bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Proverbs 5
Proverbs 5
Quechuan (Tayta Diospa Wilakuynin) 2003
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 6 →
1
Yätsishqäkunata shumaq chaskikuy, hïju. Tantiyatsishqäkunata imaypis yarparay.
2
Tsaynöpami shumaq tantiyakuykur imatapis rimankipaq.
3
Wayrapakuq warmiqa shakya shakyala parlapashpanmi pitapis inkitan.
4
Paywan jatikarqa pasaypa desgraciamanmi chayankipaq. Ishkan waqtanpa afilashqa espädawan tuksishqanömi kankipaq.
5
Manaraqpis aykätami ushakankipaq. Wanuypis janaykichönami kanqa.
6
Tsay warmiqa ali kawananpaq manami yarpachakuntsu. Imano kawaykashqantapis manami tantiyakuntsu.
7
Tsayno kaykaptinqa yätsishqäkunata shumaq mayakamay, hïju. Tantiyatsishqäkunata mana qonqaypa yarparay.
8
Wayrapakuq warmipita witikunki. Wayi punkulanmanpis ama chayankitsu.
9
Wayrapakuq warmiwan kakuptikiqa lapan tarishqaykipis jukpaqmi kanqa. Fiyu runakunapa makinchömi wanunaykiyaq nakanki.
10
Nakar arushqaykiwanmi mana reqishqayki runa rïcuyanqa. Arur gänashqaykipis jukpanami kanqa.
11
Tsaymi wara warantin awkinyashpayki lakikur waqankipaq.
12
Tsayno nakarmi kayno ninkipaq: «¿Imanirtaq corrigimashqanta cäsukurqätsu? ¿Wanushqatsuraq karqä yätsimashqanta mana chaskikunäpaq?
13
Yätsimaptinpis manami chaskikurqätsu. Anyapämaptinpis manami cäsukurqätsu.
14
Pïmaypis rikaykämanmi desgracia pasaykämashqanta. Ichiklapami imaykätapis oqraykushqätsu».
15
Warmilaykiwan contentakunki. Payqa chuya pukyuykinömi kaykan. Tsay pukyulaykipita upukunki.
16
Cällikunapa y pläzakunapa aywaq yakuta mana upushqaykino juk warmiwan ama kakuytsu.
17
Tsaypa trukanqa warmilaykiwan kakuy.
18
Tayta Dios kamaripäshushqayki warmiqa bendicionmi qampaq kaykan. Tsayno kaykaptinqa mözu kashqaykipita patsa tashqayki warmilaykiwan contentakuy.
19
Payqa kuyaylapaq luychunömi kaykan. Kuyashushqaykiwan y waylushushqaykiwan imaypis contentakuy.
20
Warmiyuq kaykarqa ¿imanirtaq juk warmiwan jatikankiman, hïju? ¿Imanirtaq mana warmiki kaykar makalaräshunkiman?
21
Tayta Diosqa imano kawashqantsitapis musyaykanmi. Payqa imata rurashqantsitapis rikaykanmi.
22
Jutsa ruraqkunaqa kikinpa jutsanpitami nakan. Jutsata rurashqanpitami läzuwan liyashqano kaykan.
23
Mana cäsukuq kashqanpitami wanunqapaq. Mana tantiyakuq kashqanpitami ushakanqapaq.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31