bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Ezekiel 12
Ezekiel 12
Quechuan (Tayta Diospa Wilakuynin) 2003
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 13 →
1
Tsaypitanami Tayta Dios kayno nimarqan:
2
«Runapa tsurin, mana cäsukuq runakuna tashqanchömi taykanki. Tsay runakuna nawiyuq karpis manami rikantsu. Rinriyuq karpis manami mayantsu. Mana cäsukuq kashpanmi tsayno karkaykan.
3
«Tsaymi qepikita kamarikurkur lapan runa rikaykäshuptiki prësu aywaykaqno aywaq tukunki. Pïmaypis rikaykäshuptiki tashqaykipita juk lädupa aywakunki. Tsayno rikashushpayki mana cäsukuq kashqanta capazchari tantiyakärinqa.
4
«Juk lädu nacionman prësu apashunaykipaq kamarikuqno lapan rikaykäshuptiki kamarikushqayki qepikita junaqpa jorqunki. Tardipana lapan rikaykäshuptiki prësu aywakuykaqno wayikipita yarqunki.
5
Wayikipita yarqunaykipaq lapan rikaykäshuptiki adöbita uchkurir qepikita aparikurkur tsaypa yarqunki.
6
Patsa tsakarpuptinna lapan rikaykäshuptiki qepikita aparikurkur aywakunki. Qepapa mana tikrapakuypa aywanaykipaq qaqlaykita tsapakunki. Tsaynöpami Israel runakunata tantiyatsinki nacionninpita prësu aywapäkunanpaq kashqanta».
7
Tsaymi Tayta Dios nimashqannöla lapanta rurarqä. Juk lädu nacionman prësu apaptin aywakuykaqnömi kamarikurqä. Junaqpami apanäpaq kaqkunata jorqurqä. Tardipanami wayipita yarqunäpaq adöbita uchkurqä. Patsa tsakarpuptinnami lapan runa rikaykämaptin qepïta aparikurkur yarqurqä.
8
Jukaqnin tutanami Tayta Dios kayno nimarqan:
9
«Runapa tsurin, mana cäsukuq Israel runakunami tapushunkipaq imanir tsayno ruraykashqaykitapis.
10
Tapushuptiki kayno ninki: «Tayta Diosmi kayno nin: Kay rikashqayki kaykan Jerusaléncho reyta y tsaycho taqkunata ima pasananpaq kashqantapis tantiyanaykipaqmi».
11
«Tsaynöpis paykunata wilanki kayno nir: «Jerusaléncho reyta y tsaycho taq runakunata juk lädu nacionmanmi contrankuna prësu apakärinqa. Tsaymi wayïpita yarqushqäta rikashqaykinöla paykunapis yarqupäkunqa.
12
Tayta Diosmi kayno nin: Reypis qepinta aparikurkurmi perqa uchkushqapa tsakaypa qeshpikunqa. Markanta mana rikananpaqmi qaqlanta tsapakurkur aywakunqa.
13
Jina kaqtami rednïwan tsarirkur caldeo runakunapa nacionnin Babiloniaman prësu apatsishaq. Itsanqa tsaycho kaykarpis tsay nacionta manami rikanqatsu. Tsay nacionlachömi wanunqapaq.
14
« «Reypa lapan cuidaqninkunatapis y soldädunkunatapis wakpa kaypami mashtakätsishaq. Tsayno mashtakashqa kaykaqtami qati qatiykur espädawan wanutsishaq.
15
Wakinkunanami juk lädu nacionkunacho y jäpa markakunacho prësuranqa. Tsayraqmi Tayta Dios kashqäta musyapäkunqa.
16
« «Juk ishkay runakuna guërrapita qeshpinanpaqmi kamakätsishaq. Wakinkunanami qeshyawanpis ni yarqaypitapis mana wanunqatsu. Contrapartinkuna juk nacionkunaman prësu apaptinmi tsay nacionkunacho wilakärinqa jutsa rurashqankunapita castigashqäta. Tsayraqmi Tayta Dios kashqäta musyapäkunqa» ».
17
Yapaymi Tayta Dios kayno nimarqan:
18
«Runapa tsurin, mikushqayki höra y yakuta upushqayki höra lakikuykaqno y mantsakuykaqno pasaypa siksikyanki.
19
Babiloniacho taykaq Israel marka mayikikunata kayno ninki: « Tayta Diosmi kayno nin: Jerusaléncho y Israelcho taq runakuna runa mayinta nakatsishqanpita castigaptïmi nacionninpis chunyaq rikakunqa. Tsayta musyarmi mikuytapis mantsa mantsala mikupäkunqa y yakutapis pasaypa lakishqalana upupäkunqa.
20
Markankunapis raqälana rikakuptinmi intëru nacionpis pasaypa chunyaq rikakunqa. Tsayraqmi Tayta Dios kashqäta musyapäkunkipaq» ».
21
Tayta Diosmi yapay nimarqan:
22
«Runapa tsurin, ¿imanirtaq Israel runakuna kayno nirkaykan: «Killatsarkunpis watatsarkunpis tsaynölami kaykan. Profëta wilakushqanpis manami cumplikantsu»?
23
Kanan tsay runakunata kayno ninki: « Tayta Diosmi kayno nin: Noqami kamakätsishaq Israelcho tsay rimayta runakuna manana rimananpaq. Profëtakuna wilakushqannölami lapanpis cumplinanpaqna kaykan.
24
« «Kananpitaqa lula profëtakuna manami Israel runakunata lulapaykanqanatsu ni manakaqkunamanpis yärakaykätsinqanatsu.
25
Wilakuqnïkuna imata wilakunanpaqpis kikïmi tantiyatsishaq. Wilakatsishqänölami lapanpis kanqa. Qamkuna manaraq wanuptikimi nishqänöla lapanta cumplitsishaq. Mana cäsukuq runakuna, tantiyakäriy». Tayta Diosmi tsayno nin».
26
Tayta Diosmi yapay kayno nimarqan:
27
«Runapa tsurin, Israel runakunami rimarkaykan kayno nir: «Imaykapis pasananpaq kashqanta wilakushqan imayshi cumplinqapis».
28
Kanan paykunata kayno wilanki: « Tayta Diosmi kayno nin: Walkalanami pishiykan nishqäkuna pasananpaq. Nishqäkunataqa lapantami cumplishaq». Tayta Diosmi tsayno nin».
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48