bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Jeremiah 9
Jeremiah 9
nyankole
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 10 →
1
Nkaabaasibwa ki, omutwe gwangye guba eiziba riijwire amaizi, amaisho gangye gaba enshuro y'amarira, ncura nyomushana na nyekiro, ahabw'abantu b'eihanga ryangye abaitsirwe!
2
Nkaabaasibwa ki, ngira omu ihamba eicumbi nk'ery'abagyenzi, ntsigaho abantu bangye mbaza hare! Ahabw'okuba boona n'enshambani, n'ekigombe ky'endeebya.
3
Bainika orurimi nk'obuta. Ebishuba gatari mazima nibyo birikutegyeka omu nsi. Manya ku baheza kukora ekibi, bakora ekindi, kandi tibarikuunyetaho; nikwo Nyakubaho arikugamba.
4
Buri muntu ayerinde mutaahi we, kandi ateesiga mweneishe ahabw'okuba buri munyaruganda n'engobya nka Yakobo kandi buri mutaahi w'omuntu naagyenda naamugambuura.
5
Buri omwe naaryarya mutahi we; tihaine orikugamba amazima, kureka bamanyiirize endimi zaabo kugamba ebishuba. Nibakora ebibi, babura agabyeteisa.
6
Nibatungika okuhata aha kundi, n'obugobya aha bundi; banga kuunyemera; Mukama nikwo arikugamba.
7
Nikyo Mukama ow'amahe arikugirira ati: Niinyija kubashemeza, mbagyeze. Mbwenu abo bantu bangye, ekindi nkaabakorera ki?
8
Orurimi rwabo ni nk'omwambi gurikugwisaho! Nirugamba eby'obugobya. Buri omwe naagamba gye na mutaahi we; haza kunu amwiniire enaama y'okumugwera.
9
Mbwenu Nyakubaho naagira ati: Ebyo bintu tindibibatura nkabafubira? Kandi tindihoora nzigu eihanga nk'eri?
10
Nindira kandi nincurira enshozi, nintongyeza amariisizo g'omu ihamba, ahabw'okuba bihindukire eirungu; tihaakiriho orikubirabamu; n'ente tizaakijugirayo.
11
Nyakubaho nawe agira ati: Ndyahindura Yerusalemu omutuumo gw'amatongo, n'eikobezo rya zaamuha; Endembo za Yerusalemu nzihindure emishaka, habure owaazituuramu.
12
Ni munyabwengye ki owaakwetegyereza ekyo? N'oha ou Nyakubaho akigambiire ngu akirangye? Ahabw'enki ensi esiisikaire ekaba nk'eihamba, hakabura owaagirabamu?
13
Nyakubaho nawe ati: N'ahabw'okuba barekire amateeka agu naabahaire, baayanga kugakuratira;
14
kureka baakuratira ebi emitima yaabo egangaire erikwenda; baaramya baabaali abu baishebo baabahabwire.
15
Nikyo Mukama ow'amahe Ruhanga wa Isiraeli arikugirira ati: Reeba, aba bantu niinyija kubariisa omuravunga, mbanywaise amaizi garimu obushegu.
16
Ndyabataataanira omu mahanga, agu bo, nobu baakuba baishebo, batakamanyaga; haza mbakuratse rurara okuhitsya obu ndibamaraho.
17
Mukama ow'amahe naagira ati: Nimuteekateekye aha biraabeho! Mwete abakazi b'okucura baije. Mutume aha bakazi abahangu baije.
18
Nabo bati: Nibarahukye batucurire; amarira gatufukunkukye omu maisho, ebitsigye bihimintikye amaizi.
19
Manya nituhurira ekiboroogo ky'ab'omuri Siyooni nibagira bati: Ai bambe, twafa! Twahemukira kimwe, twatsigaho ensi yaitu, amaka gaitu gaasheenywa.
20
Naanye naabagira nti: Imwe bakazi 'mwe, nimuhurire eki Nyakubaho arikugamba; amatu gaanyu gaakiire ekigambo ekirikumuruga omu kanwa. Nimwegyese bahara baanyu okutonzya, buri omwe ayegyese mutaahi we ekyeshongoro ky'okucura.
21
Manya rufu yaahikire omu madirisa gaitu, yaataahire omu bikaari byaitu kumara abaana omu nguuto, n'abatsigazi omu nteeraniro z'emihanda.
22
Obagire oti: Oku nikwo Nyakubaho arikugamba naagira ati: Emitumbi y'abantu eryayanamira omu ishwa nk'amasha; ebe nk'enganda z'oburo ezi omugyesi atsiga enyima, zikabura owaazishanguruza.
23
Nyakubaho naagira ati: Omunyabwengye arekye kwehimbisa ahabw'obwengye bwe, ow'amaani arekye kwehimbisa ahabw'amaani ge; n'omutungi arekye kwehimbisa ahabw'eitungo rye;
24
kureka orikwehimbisa ayehimbise ahabw'okummanya n'okuunyetegyereza ku ndi Nyakubaho ogira rukundo etahararuka, akakora omu nsi eby'oburyo n'ebihikire ahabw'okuba ebyo Nyowe nibyo nshemerererwa; Nyakubaho nikwo arikugamba.
25
Reeba, obunaku buryahika nfubire abashazirwe boona, abatashazirwe mu mazima.
26
Aba Misiri, aba Buyuda, aba Edomu, aba Amoni, aba Moabu n'abatwire omu ihamba boona, abatega ebyeyera; ahabw'okuba ab'amahanga ago goona tibashazirwe, kandi ab'omuryango gwa Isiraeli boona tibashazirwe mu mutima.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52