bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Jeremiah 5
Jeremiah 5
nyankole
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 6 →
1
Imwe ab'omuri Yerusalemu, nimwirukye mukore oku n'oku omu nguuto zaayo, mureebe kandi mwetegyereze! Nimucaakye emyanya yaamwo ei abantu bateeraniramu, mureebe ku muraabe nimubaasa kubonayo omuntu orikukora eby'oburyo akakuratira eby'amazima; haza naanye mbone kugisaasira.
2
Nobu baraabe nibagira bati: Niturahira Nyakubaho ohuriire; kwonka ebi barikurahira n'ebishuba.
3
Ai Nyakubaho, tiiwe oyenda kureeba eby'amazima? Reeba, okabateera, kwonka tikyabasaasa; waabacoocoora, haza tibaakyetaho, Baagangaara aha maisho okukira orukiri, baayanga kweteisa.
4
Naanye nikwo kugira nti: Ebishi aba n'abantu bataine ku bari tibarikwetegyereza; ahabw'okuba tibarikumanya mitwarize ya Mukama ei Ruhanga waabo yaabaragiire.
5
Mbwenu nu ka nyegiire omu bakuru, mbe nibo naagamba nabo; ahabw'okuba bo nibamanya emitwarize ya Mukama, n'eiteeka rya Ruhanga waabo, ahabw'okuba bo nibamanya eki arikubaragiira kukora. Kwonka boona oku batura, naashanga bahenzire omugamba, bacwire enkomo.
6
Nikyo bariitirwa entare y'omu kibira bakataagataagurwa omushega gurikuruga omu ihamba; engwe ekagwera ab'omu ndembo zaabo, owaarugamu weena ekamutaanyaguza. Manya ebicumuro byabo ni bingi, n'oburare bwabo burengyesereize!
7
Mbwenu nimbaasa nta kukusaasira, abantu baawe ku baraabe baanyimwire bakaramya abatari baaruhanga? Ku naabagaburiire naabahaazya, baashambana, baayerunda aha maju ga baamaraaya.
8
Baaba nk'engundu z'embaraasi eziriisiibwe gye, ezirikushiija, buri omwe yaacundanisa muka mutaahi we.
9
Nyakubaho naagira ati: Mbwenu shi tindibafubira ahabw'ebyo, kandi tindihoora enzigu eihanga eriri nk'eri?
10
Nimwirooko murabe omu mizaabibu yaayo, mugitemagure, kwonka mutagimariraho kimwe. Mugikonkobore amataagi, ahabw'okuba ti ga Nyakubaho.
11
Manya ab'omuryango gwa Isiraeli n'ab'ogwa Yuda bambeereire kimwe abatari beesigwa; nikwo Nyakubaho arikugamba.
12
Bagambire ahari Nyakubaho ebitari by'amazima baagira bati: Taine ki araakore. Tihariho kabi karituhikaho, nobu kwakuba okwitwa rurara nari okuteerwa enjara.
13
Bati: Abarangi ni busha nk'omuyaga. Tibaine by'amazima ebi barikuranga. Haza nikwo baritwazibwa!
14
Nikyo Mukama Ruhanga ow'amahe arikugirira ati: Ahabw'okugamba batyo, mbwenu naaza kukuta omu kanwa ebigambo byangye, mbihindure omuriro; n'aba bantu babe enku, omuriro gubootsye.
15
Imwe ab'omuryango gwa Isiraeli, reeba, niinyija kubahururiza eihanga, rirugye hare, ribateere; Nyakubaho nikwo arikugamba. N'eihanga ry'amaani, kandi erya ira; eihanga eri otarikumanya rurimi rwaryo, nobu kwakuba okwetegyereza ebi abantu baaryo barikugamba.
16
Emitana yaabo ni nk'ebituuro byashami, kandi boona n'amamanzi.
17
Baryayaya ebi mushaarwire n'ebimurikuryaho. Baryaita batabani baanyu na bahara baanyu. Baryabaaga amasyo gaanyu g'ente n'ag'entaama. Baryacwekyereza emizaabibu yaanyu n'emitiini yaanyu. Endembo zaanyu z'ebigo bigumire ezi murikwesiga, amahe gaabo gazisheenyagure.
18
Nyakubaho naagira ati: Nangwa n'omu biro ebyo imwe tindibamariraho kimwe.
19
Abantu ku baribuuza bati: Mukama Ruhanga waitu atutuzire ki, yaaza kutukoraho ebi byona? Obagarukyemu oti noogira ati: Nk'oku mwanyimwire, mukaramiza omu nsi yaanyu baaruhanga b'abanyamahanga; nikyo muribeera ab'okushumbira abanyamahanga omu nsi etari yaanyu.
20
Mukigambire ab'omuryango gwa Yakobo, mukirangirire ab'ogwa Yuda muti:
21
Imwe bashema 'mwe, abatari kwetegyereza, abaine amaisho, kwonka mutarikureeba; abaine amatu kwonka mutarikuhurira, nimuhurire eki:
22
Nyakubaho naagira ati: Ahabw'enki timuntiina? Ahabw'enki mutatetemera omu maisho gangye? Nkateeraho enyanja omusheenyi kuba omwatano gwayo, kuba omucungiro ogu etarikubaasa kurengyeraho. Ebingonzi nobu byakwecunda bita, tibikaagubaasa; kandi nobu byakuhoorera bita, tibikaagurengyeraho.
23
Kwonka abantu b'eri ihanga n'engangaazi, kandi n'abagomi. Bataishukire, baayegyendera.
24
Tibarikugira mu mitima yaabo bati: Ka tutiine Mukama Ruhanga waitu otuha enjura omu bunaku bwayo, enjura y'eibiba n'eya katumba, kandi otuteeraho obunaku bw'okugyesheramu.
25
Ebicumuro byanyu nibyo byaihireho ebyo; ebibi byanyu byabaimisa ebirungi.
26
Manya omu bantu bangye nihashangwamu abantu babi, abarikugwera nk'abategire enyonyi. Nibatega emitego, bakwata abantu.
27
Amaju gaabo gaijwire obugobya, nk'ekitukuru kiijwire enyonyi. Nikyo babeereire abatungi kandi bahango;
28
bakagomoka bakasiigiriza. Omu kukora ebibi tibaine bugarukiro. Tibacwera fuuzi manja omu bwinganisa, kuzibaisa gye; kandi tibatonganira bakyene.
29
Nyakubaho naagira ati: Mbwenu shi tindibafubira ahabw'ebyo bintu? Kandi tindihoora nzigu eihanga nk'eri?
30
Ekintu ekirikwitsa obwoba kandi ekirikutiinisa kibaireho omuri egi nsi.
31
Abarangi nibagamba ebishuba, abahongyerezi bategyeka nibakuratira ebi abo barangi baabahabura; haza abantu bangye babisiima. Mbwenu muheru ku erihika, muryagira muta?
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52