bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Proverbs 3
Proverbs 3
Quechuan (Tayta Diospa Wilakuynin) 2003
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 4 →
1
Yachatsishqäkunata ama qonqankitsu, hïju. Mandamientükunata mana qonqaypa yarparanki.
2
Yarpararqa atska watami kushishqa kawankipaq.
3
Imaypis ama qonqankitsu kuyakuq kayta y rasun kaqlata rimayta. Mana qonqanaykipaq kunkaykiman tsaykunata walqakuy. Imaypis yarparänaykipaq shonquykiman qelqay.
4
Tsaynöpami Tayta Diospis y runakunapis ali rikashunkipaq.
5
Lapan shonquykiwan Tayta Diosman yärakuy. Yachaq kashqaykimanqa ama atiënikuytsu.
6
Imata ruranaykipaqpis Tayta Dios munashqanno ruranaykipaq yarpachakuy. Tsayno kawaptikiqa paymi yanapashunkipaq.
7
Ama yachaq tukuytsu. Tsaypa trukanqa Tayta Diosta mantsakushpayki lutankunata ama ruraytsu.
8
Tsayno kawarqa manami qeshyankipaqtsu y cuerpuykipis ashaklami kanqa.
9
Tayta Diosta adorar imaykipis kashqanpita y chakraykicho punta poquqkunapita ofrendata apay.
10
Tsayno aparqa wayikipis kichkishqanyaqmi mikuynikikunata shuntankipaq. Üvata tsaytsikata shuntaptikimi puyñuykikunapita vïnupis liwanqaraq.
11
Tayta Dios corrigishuptiki ama jaqayaytsu, hïju. Jaqayänaykipa trukanqa chaskikuy.
12
Kuyashqan tsurinta papänin corrigishqannömi Tayta Diospis kuyashqan kaqtaqa corrigin.
13
Kushishqami kawanqa tantiyakuq y ali yarpayniyuq runaqa.
14
Tantiyakuq kashqanqa qellayyuq y qoriyuq kashqanpitapis mas alimi kaykan.
15
Kuyaylapaq rumikunapitapis masmi välin. Tantiyakuymanqa imata munashqaykipis manami tinkuntsu.
16
Tantiyakuyqa alawqa kaq makinwanmi atska wata kawayta kamaripäshunki. Itsuq kaq makinwannami rïcu kanaykipaq y pïmaypitapis ali rikashqa kanaykipaq yanapashunki.
17
Tsaynöpami piwanpis mana rimanakuypa kushishqa kawankipaq.
18
Tantiyakuq karqa atska watami kushishqa kawankipaq.
19
Tayta Dios tantiyakuq karmi kay patsatapis jana patsatapis kamarqan.
20
Yachayninwanmi qochakuna y mayukuna kananpaq yakutapis pashtatsimurqan. Tsaynölami tamyamunanpaq pukutaytapis kamarqan.
21
Tantiyakuq kayta imaypis ama qonqaytsu, hïju. Shumaq yarpachakurir imatapis ruranki.
22
Tantiyakuq kashpaykiqa alimi kawankipaq. Runakunapis respitashushpayki ali kashqaykitami nipäkunqapaq.
23
Tantiyakuq karqa mana mantsakuypami ali kawankipaq. Jutsa ruraymanpis manami tuninkipaqtsu.
24
Tsaynöpis mana mantsakuypami ali pununkipaq.
25
Fiyu runakunata elaqpita desgracia pasaptinpis qamtaqa manami pasashunkipaqtsu.
26
Tsayno kawanaykipaqqa Tayta Diosmi imaypis yanapashunkipaq. Paymi ima nakaypitapis tsapäshunkipaq.
27
Yanapayta kamäpakuykarqa pishipakuqta jukla yanapanki.
28
Kaykaptinqa runa mayikita ama ninkitsu: «Wararaq kutimunki yanapanäpaq».
29
Yärakuykäshuptikiqa runa mayikipa contran sharkunaykipaq ama yarpaylapis yarpaytsu.
30
Achäquita mana ashipaykäshuptikiqa piwanpis ama rimanakuytsu.
31
Fiyu runakuna rïcuyaptin ama chikipaytsu. Mana alita rurapäkuptinpis qamqa ama ruraytsu.
32
Fiyu runakunataqa Tayta Dios rikaytapis manami munantsu. Ali shonqu runakunatami itsanqa kuyan.
33
Lutan ruraq runakunataqa ayluntintami Tayta Dios maldicionan. Ali shonqu runakunatami itsanqa ayluntinta bendicionninta kamaripan.
34
Runa mayinta manakaqman churaqkunataqa kikintami Tayta Dios manakaqman churan. Humildi kaqkunatami itsanqa kuyapar yanapan.
35
Tantiyakuq runakunataqa pïmaypis respitanmi. Mana tantiyakuq runakunatami itsanqa pipis mana respitantsu.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31