bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan (Tayta Diospa Wilakuynin) 2003
/
Revelation 8
Revelation 8
Quechuan (Tayta Diospa Wilakuynin) 2003
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 9 →
1
Röllucho qanchis kaq laqaraykaq cërata Carnish jorquriptinmi jana patsacho pulan hörano pipis mana parlakurqantsu.
2
Nirkurnami rikarqä Tayta Diospa nawpancho qanchis angilkuna ichirpaykaqta. Paykunami cada ünun cornëtata chaskirqan.
3
Tsaypitanami Tayta Diospa trönun nawpancho kaykaq altarman juk ángel chayarqan inciensu qoshtatsikunan aptashqa. Altarpis y inciensu qoshtatsikunanpis qoripitami karqan. Tsaychömi atska inciensuta chaskirqan Diosman yärakuqkuna manakushqantawan altarman churananpaq.
4
Altarcho inciensuwan qoshtatsiptinmi yärakuqkuna manakushqan inciensupa qoshtaynin talukashqami Tayta Diosman chayarqan.
5
Tsay angilmi inciensu qoshtatsikunanman altarcho kaykaq shanshata winarkur kay patsaman jitarpamurqan. Tsaymi atsikyaqpa atsikyar elquy karqan, räyupis mantsakuypami pashtarqan y patsapis fiyupami siksikyarqan.
6
Tsaypitanami cornëtata chaskiq qanchis angilkuna tukananpaq kamarikärirqan.
7
Punta kaq ángel cornëtata tukamuptinmi ninawan yawar talushqa runtu tamya patsaman tamyarqan. Tsaywanmi cäsi pulan patsa rupar ushakarqan. Tsay runtu tamya chayashqan kaqqa yörapis y qewapis lapanmi ushakarqan.
8
Tsaypita ishkay kaq ángel cornëtata tukamuptinmi jatunkaray jirkano rupaykar lamarman kuchparqan. Tsaymi cäsi pulan lamar yawarman tikrarqan.
9
Yawarman tikrashqan kaqchöqa lapanmi wanurqan. Tsaynölami tsaycho kaykaq büquikunapis talpukar ushakarqan.
10
Kimsa kaq ángel cornëtata tukamuptinmi jatunkaray rupaykaq qoylar shikwamurqan. Tsay qoylarmi cäsi pulan mayukunaman y cäsi pulan pukyukunaman chayarqan.
11
Qoylarpa jutinmi karqan Asqaq. Asqaq kaptinmi tsay qoylar chayashqan kaq yakuqa asqaq rikakurqan. Tsay yakuta upuq kaqkunaqa tsaytsikami wanupäkurqan.
12
Chusku kaq ángel cornëtata tukamuptinmi intipis y killapis qeshyarqan. Tsaymi intipis ni killapis shumaq atsikyarqannatsu. Tsaynölami cäsi pulan qoylarkunapis mana chipchipyarqannatsu.
13
Tsaypitanami rikarqä juk anka altupa tumaykaqta. Tsay hörami mayarqä tsay anka fuertipa kayno nimuqta: «¡Wawalaw, wawalaw, wawalaw! Patsacho kawaqkuna ¡imanöraq kanqa! ¡Kimsa angilkunaraqmi cornëtata tukamunan pishiykan!»
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22