bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Proverbs 24
Proverbs 24
Quechuan (Tayta Diospa Wilakuynin) 2003
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 25 →
1
Fiyu runakunapa imaykanpis kaptin ama nanaparaytsu ni paykunawan ama juntakaytsu.
2
Paykunaqa runa mayinta atacanalanpaqmi yarpachakärin. Mana alita ruranalanpaqmi wilanakärin.
3
Tantiyakuq runaqa shumaq yarpachakurirmi cimientuta ruraykur wayita sharkatsin.
4
Nirkurnami shumaq tantiyakuykur kuyaylapaq chanin cuestaqkunata wayinman churan.
5
Tantiyakuq kayqa kalpayuq kaypitapis mas alimi kaykan. Yachaq runaqa mas munayniyuqmi kaykan.
6
Shumaq yarpachakuykurraqmi guërrata rurapäkun. Atska yätsikuqkuna yätsishqanno rurarraqmi guërracho vincipäkun.
7
Mana tantiyakuq runaqa senqan maycho kashqantapis manami musyantsu. Tsaymi juntakashqancho parlananpaqpis yarpayta mana tarintsu.
8
Pipapis contran sharkunanpaq yarpachakuqkunataqa fiyu runa kashqantami nipäkun.
9
Mana tantiyakuq runaqa jutsa ruraylapaqmi yarpachakun. Shimin tarishqanta rimaq runataqa pïmaypis chikinmi.
10
Nakaykunata mana awantarqa manami runatsu kanki.
11
Pitapis wanutsinanpaq kashqanta musyarqa qeshpitsiy. Jananman wanuy manaraq chayashqanyaq salvay.
12
Musyaykarpis «manami musyashqätsu» niptikipis Tayta Diosqa lapantami musyaykan. Lapantapis musyaq karmi pïmaytapis imano kawashqanman tupu juzganqa.
13
Abëjapa mishkinta mikuy, hïju. Pasaypa mishkishqanta musyanaykipaq yaway.
14
Tsay mishkita mikur kushikushqaykinömi ali tantiyakuq karpis y yachaq karpis kushikunkipaq. Tantiyakuq karqa pïmaypitapis respitashqami kankipaq. Lapan yarpashqaykipis kamakanqapaqmi.
15
Ali runapa contran ama sharkuytsu. Wayintapis ama suwapaytsu.
16
Qanchis kuti desgracia pasaptinpis yapaymi sharkunqa. Fiyu runakunami itsanqa desgracia pasaptin ushakanqa.
17
Contrayki runa ima nakayman chayaptinpis ama kushipaytsu.
18
Tayta Diosqa manami munantsu pitapis kushipänaykita. Kushipaptikiqa kikikitami castigashunkipaq.
19
Fiyu runakunata ama rabyapaytsu. Jutsa ruraq runakunapa imaykanpis kaptin ama nanaparaytsu.
20
Paykunataqa ima desgraciapis pasanqami. Atski upiqnömi elqanqapaq.
21
Tayta Diosta y reyta mantsakuy, hïju. Diosta y reyta mana cäsukuq runakunawanqa ama juntakaytsu.
22
Paykunataqa Tayta Diospis y reypis elaqpitami castiganqapaq. Manami musyakantsu imano castigananpaq kashqanpis.
23
Kaychöpis qelqaraykanmi tantiyakuq runakunapa yätsikuyninkuna. Pitapis jananpaypa autoridäkuna juzgaptinqa manami alitsu kaykan.
24
Jutsayuq kaykaptinpis jutsaynaq kashqanta juez niptinqa runakuna maldicionanqami. Juk lädu nación runakunapis musyaykurqa manakaqmanmi churanqa.
25
Jutsa rurashqanman tupu juzgarqa ali rikashqami kanqa. Pïmaypis favorninmi rimapäkunqa.
26
Imata tapuptinpis shumaq tantiyatsiptinqa pïmaypis kushikunqami.
27
Wayita sharkatsiyta munarqa puntata chakra aruytaraq ushay.
28
Lutalaqa runa mayikipa contran imatapis ama rimaytsu. Manakaqkunataqa pitapis ama jitapaytsu.
29
Runa mayiki contrayki sharkuptinpis qamqa ama venganzata ashiytsu.
30
Juk kutimi pasarqä qela runapa y mana tantiyakuq runapa chakranpa.
31
Tsaychömi rikarqä chakranpis pasaypa purmashqa y perqanpis juchushqa kaykaqta.
32
Tsayta rikaykurmi shumaq yarpachakushqä kayno nir:
33
«Junaq intiyaq punukurqa, jamakuylapaq wanurqa y ruyru maki karqa
34
pasaypa waktsami rikakunkipaq. Ali armashqa suwa imaykaykikunatapis apakuptin jinayla quëdashqaykinömi waktsayankipaq».
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31