bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Jeremiah 6
Jeremiah 6
nyankole
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 7 →
1
Imwe aba Benyamiini, nimuhungye murugye omuri Yerusalemu, musherure obukiriro. Nimuteerere enzamba omuri Tekoa, mwimutsye orurango ahari Betihakeremu; ahabw'okuba akabi kaareetana nikareeterwa aha bukiizi-bwa-bumosho, karimu okucwekyerera kuhango.
2
Niinyija kucwekyereza Siyooni enungi eyaayoreirwe neetetsibwa.
3
Abariisa b'entaama nibaija kugirwanisa baine amasyo gaabo; bateere amahema gaabo kugyehinguririza; haza buri omwe ariisize ahu arikwenda.
4
Nimutengye orugamba tuze kugirwanisa! Nimwimukye tugiteere nyomushana! Ai bambe! tugire tuta? Ka bwaza kwira, reeba ekirengabazaana!
5
Nimwimukye nu tugiteere nyekiro, tusheenye ebikaari byayo!
6
Manya Mukama ow'amahe naagira ati: Muteme emiti ya Yerusalemu, murunde eby'okugigoteraho. Oru n'orurembo orushemereire kufubirwa, ahabw'okuba tirubamu kindi, kureka okuhata abantu.
7
Nk'oku eiziba riguma nirijwa amaizi, n'oru rurembo nikwo rutuura nirukora ebibi. Tiinyosha kuruhuriramu eby'obwinazi n'eby'okucwekyereza, nindureebamu abarwaire n'abahutaaziibwe.
8
Iwe Yerusalemu 'we, yerinde! Ntakaataana naiwe, nkakuhindura ensi y'amatongo etatuurwamu bantu.
9
Mukama ow'amahe naagira ati: Humbahumba omu Baisiraeli abatsigaireho, nk'oku omuntu ahumba aha muzaabibu. Garuka orabye omukono omu mataagi gaagwo, nk'oku orikushoroma ebijuma by'emizaabibu agira.
10
Mbwenu ni baahi abu ndaagambire, nkeehanangiriza, bakabona kuhurira? Reeba, amatu bagahendeiremu ebiti tibarikwenda kuhurira. Reeba, eki Nyakubaho arikubagambira nibakigaya, tibarikukisiima.
11
Nikyo ekiniga ki Nyakubaho abainiire kirikumbugumiramu, nkabura agakigumisiriza. Nawe nikwo kungira ati: Kigirire abaana b'omu bihandagazi, n'ahu abatsigazi beerundaaniire, abashaija n'abakazi baabo, abantu abakuzire munonga, nangwa n'abahwitsire batwarwe.
12
Nyakubaho naagira ati: Amaju gaabo garyaba ag'abandi, otaireho emisiri yaabo n'abakazi baabo; ahabw'okuba abatwire omuri egyo nsi ndyababangira omukono.
13
Manya buri muntu omuribo, okwiha aha muto okuta aha mukuru, naaruruuhira okwetungisa omu buryo butahikire. Kandi okwiha aha murangi okuta aha muhongyerezi, buri omwe n'engobya.
14
Batambiire abantu bangye obuhuta aharuguru, baabagira bati: Muri gye, muri gye; haza kunu batari gye.
15
Mbwenu shi ku baaherize kukora ebihagaro, bakaitwa enshoni? Ngaaha; tibaraitsirwe nshoni n'akakye; nangwa tibaragizire bu babwerabwera. Nikyo barigwera gangari, nk'oku abandi baagwire; aha izooba eri ndibafubiriraho, bakahwerekyerezibwa; nikwo Nyakubaho arikugamba.
16
Nyakubaho naagira ati: Mwemerere ahu emihanda eteeranira. Mubuuririze otuhanda otwa ira, n'ahu omuhanda omurungi guri. Haza mube nigwo mwatoora; mubone kutunga obuhuumure. Kwonka bo baagira bati: titurikwija kugutoora.
17
Nkabataho abarinzi, naagira nti: Ku muraahurire eiraka ry'enzamba, muteho omutima! Kwonka bo baagira bati: titurikwija kuritaho omutima.
18
Mbwenu imwe mahanga 'mwe, nimuhurire, naimwe bantu 'mwe, mwena mumanye ebiraababeho.
19
Iwe nsi 'we, hurira! Reeba, niinyija kugwisiza aba bantu akagwe, mbature okwehabagiza; ahabw'okuba tibataire mutima aha bi mbagambiire, baayanga kukuratira amateeka gangye.
20
Mbwenu shi bantoijerera ki obubaani burikuruga Sheeba, n'emigaju ei baiha omu nsi ya hare? Emitoijo yaanyu tindikugyakiira; n'ebitambo byanyu ebicwekize tindikubisiima.
21
Nikyo Nyakubaho arikugirira ati: Reeba, aba bantu ndyabatega enkongi, abaana na baishebo baziteereho entsibo; bataahi baabo na bagyenzi baabo bahwerekyerere.
22
Nyakubaho naagira ati: Reeba eihanga niriija niriruga omu nsi y'omu bukiizi-bwa-bumosho; eihanga rihango nirihurura, niriruga omu byanga by'aha muheru gw'ensi,
23
Abantu baaryo bakwaitse amata n'amacumu, n'enshaarizi, tibaine saasi, Endigito yaabo ni nk'enyanja erikuhoorera. Batembire embaraasi, Batengire orugamba kukuteera iwe Siyooni.
24
Tuhuriire enkuru yaabo, emikono yaitu yaatentebuka, twagira obujune bwingi, n'obusaasi, nk'obw'omukazi orikurumwa.
25
Mutashohora kuza omu ishwa, nobu kwakuba okugyendagyenda omu mihanda; ahabw'okuba abazigu bahagatiire zaarurara; obwoba bututurukire oku n'oku.
26
Iwe rurembo rw'abantu bangye 'we, yezirikye ebiguniya, oyekuringye omu iju; ocure nk'ofiisize omwana we omwe nyamunegyere, otonzye oine enaku nyingi; ahabw'okuba ow'okukuhwerekyereza naija kukuteera kitaraariire.
27
Nkuhindwire ow'okugyeragyeranisa n'okugyeza abantu bangye, ngu obone kumanya n'okugyeragyeranisa emitwarize yaabo.
28
Boona n'engangaazi kandi abagomi, abarikugyenda nibabeiherera abandi. Bagumire nk'omuringa nari nk'ekyoma; boona oku batura, nibakora ebitahikire.
29
Emijuba neejugutirirwa n'amaani, risasi eyagibwa omuriro; kwonka beeruhiza busha kugumizamu nibayazya, ahabw'okuba enkamba eba etarugireho.
30
Abantu nibabeeta efeeza y'ekikwangara, ahabw'okuba Nyakubaho abacwire.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52