bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Ezekiel 24
Ezekiel 24
Quechuan (Tayta Diospa Wilakuynin) 2003
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 25 →
1
Babiloniaman prësu apapäkamashqan isqun wata cumplinanpaq ishkay killa pishiykaptinmi chunka kaq junaqcho Tayta Dios kayno nimarqan:
2
«Runapa tsurin, kanan junaq ima fëcha kaykashqantapis qelqakuy. Kanan junaqmi Babilonia nacionpa mandaqnin rey Jerusalénta atacayta qalaykunqa.
3
Tsayno kaptin tinkutsiypa wilapar tsay mana cäsukuq Jerusalén runakunata kayno ninki: « Tayta Diosmi kayno nin: Jatun mankata churkurkur tsayman yakuta winapäkuy.
4
Uywata pishtarkur chankanta, washanta y alinnin kaq tulunkunatapis tsayman winapäkuy.
5
Tsay aytsata y tulukunata mankaman winanaykipaq werannin uyshata pishtapäkuy. Nirkur atska yantawan shumaq timputsiy tulunkunapis latushqanyaq » ».
6
Tayta Diosmi kayno nin: «¡Wawalaw, imanöraq kanqa wanutsikuq Jerusalén marka! Jerusalén markaqa mujusyashqa mankanömi kaykan. Yanayashqan imaypis mana yarquqnömi kaykan. Lapan kutsushqan aytsata mana akraylapa mankapita jorquqnömi Jerusalén runakunata lapanta prësu apakärinqa.
7
«Jerusalénchöqa pasaypa wanutsinakuylami kaykan. Wanutsishqan runakunapa yawarninta alpawan tsapanalanpaqpis manami yarpachakärintsu. Tsaypa trukanqa rumi janankunachömi yawarnin tsakishqa mashtaraykan.
8
Tsaymi paykunatapis wanutsiptï rumi janankunacho pilchishqan yawarnin mashtaranqapaq. Tsayta rikarmi pïmaypis musyanqa fiyupa rabyakushpä Jerusalén runakunata castigashqäta».
9
Tsaymi Tayta Dios kayno nin: «¡Wawalaw, imanöraq kanqa wanutsikuq Jerusalén marka! Bunyaypa bunyar nina rupananpaqmi tsay manka churkuraykashqan tulpata jatipäshaq.
10
Ninata ratarkatsirmi atska yantata tulpaman jatipäshaq. Aytsa latunanyaqmi timputsishaq. Caldunpis tsakinanyaq y tulunkunapis rupananyaqmi yanushaq.
11
Nirkurmi jäkuq mankata pukayänanyaq shanshawan waritsishaq. Tsayno waritsishaq qanran yarqunanpaq y yanayashqan elqänanpaqmi.
12
Itsanqa mayjina waritsiptïpis qanran manami yarqunqatsu. Manakaqlapaqmi tsay mankata waritsishaq.
13
«Jerusalén marka, mana penqakuypa ïdulukunata adorar jutsata rurashqaykipitami qanra mankano kaykanki. Qanraykita jorquyta munaptïpis manami munashqankitsu. Castigaptïraqmi limpiu kankipaq.
14
Noqa Tayta Diosmi tsayno nï. Nishqänölami lapantapis rurashaq. Manami qelanäshaqtsu, kuyapäshaykitsu ni lakikushaqtsu. Imanöpis kawashqaykiman tupu y rurashqaykiman tupumi castigashaykipaq». Tayta Diosmi tsayno nin.
15
Tayta Diosmi kayno nimarqan:
16
«Runapa tsurin, kuyashqayki warmikitami elaqpita shuntakushaq. Shuntakuptï ama waqankitsu ni lakikunkitsu.
17
Tsaypa trukanqa shonqulaykicho lakikunki. Tsaynöpis lütuta ama jatikunkitsu. Qara uma ni qara chaki ama purinkitsu. Qaqlaykitapis ama tsapakunkitsu. Aya täpay mikuytapis ama mikunkitsu».
18
Tsaypitanami tutapa runakunata parlaparqä. Tardipanami warmï wanukäkurqan. Wanupakushqa kaykarpis Tayta Dios nimashqannölami jukaqnin tuta karqä.
19
Tsaymi runakuna kayno nir tapumarqan: «Warmiki wanushqa kaykaptin ¿imanirtaq tsayno kaykanki?»
20
Tsayno tapumaptinmi kayno nirqä: « Tayta Diosmi nimashqa
21
qamkunata y wakin Israel mayintsikunatapis kayno ninäpaq: « Tayta Diosmi kayno nin: Qamkunaqa templüta pasaypa kuyarmi imaypis tsaycho kayta munapäkunki. Tsaynöpis templüman atiënikurmi yarpapäkunki imapis mana pasashunaykipaq kashqanta. Tsayno kuyaykaptikipis templüta ushakätsishaqmi. Jerusaléncho quëdamuq tsurikikunata warmitapis olqutapis espädawanmi wanutsipäkunqa.
22
« «Tsay witsanmi Ezequiel kanan kaykashqanno qamkunapis kankipaq. Manami qaqlaykikunatapis tsapakärinkitsu ni aya täpay mikuytapis mikupäkunkitsu.
23
Manami qara uma ni qara chaki puripäkunkitsu. Tsaynöpis manami lütu röpata jatikärinkinatsu ni waqapäkunkitsu. Jutsa rurashqaykipita lakikurmi pasaypa kalpaynaq rikakärinkipaq. Jukniki juknikipis shonqulaykichömi fiyupa lakikärinkipaq.
24
Ezequielta rikakäriy imano kashqantapis. Warmin wanuptin runakuna rikananpaq mana lakikushqanno qamkunapis manami lakikärinkipaqtsu. Tsayno kashpaykiraqmi Tayta Dios kashqäta tantiyakärinkipaq».
25
«Runapa tsurin, templu kuyaylapaq kaptinmi Israel runakuna pasaypa kushikur imaypis tsaycho kayta munapäkun. Tsayno kuyaykaptinpis tsay templuta ushakätsishaqmi. Tsaynölami kuyashqan tsurinkunata olquta warmitapis wanutsishaq.
26
«Tsay witsanmi juk runa Jerusalénpita qeshpimushpan Babiloniaman chayamur ima pasashqantapis wilapäkushunkipaq.
27
Tsay junaq shimiki pashtaptinmi qeshpimuq runawan parlankipaq. Manami upälala kankipaqnatsu. Nishqäta wilakushqaykino lapanpis pasaptinmi tantiyakärinqa Tayta Dios kashqäta».
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48