bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Corinthians 10
2 Corinthians 10
Quechuan QXO (Biblia en Quechua del sur de Conchucos)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 11 →
1
Jesucristo kuyapaykäyäshunqayki raykum noqa Pablo qamkunata rugä. Wakikish manakaqman churayämar nikäyanki: «Noqantsikchö Pablo karqa mantsa mantsallam parlapämantsik. Peru juklä markachö karmi sïqa ollqutupäkur cartakamun».
2
Tsaynöllash wakiki nikäyanki Diosta mana cäsuq runanölla kanqäta. Tsaymi conträ mana parlayänaykipä rugä. Tsaynölla conträ parlayaptikiqa shamurmi ollqutupäyäshayki.
3
Runalla karpis manam runakunanötsu guërrata rurayä.
4
Noqakunapa armäkunaqa manam runakuna manijayanqan armakunatsu, sinöqa Tayta Dios alistapäyämanqan armakunam. Tsay armakunawanmi contrankunata ushakätsiq soldädunö kä.
5
Tsaynöpam runakuna yachaq tukur Tayta Diospa willakuyninta mana cäsuyänaykipä ima tsapata churapäyäshuptikipis tantiyatsiyä Jesucristuta cäsuyänaykipä y yarpäyanqaykikunapis pay munanqannö kananpä.
6
Tsaymi favornï kayaptiki noqa shamur qamkunachö kaykaq conträ parlaqkunata ollqutupäshä.
7
Imanö kayanqaykitapis shumaq tantiyakuyay. Mayqaykipis Jesucristupa willakuqnin rasunpa kayanqaykita yarparqa tantiyakuyankimanmi noqakunapis paypa willakuqnin kayanqäta.
8
Willakuqnin kanäpä Tayta Dios churamaptinmi qamkunata corriginäpä poderyuq kä. Corrigirpis manam manakaqman churanäpätsu corrigï, sinöqa qamkunata valuratsir alli yachatsiyänäpämi. Poderyuq kanqäpita alläpa alabakunqäta wakinkuna niyaptinpis manam penqakushätsu.
9
Tsaymi mantsakätsiyta munar cartakamunqäta yarpäyankimantsu.
10
Wakinkunash conträ shärir niyan: «Pabluqa cartallachömi mantsaypä ollqutupämantsik. Peru kikin kaychö karqa manam shumaq parlaytapis puëdintsu».
11
Tsaynö niqkuna shumaq tantiyayätsun: Cartäkunachö ninqänöllam qamkuna kaqman chaykamurpis ollqutupäyäshayki.
12
Tsay allish tukur alabakuqkunanöqa kayämanräku. Paykunaqa kikinkunapa favornin parlarmi upanö kaykäyan.
13
Tsaynöllam alabakuyan Tayta Dios mana mandanqan kaqman chaykur willakuyanqanpita. Noqakunaqa manam paykunanötsu kayä, sinöqa Tayta Dios mandayämanqan kaqllachömi willakuyä. Tsaykunallachö willakurmi qamkuna kaqmanpis chaykamur willakuyarqü.
14
Musyayanqaykinöpis wakinkunapita mas puntatam qamkunata Jesucristupa willakuyninta willayarqü. Qamkunaman puntata mana chämushqa karqa qamkunata corrigiyänäpä manam poderyuqtsu kayäman.
15
Juk runa willakunqanchö willakuyanqäpita alabakuyänäpa rantinqa juk markaman aywar wakin mana Israel runakunatam willayta munaykäyä. Tsaynö munarpis Tayta Diosman shumaq yärakuyänaykipä tantiyatsinqäta chaskikuyaptikirämi juklächöpis willakuyäshä.
16
Tsaymi juk markakunamanpis aywar pipis manarä willakuyanqanchö willakuyäshä. Tsaynöpam juk willakunqankunamanqa mëtikurnin alabakur niyäshätsu: «Noqakunam paykunata alli willakuyta willayarqü».
17
Tayta Diospa palabranmi nin: «Pipis alabakunanpa rantinqa Tayta Diosta alabatsun».
18
Alabakuqkunataqa manam pipis alli rikantsu, sinöqa Tayta Dios alli rikanqan kaqtam alli rikayan.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 11 →
All chapters:
1
2
3
4
5
6
7
8
9
10
11
12
13