bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Ezekiel 21
Ezekiel 21
Quechuan (Tayta Diospa Wilakuynin) 2003
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 22 →
1
Tayta Diosmi kayno nimarqan:
2
«Runapa tsurin, Jerusalén kaq lädupa tikraykur templuta y Israel nacionta ima pasananpaq kaqtapis wilakuy.
3
Israel runakunata kayno nir wilanki: « Tayta Diosmi kayno nin: Qamkunapa contrayki rikakurmi churaräkunanpita espädäta jorqurir jutsayuq runakunata y mana jutsayuq runakunatapis wanutsishaq.
4
Espädäta jorqurirmi norti kaq lädupita qalaykur sur kaq läduyaq lapanta ushakätsishaq.
5
Tsaynöpami pïmaypis musyanqa noqa Tayta Dios espädäta jorqamushqäta. Wanutsiyta manaraq usharqa churaräkunanman espädäta manami kutitsishaqtsu».
6
«Runapa tsurin, lapan runakuna rikashunaykipaq fiyupa lakikushpayki waqay.
7
Imanir waqashqaykitapis tapushuptiki kayno ninki: «Desgracia shamunanpaq kashqanta musyarmi waqaykä. Tsay junaqqa pïmaypis kalpaynaqmi rikakunqa. Pasaypa almatakashqami lapanpis rikakunqa. Fiyupa mantsakuptinmi qonqurninkunapis siksikyanqa. Tsayno kananpaq kaq junaq chayaykämunnami. Manapis aykälatanami tsay kanqa. Tayta Diosmi tsayno nin» ».
8
Tayta Dios kaynömi nimarqan:
9
«Runapa tsurin, ima pasananpaq kashqantapis kayno nir wilakunki: « «Tayta Diosmi kayno nin: Espäda ali afilashqami kaykan. Chipchipyashqanyaq pitsashqami kaykan.
10
Wanutsinanpaq ali afilashqami kaykan. Chipchipyänanpaq pitsashqami kaykan. Tsayno kaptin reymanpis ama yärakäriytsu. Paytapis ushakätsinqami.
11
Tsay espäda ali afilashqanami kaykan. Chipchipyänanpaq pitsashqami kaykan. Wanutsikuqta aptapänäpaq listumi kaykan.
12
« «Runapa tsurin, fiyupa qaparashpayki waqay. Kuyashqä runakunata tsay espäda wanutsinanpaqmi kaykan. Israel nacionpa autoridäninkunatapis wanutsinanpaqmi kaykan. Lapan runakunatami wanutsinqa. Tsaypita lakikushpayki pëchuykita kutakuy.
13
Lapanpaqmi nakay chayamunqa. Reypis espädawan wanutsishqami kanqa. Tayta Diosmi tsayno nin.
14
« «Runapa tsurin, makikita jitarraq ima pasananpaq kaqtapis jutïcho wilakunki. Ushakänanpaq kashqanta runakuna tantiyakärinanpaq ishkay kimsa kutiraq espädata awiy. Tsaytsikata wanutsinanpaqmi kaykan.
15
Runakunapa valorninpis manami kanqanatsu. Tsaytsikami ayakunapis jitarpanqa. Runakunata wanutsinanpaqmi marka punkunkunaman wanutsikuq espädata churashqä. Tsay espäda shumaq pitsashqa karmi chipchipyanraq. Wanutsinanpaq ali afilashqami kaykan.
16
« «¡Espäda, alawqa kaq lädupa y itsuq kaq lädupapis kutsuy! ¡Mayqan kaq lädupapis kutsuy!
17
Tsayno kutsuptikimi noqapis makïta paqshirraq kushikushaqpaq. Rabyaynï pasananyaqmi tsayno wanutsinkipaq. Tayta Diosmi tsayno nin» ».
18
Tayta Diosmi yapay kayno nimarqan:
19
«Runapa tsurin, Babilonia nacionpa mandaqnin rey espädanwan shamunanpaq mäpacho ishkay nänita dibujay. Juk nacionlapita ishkan näni yarqarämutsun. Cada näni qalaykunancho letrëruta churanki mayqan markaman aywaykashqantapis musyananpaq.
20
Juk nänita dibujanki amonita runakuna tashqan Rabá markaman chayananpaq. Jukaq nänitana dibujanki Judá nacioncho kaykaq ali murallashqa Jerusalén markaman chayananpaq.
21
«Mayqan nänipapis aywayta mana kamäpakurmi tinkuq nänicho Babilonia nacionpa mandaqnin rey suertita jitar flëchakunata chunkanqa. Tsaynöpis ïdulunkunata tapukur uywakunapa natinninkunatapis rikanqa.
22
Tsayno ruraptinmi alawqa kaq nänipa aywananpaq suerti yarqunqa. Tsay alawqa kaq lädupami Jerusalén kaykan. Tsaymi soldädunkunata rey ninqa Jerusalénman jukla aywaykur atacananpaq. Tsaynöpis ninqa wanutsiyta qalaykärinanpaq, qaparpänanpaq, punkukunata pakirir yaykapäkunanpaq, marka murälla waqtankunapa alpata qotupäkunanpaq y tsay perqa nawpancho törrikunata sharkatsipäkunanpaq.
23
«Babilonia nacionpa mandaqnin reywan wilanakushqa karmi tsayno atacananpaq kashqanta Jerusalén runakuna mana criyipäkunqatsu. Mana criyiptinpis contran sharkuptinmi paykunata prësu apakunqa.
24
«Tsaymi Jerusalén runakunata wilanki noqa Tayta Dios kayno nishqäta: «Qamkunaqa mana alikunalatami rurarkaykanki, mana mantsakuypami jutsata rurarkaykanki y lutan ruraykunaman umayki churakashqami karkaykanki. Tsayno kashqaykipitami prësu apashunkipaq.
25
« «Israel runakunapa mandaqnin rey, fiyu runa kashqaykipitami qamman castïgu chayaykämunna.
26
Noqa Tayta Diosmi kayno nï: Umaykicho jatiraykashqayki görrata y corönaykita jorquy. Lapanpis juknönami kanqa. Tsaymi manakaqman churashqa runakuna aliman churashqa kanqa. Chölu tukuqkunanami manakaqman churashqa kanqa.
27
Intëru Jerusaléntapis chipyaq ushakätsiptïmi raqälana quëdanqa. Tsayno kanqa kachamushqä runa chayamur juzgaptinmi. Paypa munayninmanmi lapanta kachaykushaq».
28
«Runapa tsurin, Israel runakunata ashliq amonita runakunata kayno nir wilanki: «Tayta Dios kaynömi nin: Wanutsikuq espäda churaräkunanpita jorqushqanami kaykan. Ashi ashiykur pïmaytapis ushakätsinanpaqnami ali afilashqa chipchipyarraq kaykan.
29
« «Qamkuna revelacionta rikashqaykikunaqa manami rasunpatsu kaykan. Rikakuqnikikunapis lulaparkaykäshunkimi. Mana cäsukuq fiyu runakuna, tsay espädami kunkaykita kutsunqa. Tsayno wanupäkunaykipaq hörayki chayamushqanami.
30
« «Amonita runakuna, espädaykikunata churaräkunanman kutitsipäkuy. Yurishqayki markachömi juzgashayki. Winashqayki nacionchömi castigashayki.
31
Bunyaypa bunyar nina rupaqno pasaypa rabyarmi ushakätsikuq y fiyu runakunapa makinman churaykushaykipaq.
32
Tsakishqa qewanömi rupar ushakankipaq. Yawarnikipis intëru nacionchömi mashtaranqapaq. Tsayno ushakaptiki manami pipis yarpäshunkipaqnatsu. Tayta Diosmi tsayno nin» ».
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48