omugabe wa Babulooni, mbahuruze bateere egi nsi n'abagitwiremu, bateere n'amahanga aga goona agabeehinguririize; haza ncwekyerereze kimwe eri ihanga n'agandi agahereraine naryo, ngahindure agarikunugwa, agarikweshaanywa, kandi agariguma gari amatongo.
10
Ekindi, ndyahunamya amaraka gaabo g'okwesiima n'okushemererwa, aga baakishwera na baakishwerwa, n'ag'emengo zirikusa, ndaaze n'amatabaaza gaabo,
11
egi nsi yoona ehindukye eitongo n'eihamba; ab'ago mahanga bamare emyaka makumi mushanju nibaheereza omugabe wa Babulooni.
12
Haza egyo myaka makumi mushanju ku erihwa, nfubire omugabe wa Babulooni n'eihanga rye ery'Abakalundaaya, nimbatura ebicumuro byabo, egyo nsi ngihindurire kimwe eihamba.
13
Ndyahikiiriza ahari egyo nsi byona ebi naagigambireho, ebihandiikirwe omuri eki kitabo, ebi Yeremiya yaarangire kuba aha mahanga goona.
14
Ahabw'okuba amahanga maingi n'abagabe b'amaani baryahindura Abaababulooni abahuuku, mbazimuurire nk'ebi baakozire n'ebi baakoreise emikono yaabo oku biri.
15
Mukama Ruhanga wa Isiraeli akangambira ati: Yakiira eki kikopo kya viino ya kashanga yangye, okinywaise amahanga goona agu ndaakutumemu.
16
Nigaija kukinywa gataruze, gagwe iraro nigaitwa rurara ei ndaagooherereze.
17
Ntyo nyakiira ekyo kikopo, nkiiha Nyakubaho omu ngaro, nkinywaisa amahanga agu yantumireho:
18
Yerusalemu n'endembo za Buyuda, abagabe baayo n'abategyeki baayo kubihindura amatongo n'eihamba bikaba eby'okweshaanywa n'okukyeenwa, nk'oku kiri eri izooba;
19
kandi nkinywaisa Faraaho omugabe wa Misiri n'abagaragwa be n'abategyeki be n'abantu be boona,
20
n'abanyamahanga boona ababatwiremu; abagabe b'omu nsi ya Uuzi boona, n'ab'omu nsi y'Abafilisiti (aba Ashikelooni, Gaaza, Ekurooni n'abaatsigaire omuri Ashidoodi);
21
aba Edomu, aba Moabu na beene Amoni;
22
abagabe boona aba Tuuro n'aba Sidoni n'ab'aha myegyeego y'Enyanja;
23
nkinywaisa n'aba Dedani, Teema, Buuzi, na boona abatega ebyeyera,
24
abagabe ba Buharabu boona n'ab'enganda z'ebijwangye abatwire omu ihamba;
25
taho abagabe boona aba Zimuri n'aba Elamu n'aba Mediya;
26
n'abagabe b'omu nsi z'omu bukiizi-bwa-bumosho aba hare n'aba haihi, nk'oku barikukuratana; n'ensi z'obugabe zoona ez'omu nsi. Abo ku bariheza kukinywaho, omugabe wa Babulooni abe niwe yaahereeruka kukinywa.
27
Bwanyima obagambire oti: Mukama ow'amahe, Ruhanga wa Isiraeli naagira ati: Munywe musinde, mutanakye, haza mugwe obutaimuka; ahabwa rurara ei ndikwija kubooherereza kubaita.
28
Reero ku baraayangye kwakiira ekyo kikopo, kukikwiha omu ngaro kukinywa, obagambire oti: Mukama ow'amahe naagira ati: Nimuragiirwa kukinywa!
29
Mbwenu orurembo orurikuunyetererwa ku ndaabe nirwo naatandikiraho kukorera kubi, nimugira ngu niimwe muraatsigare mutafubiirwe? Timurikwija kugyenda mutafubiirwe; ahabw'okuba niinyija kuhuruza abakwaitse rurara, barwanise abatwire omu nsi boona; nikwo Mukama ow'amahe arikugamba.
30
Mbwenu nu, obarangire ebi bigambo noobagira oti: Nyakubaho naija kutsinda naayema omu iguru, ahindire omu mwanya gwe ogurikwera. Naija kutsinda kuteera ab'omu ka y'obusyo bwe, ayamuze nk'abarikunyuuka emizaabibu; arwanise abatwire omu nsi boona.
31
Obwaku bw'eiraka nibwija kuhika aha mperu z'ensi. Manya Nyakubaho aine eki arikufa n'amahanga, naatonganisa boona abaine omubiri; enyabibi aziitse rurara, Nyakubaho nikwo arikugamba.
32
Mukama ow'amahe naagira ati: Reeba, akabi nikagyenda, nikaruga omu ihanga rimwe nikaza omu rindi. Eihunga ry'amaani nirihiika niriruga omu byanga bya hare by'ensi!
33
Kandi abu Nyakubaho ariita eryo izooba, baryarambirirana, baihe aha muheru gw'ensi, bate aha gundi. Tibaricurirwa, kandi tibarishanguruzibwa, nobu kwakuba okubaziika; baryaguma bagangarami aha itaka nk'amasha.
34
Imwe bariisa b'entaama 'mwe, nimucure muboroogye! Naimwe bakama b'amasyo nimwekuringye omu iju; ahabw'okuba obunaku bwanyu bw'okwitwa n'okutaataanisibwa bwahika. Nimwija kugwa nk'empaya nungi z'entaama ezibaagwa.
35
Manya abariisa b'entaama baryabura obuhungiro, bakama baazo babure obukiriro.
36
Nimuhurire okuborooga kw'abariisa b'entama, n'okucura kwa bakama b'obwo busyo! Nyakubaho acwekyereize amariisizo gaabo;
37
amaka gaabo ag'obusingye gaasheenyuka ahabw'okubagirira ekiniga kingi.
38
Abantu ba Nyakubaho bahungire omu nsi yaabo, nk'oku entare etsigaho eryaya ryayo; ahabw'okuba egyo nsi rurara y'ababisha na kashanga ya Nyakubaho bigihindwire eihamba.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Recommended Reading
Commentary
Jeremiah Commentaries
→
Devotional
Jeremiah Devotional Guide
→
Get This Bible
nyankole Study Bible
→