1 Timothy 5

Oromo Bible (Kakuu Haaraaka) - No Year

← Chapter 4 Jump to: Chapter 6 →

1Nama jaarsaa tokkoollee hin ceersinii, ammoo akka abbeetii saalafadhuufii gorsi! Ka'imaallee akka obbboleeyyaan teetiittii,

2jaarrolee nadheenii akka haawwan teetii, ka'ima nadheenii qulqullooma dhugaatiin akka obboleeyyan teetii herrgadhu

3Nadheen dhiirsii irraa du'ee ceeriifii dhugumaan qorqoradhu!

4Nadheen dhiirsa hin qamne, ijoollee yokaan akkoowwan yo qabaattee ammoo, ijoolleen sun qaraa aadaa dhugeeffachaa Waaqaa ha warraa ufiitii guutee ammallee galata guddisaa baaftuufi! Akka akkasiin Waaqallee gammachiiftu.

5Niitiin dhugumaan dhiirsa hin qamne, ta ammallee nama qorqoratu hin qamnee, abdii ufii ya Waaqaa irra keeyyattee halkanii guyyaa qarqaarsa Waaqaa kadhatte.

6Niitiin dhiirsa hin qamne, ta ammoo gammada waan lafaa feetu, adoo nafaan jiraatteellee ya doote.

7Akka namii tokkoolleen wallaala isaanitti hin murre seera kana warraa kenni!

8Ammoo namii fiixaa ufii faa, keessumattuu abbaa fi haadha ufii faa yo hin qorqorannee, innii ya dhugeeffachaa ufii lakkisee, jara hin dhugeeffatniiyyuu hin ga'u!

9Nadheen haga isiin ganna jaatamaa geettutti maqaa isii nadheen dhiirsa hin qamnetti hin darini. Ammallee nadheen marroo tokko callaa fuudhan ha taatuu.

10Ammallee gurra dansaa durii ka hujii dansaa hojjattee qaabaachuu malte; niitii ijoollee ufii akka dansaa guddifattee, keessummaa keessumeesitee, gumii Waaqaa qulqulloo miila dhixxee, nama gaargala qabu qarqaartee, waan dansaa ufi baaftee fi hujii dansaa cufaa hojjatte ta'uu malte.

11Nadheen ka'imaa maqaa nadheen dhirsa hin qamneetti hin darinaa! Wantii akkanaatiif isiin yo fedhii dhiiraa qabattee akkanumaatti taa'uu dadhabdee, Kiristoo irraa baddee dhiirsa fuudhuu feetii.

12Kakuu qara Waaqaa galan cabsanii, balleessaa ufumaan ufitti muran.

13Ammallee isiin hujii malee ufumaa taa'uu barattee, mana cufaa irra yaatee waan haasa'uu hin malin cufa haasoftee ufumaa teteette; akka nyaaphii keenna qoommii argatee waan hamtuu nuun hin jennee, nadheen, ka'ima fuudhuu malan, akka ilmaan dhaltee, warra ufii qorqoratu.

15Wantii akkanaatiif nadheen dhiirsa hin qamne ta garii amma ya sheexana gula yaate.

16Niitiin kiristaanaa yo nadheen firaa ta dhiirsa hin qamne mana isii jiraatte, gumii kiristaanaa ta nadheen dhiirsa dhugumaan hin qamne qarqaartu hin gaargalchinii, isummaan ha qarqaartuu!

17Jaarrolee nama dura yaatee hujii Waaqaa akka dansaa hojjattee fi keessumaattuu warrii dubbii Waaqaa haasa'ee barsiisee, harka lamaa ulfinna argachuu male.

18Wantii akkanaatiif qoonqoon Waaqaa qulqulloon, “Qotiiyyoo yo isiin midhaan dhaantu, afaan hin hidhin” ammalle, “Namii hojjatuu gatii ufii argachuu male” jetti.

19Yo jaarsa gumii himatan haga namii lamaa sadii dhugaa itti ta'uutti dubbii sun hin caqasinaa.

20Akka namii dhibiilleen argee sodaatu, nama cubbuu hojjatu cufaa fuula gumii duraatti loliin!

21Fuula Waaqaa guddaa, ka Yesus kiristootii fi ka ergamtoota Waaqii foo'atee duraatti, anin si kadhadhaa, bariisa tana gula deeme; nama tokkoollee jaalattee wal hin caalchifatinii!

22Hurriftee nama tokkoollee hujii Waaqaatii filuuf harka irra hin kaa'in! Daba nama tokkoollee keessa hin seeninii, ufi qulqulleessi.

23Waan yo cufaa garaan si dhukkubee fayyaa dhabduufii, bisaan callaa hin dhugnii daadhiillee diqqoo tokko dhugi!

24Dabii nama garii guddoo mullata, dabii warraa kunii warraan duraatti fulaa muraa dhaqa; dabii nama garii ammoo eegee dhaqqaba.

25Hujiin dansaalleen akkasuma yoosuu mullatti, ta guddoo hin mullannellee danda'ani hin dhossan.

← Chapter 4 Jump to: Chapter 6 →