bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Jeremiah 49
Jeremiah 49
nyankole
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
1
Nyakubaho naagamba ati aha bikwatiraine n'Abaamoni: Biri Isiraeli tagira batabani? taine muhunguzi? Mbwenu shi ahabw'enki Milikomu abingire oruganda rwa Gaadi, abantu be bakatuura omu ndembo zaarwo?
2
Nikyo Nyakubaho arikugirira ati: Reeba, obunaku nibwija kuhika, ndeetere aba Raba ey'Abaamoni kuhurira enduuru y'ehururu y'okubateera! Haza ehindukye omutuumo gw'amatongo, n'ebyaro byayo bikoomeerwe omuriro; Isiraeli abone kugarukana ebi yaabaire anyagirwe; Nyakubaho nikwo arikugamba.
3
Iwe Heshibooni, cura; ahabw'okuba Aayi ehindwirwe amatongo! Imwe bakazi ba Raba 'mwe, nimuboroogye! Nimwezirikye ebiguniya! Mutonzye nimukora oku n'oku omu ngo, Ahabw'okuba Mikokoomu n'ow'okuzaahibwa, hamwe n'abahongyerezi be n'abategyeki be!
4
Imwe bantu 'mwe, abatari beesigwa, ahabw'enki nimwesiimirana empanga zaanyu? Mukeekiita ahabw'amatungo gaanyu nimugira muti: Mbwenu n'oha owaakwija kuturwanisa?
5
Mukama Ruhanga ow'amahe naagira ati: Reeba, niinyija kubareetera eby'okubatiinisa, birugye omu bantu boona ababeehinguririize, Bababingye, buri muntu atoore ogwe kukiza amagara, kandi habure owaataaruura abaahunga.
6
Kwonka bwanyima Abaamoni ndyabagarura aha buteeka; Nyakubaho nikwo arikugamba.
7
Aha bikwatiraine na Edomu: Mukama ow'amahe naagira ati: Beitu omuri Temani tihaakirimu banyabwengye? Kandi abarikwetegyereza baamwo tibaakihabura bantu? Obwengye bwabo buhweraireho kimwe?
8
Imwe batuuzi ba Dedani 'mwe, nimukubuukye, muhungye, mwesherekye omu bicokoromi; ahabw'okuba obunaku bw'okufubira Edomu ku buraahikye, niinyija kumugwisiza akagwe nk'aku naagwisiize Esau.
9
Mbwenu abashoromi b'emizaabibu ku baakwija owaawe, tibakaakutsigira eby'okuhumba? Nari abashuma ku baakwija nyekiro, tibakaayaya ebi barikwenda byonka?
10
Kwonka Esau nyowe mmucwijwire; naayerura emyanya ye ey'okwesherekamu, takiine h'okweshereka. Abaana be na beene ishe, na bataahi be bacwekyereziibwe, kandi nawe takiriho.
11
Tsigaho efuuzi zaawe, Nyowe niinyija kuzirinda, zirekye kufa, n'abafaakazi baawe baanyesigye.
12
Manya Nyakubaho naagira ati: Abaabaire batashemereire kunywa ekikopo, ku baraabe nibaragiirwa kukinywa, iwe noija kukira okufubirwa? Torikwija kukira okufubirwa, kureka nooragiirwa kukinywa.
13
Ahabw'okuba Nyakubaho naagira ati: Nyerahiire; Bozira eryaba ekirikwitsa obwoba, ekirikugaaniizibwa, eihamba, kandi ekirikukyeenwa, n'endembo zaayo zoona ziryaba amatongo.
14
Mpuriire enkuru erikuruga ahari Nyakubaho, kandi entumwa etumirwe omu mahanga neegira eti: Mweteerane, muze kumurwanisa, mwimukye, muze aha rugamba!
15
Manya reeba, ndyakuhindura mukye omu mahanga, obe orikugaywa omu bantu.
16
Ebikangiso byawe n'amaryo gaawe, bikubeihire. Iwe otuura omu bicokoromi by'enkiri, aha mutwe gw'ebibungo. Nobu okweyombekyera ekyashuri ahaiguru nk'eishamba, ndyakuhananturayo; Nyakubaho nikwo arikugamba.
17
Edomu eryaba ey'okwitsa obwoba. Weena origirabaho aryayeshaanya ahabw'akagwe akariba kagigwereire.
18
Nyakubaho naagira ati: Tihaine origituuramu, nobu yaakuba ow'okugishuuhuukiramu; nk'obu Sodoma na Gomora n'endembo eziziherereire zaacwekyerezibwa.
19
Reeba, nk'oku entare etimbira omu bishaka bya Yorudaani, ekateera eka y'entaama egumire, naanye nikwo ndibareetera kuhunga omu nsi yaabo kitaraariire; nkagitamu ow'okugitegyeka ou ndyetooranira. Mbwenu n'oha ori nkaanye? N'oha owaakuunyetesa obushoboorozi?
20
Ni mutegyeki ki owaakunza omu kaso? Mbwenu nu, nimuhurire enaama ei Nyakubaho acumire kurwanisa Abanyaedomu; n'oku amaririire kurwanisa abatuuzi ba Temani. Nangwa n'abaana baabo baryabakurubana, babatware, ab'omu maka gaabo baitwe obwoba, baareeba akagwe kaabagwera.
21
Ensi ku erihurira entuure y'okugwa kwabo, eryatetema; eiraka ry'okuborooga kwabo rihuririrwe aha Nyanja Erikutukura.
22
Reeba, haryagira owaimuka, agurukye n'engoga nk'eishamba, ashashaanure amapapa ge kuteera Bozira; emitima y'abarwani ba Edomu eryo izooba ebe nk'ogw'omukazi orikurumwa.
23
Aha bikwatiraine na Damasiko: Aba Hamati na Arupaadi bashobeirwe, ahabw'okuba bahuriire enkuru mbi. Emitima ebahwaire omunda, ahabw'okutiina baatabanguka, nk'enyanja etarikubaasa kucureera.
24
Damasiko ehwaire amaani, ehindukire kuhunga, yaitwa obwoba, yaagira enaku n'obusaasi nk'eby'omukazi orikurumwa.
25
Ebishi orwo rurembo rugambwa, orwabaire rundeetera okushemererwa rutsigirweho!
26
Nikyo abatsigazi baarwo barigwera gangari omu nteeraniro z'emihanda; n'abaserukare baarwo boona bakacwekyerera eryo izooba; Mukama ow'amahe nikwo arikugamba.
27
Kandi ndyatweka ebisiika bya Damasiko, omuriro gucwekyereze ebikaari by'Omugabe Benihadadi.
28
Aha bya Kedari, n'ensi z'obugabe bwa Hazori ezi Nebukadenezaari omugabe wa Babulooni yaasingwire, Nyakubaho naabigambaho ati: Nimwimukye, muhurure, muteere Kedari! Mucwekyereze ab'omu burugwa-izooba!
29
Amahema gaabo n'amasyo gaabo g'entaama binyagwe, hamwe n'emikingo yaabo n'ebintu byabo byona! Banyagwe engamira zaabo; abantu babateerere enduuru bati; Mwafa, mwabura obutooro!
30
Yaimwe batuuzi ba Hazori 'mwe, nimuhungye, muze hare, mutuure omu bicokoromi, ahabw'okuba Nebukedenezaari omugabe wa Babulooni acumire enaama y'okubarwanisa, kandi amaririire kubateera; Nyakubaho nikwo arikugamba.
31
Agizire ati: Nimwimukye, muhurure, muteere eihanga erigaramisiriize erituura rigogyeire, eritagira marembo na mpimbi z'ebyoma, erituura ryonka; Nyakubaho nikwo arikugamba.
32
Engamira zaabo ziryatwarwa, n'amasyo gaabo g'ente ganyagwe, abo bantu batega ebyeyera ndyabataataanisiza oku n'oku, ei emiyaga ereetwa, mbagwisize akagwe, kabaturukye embaju zoona; Nyakubaho nikwo arikugamba.
33
Hezori eryahinduka eikobezo rya zaamuha, ebe eihamba ry'ebiro byona, habure owaatuurayo, kandi hataagira owaashuuhuukirayo.
34
Eki nikyo Nyakubaho yaagambiire Yeremiya omurangi, omu kutandika kw'obusingye bwa Zedekiya omugabe wa Buyuda.
35
Mukama ow'amahe naagira ati: Reeba, ndyahenda obuta bw'aba Elamu obubateera eigundu.
36
Aba Elamu abo mbaitse emiyaga ena, erugye omu mbaju ina z'eiguru, haza mbataataanisize ei egyo miyaga yoona etoora, harekye kubaho eihanga eri abaribingwa omuri Elamu batarizamu.
37
Ndyatiinisa Abanyaelamu, bahungye abazigu baabo abarikwenda kubaita. Ndyabagwisiza akagwe, mbainiire ekiniga kingi munonga; nikwo Nyakubaho arikugamba. Ndyababinga nimbaitsa rurara, okuhitsya obu ndibamariraho kimwe,
38
haza nte ekitebe kyangye ky'obugabe omuri Elamu, ncwekyereze abagabe baabo n'abategyeki baabo; Nyakubaho nikwo arikugamba.
39
Kwonka omu biro ebirikurataho, ndyagarura Abaelamu aha buteeka; Nyakubaho nikwo arikugamba.
← Chapter 48
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 50 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Recommended Reading
Commentary
Jeremiah Commentaries
→
Devotional
Jeremiah Devotional Guide
→
Get This Bible
nyankole Study Bible
→