bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Ezekiel 29
Ezekiel 29
Quechuan (Tayta Diospa Wilakuynin) 2003
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 30 →
1
Babiloniaman prësu apapäkamashqan chunka wata cumplinanpaq ishkay killa pishiykaptinmi chunka ishkay junaqcho Tayta Dios kayno nimarqan:
2
«Runapa tsurin, Egipto nacionpa mandaqnin rey Faraón kaq lädupa rikärir wilakuy paypa y Egipto runakunapa contran kashqäta.
3
Wilakur kayno ninki: « « Tayta Diosmi kayno nin: Egipto nacionpa mandaqnin rey Faraón, contraykimi kaykä. Mayu chawpincho jatunkaray mantsakuypaq uywanömi kaykanki. Tsayno karmi Nilo mayu kikikipa kashqanta niykanki. Tsaynöpis niykanki tsay mayuta kikiki rurashqaykitami.
4
Tsayno niykaqtami noqa shamur jatun anzuëluwan shimipita shequmushayki. Mayupita jorqamuptïmi tsaytsika pescädukuna escämaykiman laqakashqa yarqapäkamunqa.
5
Nirkurmi janaykicho laqaraykaq pescäduntinta chunyaq jirkacho kacharishaykipaq. Tsaycho jitaraptiki manami pipis shuntashunkipaqtsu. Munti uywakuna y wiskulkunami mikupäkushunkipaq.
6
Tsaynöpami Egipto runakunapis tantiyakärinqa Tayta Dios kashqäta. « «Yanapanaykipaq Israel runakuna yärakushuptikipis shoqush tukrunölami kashqanki.
7
Aptarkushuptiki pakikarmi paykunata chiklaskunpa tsalkushqanki. Tuknakushuptikipis pakikaptikimi tunir tseqlanta pakikushqa.
8
« «Tsaymi Tayta Dios kayno nin: Egipto nación, qamcho taq runakunatapis y uywakunatapis espädäwanmi chipyaq ushakätsishaq.
9
Nilo mayuta kikiki rurashqaykita nishqaykipita y tsay mayu qampa kashqanta nishqaykipitami pipis mana tänan chunyaqman tikratsishaykipaq. Tsaynöpami Tayta Dios kashqäta musyanki.
10
« «Egipto nación, qampapis y mayuykikunapapis contraykimi kaykä. Qamta ushakätsirmi pasaypa chunyaqta kacharishaykipaq. Migdol markapita Sevene markayaq y tsaypita Etiopía tinkuq lindërunyaqmi ushakätsishaykipaq.
11
Chusku chunka (40) watayaqmi pasaypa chunyaq kankipaq. Manami runapis ni uywakunapis tsaycho purinqatsu.
12
« «Wakin nacionkunata ushakätsishqäpitapis mas peormi qamta ushakätsishayki. Markaykikunatapis wakin markakunapita peormi raqälatana kacharishaq. Chusku chunka (40) watayaqmi tsaynöla kankipaq. Qamcho taykaq runakunatapis maytsay nacionkunamanmi qarqurishaq.
13
« « Tayta Diosmi kayno nin: Chusku chunka (40) watapitaraqmi Egipto runakunata may nacionman qarqushqäpita shuntamushaq.
14
Paykunata prësu apashqanpita shuntarkamurmi unay aylunkuna yurishqan Patros partiman apashaq. Tsaychömi pipis mana cäsushqa nación kanqa.
15
Pasaypa walkaqyätsiptïmi wakin nacionkunanönatsu munayniyuq kanqa. Tsaymi wakin nacionkunata munayninman churanqanatsu.
16
« «Egiptupa mandaqnin Faraónmanqa Israel runakuna manami yapay yärakunqanatsu. Tsaymi tantiyakärinqa Faraónman yärakur conträ sharkapäkushqanta. Tsaynöpami Tayta Dios kashqäta musyapäkunqa» ».
17
Babiloniaman prësu apapäkamashqan ishkay chunka qanchis (27) wata qalaykunan killami Tayta Dios kayno nimarqan:
18
«Runapa tsurin, Babilonia nacionpa mandaqnin rey Nabucodonosor soldädunkunawan Tiro nación runakunata atacashpan aläpami nakapäkushqa. Tsaymi soldädunkunapa umankunapis paqla rikakushqa y waqtankunapis shuplushqa. Tsayno arurpis vinciyta mana puëdir manami imatapis jorqushqatsu.
19
«Tsaymi Tayta Dios kar kayno nï: Babilonia nacionpa mandaqnin rey Nabucodonosor Tiro markapita imatapis mana jorqushqa kaptinmi Egipto nacionta vincinanpaq kamakätsishaq. Tsaymi Egipto runakunapa riquëzankunata y imaykankunatapis apakushpan tsaywan soldädunkunata päganqa.
20
Noqa kachaptïmi Tiro markata atacaq aywashqa. Tsaymi kananqa Egiptumanna kachashaq tsaypita imaykantapis apakunanpaq». Tayta Diosmi tsayno nin.
21
«Tsay witsanmi Israel nacionta yanapashaq unay munayniyuq kashqanno yapay munayniyuq kananpaq. Ezequiel, tsaynölami qamtapis yanapashayki wilakuynïta wilakuptiki Israel runakuna shumaq chaskikärinanpaq. Tsayraqmi Tayta Dios kashqäta musyapäkunqa».
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48