bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Ezekiel 26
Ezekiel 26
Quechuan (Tayta Diospa Wilakuynin) 2003
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 27 →
1
Babiloniaman prësu apapäkamashqan chunka juk wata qalaykunan junaqmi Tayta Dios kayno nimarqan:
2
«Runapa tsurin, Tiro marka runakunami Jerusalénta ushakätsiptin kushipar kayno nishqa: «¡Benëchu ushakätsishqa! ¡Maytsay nación runakuna negociunkunawan chayanan marka kananqa ushakashqami kaykan! ¡Ushakätsishqa kaptinmi noqantsimanna suerti tikramushqa! ¡Kananqa noqantsinami paykunano rïcuyäshun!»
3
«Tsaymi noqa Tayta Dios kayno nï: Tiro marka, qampa contraykimi kaykä. Wayrämuptin lamar altuyaq pulchaqyar kuchunman chayaqtanömi juk lädu nación runakunata atacashunaykipaq apamushaq.
4
Tsaparäshuqniki murällaykikunatapis juchutsirmi ushakätsinqa. Rikachakunayki törrikikunatapis ushakätsinqami. Chipyaq pitsaypa alpatapis ushakätsirmi rumilatana kachaykushayki.
5
Kashqayki islapis red mashtakuna rumilanami rikakunqa». Tayta Diosmi tsayno nin. «Imaykaykitapis juk nación runakunami apakärinqa.
6
Lamar kuchuncho taksha markaykikunatapis espädawanmi ushakätsinqa. Tsayraqmi tsaycho taqkuna Tayta Dios kashqäta musyapäkunqa.
7
«Noqa Tayta Diosmi kayno nï: Qamta ushakätsishunaykipaqmi norti kaq lädupita Babilonia nacionpa mandaqnin rey Nabucodonosorta apamushaq. Payqa lapanpitapis mas munayniyuq rey karmi carrëtankunawan y cawallun muntashqa atska soldädunkunawan shamunqa.
8
Lamar kuchuncho taksha markaykikunata atacarmi tsaycho taq runakunata espädawan wanutsipäkunqa. Nirkurmi markaykiman yaykunanpaq perqa waqtankunapa törrikunata sharkatsipäkunqa, alpata qotupäkunqa y escüdunkunawanmi tsapakärinqa.
9
Markayki tsaparaq perqaykikunatapis mäquinawanmi juchutsipäkunqa. Rikachakunayki törrikunatapis talamarmi ushapäkunqa.
10
«Tsaynölami marka punkukunatapis talamar yaykapäkunqa. Atska cawallunkunawan shamuptinmi qoshtaynöraq polvu sharkur tsapäshunkipaq. Patatarraq cawallukuna shamushqan mayakaptin y jaqrararraq carrëtakuna shamushqan mayakaptinmi murällaykikunapis kuyunqa.
11
Intëru cällikikunatami cawallunkuna lutskar ushanqa. Qamcho taykaq runakunatami espädawan wanutsipäkunqa. Raku tushaykikunatapis tunitsirmi ushapäkunqa.
12
Lapan riquëzaykikunatapis qechushushpaykimi negociuykikunatapis apakärinqa. Perqa murällaykikunata juchurkatsirmi kuyaylapaq wayikikunatapis talamapäkunqa. Talamarkurmi rumikikunata y qeruykikunatapis lamarman jitapäkunqa.
13
«Tsaynöpami kushishqa cantashqaykita upälatsishayki. Arpaykikuna waqashqanpis manami mayakanqanatsu.
14
Markaykita alpaynaq qaqatanölami kacharishaq. Red mashakunalamanmi tikraratsishaq. Mananami imaypis yapay sharkatsishunkinatsu. Noqa Tayta Diosmi tsayno nï».
15
Tayta Diosmi Tiro markata kayno nin: «Bunrururraq wayikikuna juchushqanta mayar, däñakushkuna qaparashqanta mayar y runakunata wanutsipäkushqanta mayarmi lamar kuchuncho kaykaq nación runakunapis mantsakuywan siksikyanqa.
16
Tsay nacionkunapa mandaqnin reykunapis trönunpita sharkurmi cäpankunata y shumaq bordashqa röpankunatapis loqtirir lütutana jatikärinqa. Ushakashqaykita musyarmi fiyupa mantsakuywan pampacho siksikyar jamarpanqa.
17
Tsaymi ayata cantapashqan cantata cantapäshushpayki kayno nipäkunqa: « «Wakin markakunapitapis masmi büquikikunawan lamar jananpa purishqanki. Kananqa ¿imanöpataq ushakaykushqanki? Pïmaypitapis reqishqa markami karqayki. Qamcho taq runakuna munayniyuqmi karqan. Nawpaykikunacho kaq nacionkunatapis lapantami mantsakätsirqayki.
18
Ushakashqaykita mayarmi lamar nawpancho kaykaq markakuna siksikyaykan. Pasaypa elqashqana kaptikimi islacho taqkunapis fiyupa espantar mantsakashqa karkaykan».
19
«Tiro markatami Tayta Dios kayno nin: Pipis manana tashqan markakunatano raqälatanami kachaykushayki. Lamarpita atska yaku yarqamur apashunaykipaqmi kamakätsishaq.
20
Tsaynöpami unay wanuqkuna kaykashqanman jitarpushayki. Patsa ruriman qarpuptïmi imaypis kankipaqnatsu. Unay wanuqkunawanna kaptikimi marka kanaykipaq pipis mana sharkatsishunkipaqnatsu. Qamcho manami pipis tanqanatsu.
21
Chipyaq ushakätsiptïmi kashqayki markapis fiyupa mantsakuypaq rikakunqa. Ashishushpaykipis manami tarishunkinatsu». Tayta Diosmi tsayno nin.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48