bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Corinthians 3
2 Corinthians 3
Quechuan QXO (Biblia en Quechua del sur de Conchucos)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 4 →
1
Tsaynö niptï chaskiyämänayki raykur parlayanqäta ama yarpäyaytsu. Tsaynölla ama yarpäyaytsu chaskiyämänaykipä recomendación cartatarä nisitayanqäta. Wakin runakuna recomendación cartata puritsiyaptinpis qamkuna chaskiyämänaykipäqa manam nisitayätsu. Tsaynöllam juk markaman chäyaptï chaskiyämänanpä qamkunapita recomendación cartata nisitayätsu.
2
Tsaypa rantinqa kikikikunam shonqükunachö qellqashqa kaykaq recomendación cartä kayanki. Tsay cartataqa pïmaypis liyiyanmi.
3
Tsaynöpam runakuna musyayan willakuyanqäta cäsur Jesucristo qellqanqan carta kayanqaykita. Tsay cartataqa manam tintawantsu qellqashqa, sinöqa imayyaqpis kawaq Tayta Diospa Espïritunwanmi. Tsaynöllam läja rumichötsu qellqashqa, sinöqa shonquykikunachömi.
4
Tsaynö kayanqaykita musyayä Jesucristo salvayämanqanpita Tayta Diosman criyikurmi.
5
Willakuyänäpä manam yachaq kayanqämantsu yärakuyä, sinöqa Tayta Diosmanmi.
6
Paymi yanapayäman mushuq pactupä willakuyänäpä. Tsay mushuq pactuqa manam leykunapa poderninchö kawanantsikpätsu nimantsik, sinöqa Espíritu Santu tantiyatsimanqantsiknö kawanantsikpämi. Leykunapa poderninchö kawarqa wanushqanömi kawantsik. Peru Espíritu Santupa poderninchö kawarmi sïqa mana ushakaq kawayta tarintsik.
7
Läja rumichö qellqashqa kaykaq leykuna runakunata salvananpä mana kaykaptinpis tsay leykunata Israel runakunaman Moisés chätsiptinmi cäran pasaypa chipipirqan. Tsay chipipinqan illakaqlla kaykarpis pasaypam chipipirqan. Tsaymi Moiséspa cäranta rikayta puëdiyarqantsu.
8
Moisés apamunqan leykunapis tsaynö kushikuypä kaykaptinqa ¿manaku Espíritu Santu apamunqan willakuy mas kushikuypä kaykan?
9
Mana salvakunantsikpä kaykarpis tsay leykuna alli kaykaptinqa salvamänantsikpä kaq willakuy mas allim kaykan.
10
Tsay leykunaqa Espíritu Santu apamunqan willakuyman manam iwalantsu.
11
Tsaymi ushakänanpä kaq leykuna kushikuypä kaptinpis Jesucristupa mana ushakaq willakuynin mas kushikuypä kaykan.
12
Tsayta musyarmi mana mantsaypa willakuyä.
13
Manam Moisésnötsu Diospa willakuyninta willakuyä. Payqa cäran chipipinqan illakaykanqanta Israel runakuna mana rikayänanpämi vëluwan tsapakurqan. Tsaynöpam leykuna ushakänanpä kanqanta tantiyayarqantsu.
14
Moiséspa cäran tsaparanqannömi Israel runakunapa yarpayninkunapis tsapashqanö kaykan. Tsaymi punta kaq pactuta liyir päsaqlla kanqanta kananyaqpis tantiyayantsu. Jesucristuman criyikurrämi shumaqna tantiyayanqa.
15
Moisés qellqanqan leykunata liyirpis manam kananyaqpis tantiyayantsu.
16
Peru Señornintsikman criyirmi sïqa tantiyayanqana.
17
Señornintsikqa Espíritu Santum. Paypa Espïritunta chaskirmi librina kantsik.
18
Librina karmi Señornintsikta rikaqnö kaykantsik. Tsaymi runakuna rikamarnintsik kikin Señornintsikta rikaqnö kaykäyan. Tsaynöllam Señornintsikqa Espíritu kar qoyay qoyay yanapamantsik kikin kanqannö noqantsikpis kanantsikpä.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 4 →
All chapters:
1
2
3
4
5
6
7
8
9
10
11
12
13