bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Revelation 18
Revelation 18
Quechuan (Tayta Diospa Wilakuynin) 2003
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
1
Tsaypitanami rikarqä munayniyuq juk ángel jana patsapita uraykämuqta. Chipchipyayninmi intëru patsata atsikyaparqan.
2
Tsay angilmi qayakur kayno nimurqan: «¡Ushakashqanami, ushakashqanami jatunkaray Babilonia marka! Kananqa supaykunalanami tsaycho tarkaykan. Tsaychöqa melanaypaq impüru wiskulkuna y tukukunalami waqarkaykan.
3
Babiloniapa mana ali costumbrinkuna shinkatsikuq vïnunömi karqan. Tsay vïnutami intëru patsacho runakuna upupäkurqan. Kay patsacho reykuna mana ali costumbrinkunata Babiloniapita yachakurmi ïdulukunata adorapäkurqan. Imatapis rikashqan kaqta Babilonia rantiptinmi negociantikuna pasaypa rïcuyarqan».
4
Tsaypitanami mayarqä jana patsapita kayno nimuqta: «¡Kuyashqä runakuna, Babiloniapita aywakäriy! ¡Jutsata mana ruranaykipaq witikäriy! Mana witikuptikiqa Babiloniaman castïgu chayamushqannömi qamkunamanpis chayamunqa.
5
Babiloniapa jutsankunaqa jana patsayaqmi chayashqa. Lapan jutsankunata Tayta Dios musyaykanmi.
6
Jukta nakatsishqannöla kikintapis castigar nakaykatsilay, Tayta Dios. Jutsata rurashqanman tupu yapa yaparkur castigaykulay.
7
Imaykayuqpis karmi pasaypa ali tukur kawarqan. Tsayno kashqanman tupu nakaykatsilay y lakikuyman churaykulay. Babiloniaqa shonquncho kaynömi nirqan: «Noqaqa reinanömi kaykä. Manami viüdatsu kä. Manami imaypis lakikur waqashaqtsu».
8
Tsayno kashqanpitami pasaypa nakanqa. Wanuypis, nakaypis y yarqaypis elaqpitami payman chayanqa. Tsayno nakaykaqtami nina rupar ushanqa. Babiloniataqa lapanpaq munayniyuq Tayta Diosmi castiganqa».
9
Rupashqanpita qoshtay sharkuykaqta rikarmi lapan nacionkunapa mandaqnin reykuna lakikärishpan waqapäkunqa. Tsay reykunaqa Babilonia runakunawan riquëzankunata aypunakurmi ïdulukunatapis adorapäkurqan.
10
Castigashqanta rikarmi mantsakashqa karulapita rikarar kayno nipäkunqa: «¡Wawalaw, jatunkaray Babilonia marka! ¡Munayniyuqmi karqayki! ¡Kananqa elaqpitami ushakashqanki!»
11
Tsaymi negociunkunata rantinanpaq pipis manana kaptin lapan negociantikunapis pasaypa waqapäkunqa.
12
Paykunami rantikunanpaq apapäkuq qorita, qellayta, kuyaylapaq rumikunata, perlaskunata, lïnupita y sëdapita rurashqa granäti y puka tëlakunata, tukuy niraq fïnu tablakunata, kuyaylapaq marfilpita, qerupita, broncipita, fiërrupita y marmolpita rurashqa adornukunata.
13
Tsaynölami rantikunanpaq apapäkuq canëlata, inciensuta, mïrrata y tukuy niraq ali asyaq jachakunatapis. Tsaynölami apapäkuq vïnuta, aceitita, harinata, trïguta, wäkakunata, uyshakunata, cawallukunata y carrëtakunatapis. Tsaynölami runakunatapis rantikuq ashmaypaq.
14
Tsaymi negociantikuna lakikur tsay markata kayno nipäkunqa: «¡Imaykanöpapis shuntashqayki riquëzaykikuna manami kannatsu! ¡Kuyaylapaq tsararashqaykikuna ushakashqanami! ¡Rïcu kashqaykinöqa manami imaypis kankipaqnatsu!»
15
Tsay markacho rïcuyaq negociantikunami rupaykaqta karulapita rikaykärishpan mantsakashqa waqar
16
kayno nipäkunqa: «¡Wawalaw, jatunkaray Babilonia marka! Tsay marka kuyaylapaq kar lïnupita rurashqa puka y granäti röpashqa warminömi karqan. Qoriwan, kuyaylapaq rumikunawan y perlaskunawan adornashqa warminömi karqan.
17
¡Riquëzankunapis elaqpitami chipyaq ushakashqa!» Büqui manijaqkuna y büquicho lapan arupakuqkunapis karulapitami rikarpanqa.
18
Tsay markapita qoshtay sharkuqta rikarmi pasaypa waqar kayno nipäkunqa: «Manami may markapis tsay markano pasaypa kuyaylapaqqa kashqatsu».
19
Fiyupa waqar qaparashpanmi alpatapis umankunaman winakur kayno nipäkunqa: «¡Wawalaw, jatunkaray Babilonia marka! Tsaychömi büquiyuq runakuna negociunta rantikur lapanpis rïcuyashqa. Kananqa elaqpitami pasaypa ushakäkushqa».
20
Jana patsacho kaqkuna, ¡kushikäriy! Apostolkuna, profëtakuna y Diosman lapan yärakuqkunapis, ¡kushikäriy! Qamkunata wanutsishushqaykipitami Tayta Dios tsay markata chipyaq ushakätsishqa.
21
Tsaypitanami munayniyuq juk ángel mulinu niraq rumita joqarkur lamarman jitarir kayno nirqan: «Babilonia marka, kaynömi ushakanki. Qamtaqa runakuna manami imaypis rikashunkinatsu.
22
Runakuna cantashqankunapis manami qamcho mayakanqanatsu. Arpapis, pinkullupis ni cornëtapis manami mayakanqanatsu. Ima aruyta yachaqkunapis manami kanqanatsu. Mulinu taqrarashqanpis manami mayakanqanatsu.
23
Pipis mana taptin atskipis mananami kanqanatsu. Casaray fiestapis mananami kanqanatsu. Qamcho taykaq negociantikunaqa maytsay negociantikunapitapis mas munayniyuqmi kapäkurqan. Brüju karmi maytsaychöpis taq runakunata lulapar criyitsishqanki.
24
Qamchömi profëtakunapa, Diosman yärakuqkunapa y maytsay runakunapa yawarnin mashtaraykan».
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22