bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Ezekiel 48
Ezekiel 48
Quechuan (Tayta Diospa Wilakuynin) 2003
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
1
«Kanan tantiyatsishayki Israel trïbukunapa posisionnin mayninpa kananpaq kashqantapis. Dan trïbu runakuna chaskishqan posisionqa Israel nacionpa norti kaq lädu kuchunchömi kanqa. Paykunapa lindërun Hetlón markapa aywaq nänipami aywaranqa Hamat partiyaq. Tsaypitami chayanqa Hazar-enányaq. Tsay kaykan Damascupa y Hamatpa sur kaq lindërun tinkuqchömi. Dan trïbu runakuna chaskishqan posisionpa largun kanqa Israel nacionpa anchun kashqannölami. Tsaymi inti jeqamunan kaq lädu lindërupita hasta inti jeqanancho kaykaq lindëruyaq kanqa.
2
«Dan trïbu runakunapa sur kaq lindërunpitami Aser trïbu runakunapa posisionnin kanqa. Tsay posisionpa lindërun kanqa inti jeqamunan kaq lädupapis inti jeqanan kaq lädupapis nacionninpa lindërun kashqannömi.
3
«Aser trïbu runakunapa sur kaq lindërunpitami Neftalí trïbu runakunapa posisionnin kanqa. Tsay posisionpa lindërun kanqa inti jeqamunan kaq lädupapis inti jeqanan kaq lädupapis nacionninpa lindërun kashqannömi.
4
«Neftalí trïbu runakunapa sur kaq lindërunpitami Manasés trïbu runakunapa posisionnin kanqa. Tsay posisionpa lindërun kanqa inti jeqamunan kaq lädupapis inti jeqanan kaq lädupapis nacionninpa lindërun kashqannömi.
5
«Manasés trïbu runakunapa sur kaq lindërunpitami Efraín trïbu runakunapa posisionnin kanqa. Tsay posisionpa lindërun kanqa inti jeqamunan kaq lädupapis inti jeqanan kaq lädupapis nacionninpa lindërun kashqannömi.
6
«Efraín trïbu runakunapa sur kaq lindërunpitami Rubén trïbu runakunapa posisionnin kanqa. Tsay posisionpa lindërun kanqa inti jeqamunan kaq lädupapis inti jeqanan kaq lädupapis nacionninpa lindërun kashqannömi.
7
«Rubén trïbu runakunapa sur kaq lindërunpitami Judá trïbu runakunapa posisionnin kanqa. Tsay posisionpa lindërun kanqa inti jeqamunan kaq lädupapis inti jeqanan kaq lädupapis nacionninpa lindërun kashqannömi.
8
«Judá trïbu runakuna chaskishqan posisionpita sur kaq läducho juk partita rakipäkunki. Anchun kanqa chunka ishkay lëwa pulanmi. Largunnami kanqa inti jeqamunan kaq lädupita inti jeqanan kaq läduyaq. Tsaymi lädun trïbukuna chaskishqan posisionpa largunnöla kanqa. Tsay partipa chawpinchömi templu kanqa.
9
«Tsaycho noqapaq rakishqayki partipa largun kanqa ishkay lëwa pulan y anchunnami kanqa juk lëwa.
10
Tsay partiqa cürakunapaqmi kanqa. Norti kaq lädupami largun kanqa ishkay lëwa pulan. Inti jeqanan kaq lädupami anchun kanqa juk lëwa. Tsaynölami inti jeqamunan kaq lädupa anchun kanqa juk lëwa. Sur kaq lädupami largun kanqa ishkay lëwa pulan. Tsay partipa chawpinchömi templü kanqa.
11
«Cürakunapaq rakishqayki partiqa kanqa sirvimaq Sadoc cürapita miraq cürakuna tänanpaqmi. Israel runakuna y levitakuna mana cäsukamaptinpis paykunaqa cäsukamarqanmi.
12
Noqapaq rakishqayki particho cürakunapaq rakishqayki partiqa mas sagrädumi kanqa. Tsayqa kanqa levitakunapa posisionnin nawpanchömi.
13
«Cürakunapa posisionnin nawpanchömi levitakunapa posisionnin kanqa. Largunmi kanqa ishkay lëwa pulan y anchunmi kanqa juk lëwa.
14
Tsay posisiontaqa manami rantikunqatsu, trukanqatsu ni pitapis qoykunqatsu. Tsay posisionqa noqapaq kar sagrädumi kaykan.
15
«Putsuq kaq partipa largun kanqa ishkay lëwa pulan y anchun kanqa pulan lëwa. Tsay partiqa manami sagrädutsu kanqa, sinöqa kanqa pampa runakuna tänanpaq y tsaycho uywankunata mitsikärinanpaq. «Tsay parti chawpichönami marka kanqa.
16
Tsay markapa largunpis y anchunpis tsay tamäñulami kanqa. Cada lädupa largunmi kanqa ishkay waranqa ishkay pachak pitsqa chunka (2,250) metru.
17
Markapa nawpankunapanami uywaykikunata mitsikunaykipaq jiruruypa qewa kanqa. Tsay qewa kashqanpa anchunpis y largunpis pachak ishkay chunka pitsqa (125) metrumi kanqa.
18
«Markapa ishkan lädunpa putsuq kaqnami rakishqayki sagrädu partipa nawpancho kanqa. Inti jeqamunan kaq lädupa largunmi kanqa juk lëwa y inti jeqanan kaq lädupapis largun kanqa juk lëwa. Markacho taq runakuna mikunanpaq tsay ishkan läduchömi murupäkunqa.
19
Markacho taq Israel runakuna mayqan trïbu karpis tsay chakrakunatami murupäkunqa.
20
«Cürakunapaq, levitakunapaq, markata sharkatsinanpaq y murupäkunanpaq rakishqayki partiqa lapanraqmi anchunpis largunpis ishkay lëwa pulan kanqa.
21
«Mandaq autoridäpa posisionninpis kanqami. Paypa posisionninpa chawpinchömi sagrädu partikuna y markapaq rakishqayki partikuna kanqa. Tsaymi mandaq autoridäpa posisionninpa anchun kanqa ishkay lëwa pulan. Largunnami kanqa Israel nacionpa jukaq lindërun kuchunpita hasta jukaq lindërun kuchunyaq. «Tsay posisionpa chawpinchömi sagrädu parti kanqa. Tsaychömi templupis kanqa.
22
Tsay chawpi kaq partichömi Leví trïbu runakunapa posisionninpis y markata sharkatsinaykipaq rakishqayki partipis kanqa. Norti kaq läduchömi Judá trïbu runakunapa posisionnin kanqa. Sur kaq läduchönami Benjamín trïbu runakunapa posisionnin kanqa.
23
«Tsaypita sur kaq lädupami wakin trïbukunapa posisionninkunapis kanqa. Benjamín trïbu runakuna chaskishqan posisionpa lindërun kanqa inti jeqamunan kaq lädupapis inti jeqanan kaq lädupapis nacionninpa lindërun kashqannömi.
24
«Benjamín trïbu runakunapa sur kaq lindërunpitami Simeón trïbu runakunapa posisionnin kanqa. Tsay posisionpa lindërun kanqa inti jeqamunan kaq lädupapis inti jeqanan kaq lädupapis nacionninpa lindërun kashqannömi.
25
«Simeón trïbu runakunapa sur kaq lindërunpitami Isacar trïbu runakunapa posisionnin kanqa. Tsay posisionpa lindërun kanqa inti jeqamunan kaq lädupapis inti jeqanan kaq lädupapis nacionninpa lindërun kashqannömi.
26
«Isacar trïbu runakunapa sur kaq lindërunpitami Zabulón trïbu runakunapa posisionnin kanqa. Tsay posisionpa lindërun kanqa inti jeqamunan kaq lädupapis inti jeqanan kaq lädupapis nacionninpa lindërun kashqannömi.
27
«Zabulón trïbu runakunapa sur kaq lindërunpitami Gad trïbu runakunapa posisionnin kanqa. Tsay posisionpa lindërun kanqa inti jeqamunan kaq lädupapis inti jeqanan kaq lädupapis nacionninpa lindërun kashqannömi.
28
Gad trïbu runakuna chaskishqan posisionpa sur kaq lindërun tinkuranqa Tamarpita patsa Meriba-cadescho yaku kaykashqanyaqmi. Tsaypita Egipto raqrayaq pasarmi jatun Mediterráneo Lamaryaq tinkuranqa.
29
«Tsaynömi Israel runakunata trïbunpa trïbunpa posisionta aypupäkunki». Tayta Diosmi tsayno nin.
30
«Kanan tantiyatsishayki markapa punkunkuna imano kananpaq kashqanta. Norti kaq lädupa largunmi kanqa ishkay waranqa ishkay pachak pitsqa chunka (2,250) metru.
31
Cada punkupa jutinmi kanqa Israel trïbukunapa jutin. Norti kaq lädupa kanqa Rubén punku, Judá punku y Leví punku.
32
«Inti jeqamunan kaq läduchöpis markapa largun kanqa ishkay waranqa ishkay pachak pitsqa chunka (2,250) metru. Tsay läduchömi kanqa José punku, Benjamín punku y Dan punku.
33
«Sur kaq läduchöpis markapa largun kanqa ishkay waranqa ishkay pachak pitsqa chunka (2,250) metru. Tsay läduchöpis kanqa Simeón punku, Isacar punku y Zabulón punku.
34
«Inti jeqanan kaq läduchöpis markapa largun kanqa ishkay waranqa ishkay pachak pitsqa chunka (2,250) metru. Tsay läduchönami kanqa Gad punku, Aser punku y Neftalí punku.
35
Markata tumaypa tsaparaq perqaqa kanqa isqun waranqa (9,000) metru. Tsay markapa jutinmi imayyaqpis kanqa Tayta Dios Täkunan ».
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48