bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Corinthians 4
2 Corinthians 4
Quechuan QXO (Biblia en Quechua del sur de Conchucos)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 5 →
1
Tayta Dios kuyapäyämar willakuyninta willakuyänäpä churayämashqa kaptinmi chikiyämaptinpis llakikuyätsu.
2
Noqakuna manam imatapis llutankunata ni penqakuypä kaqkunata rurayätsu. Manam pitapis engañayätsu ni Tayta Diospa willakuyninman manam kikïkunapa yarpaynïkunata yapayätsu. Tsaypa rantinqa willakuyninta pïmaypis musyayänanpämi Tayta Dios munanqannö kawayä.
3
Peru tsaynö kaptinpis infiernuman qaykushqa kayänanpä kaqkunaqa willakuyanqäman manam criyiyantsu.
4
Paykunaqa kay patsachö kaykaq dios yarpayninkunata upayätsishqa kaptinmi criyiyantsu. Tsaymi Jesucristupa willakuynin aktsinö kaykaptinpis paykunaqa mana rikaqnö kar tsay willakuyninta tantiyayantsu. Jesucristuchömi Tayta Dios imanö kanqantapis tantiyantsik.
5
Manam noqakunapa podernïkunachö kawayänaykipätsu willakuyä, sinöqa Señor Jesucristupa poderninchö kawayänaykipämi. Noqakunaqa Jesucristuta sirvir qamkunapa sirviqnikikunanöllam kaykäyä.
6
Tsaynö kaykäyä chipipiykaq aktsitanö alli willakuyninta shonqükunaman Tayta Dios churamushqa kaptinmi. Tsaynö churamushqa kay patsata kamar tsakaychö atsikyay kananpä ninqannöllam. Tsaymi Tayta Dios imanö kanqantapis Jesucristuchö shumaq tantiyaykäyä.
7
Tsay alli willakuymi mitu mankachö pasaypa väliq riquëza kaykaqnö shonqükunachö kaykan. Noqakuna mitu mankanölla karmi kikïkunapa podernïkunawantsu willakuyä, sinöqa Tayta Diospa poderninwanmi.
8
Tsaymi imanö ñakatsiyämaptinpis mana ajayaypa willakuykäyä. Ima rurayta mana puëdirpis manam alläpaqa llakikuyätsu.
9
Chikiyämaptinpis Tayta Dios manam dëjayämantsu. Conträ shäriyaptinpis Diosllamanmi imaypis criyikuyä.
10
Maypa aywayaptïpis Jesucristo ñakanqannö ñakayanqätam runakuna rikayäman. Payta cäsuyaptïmi cäsi cäsina wanutsiyämanpis. Tsaynöpam runakuna tantiyayan wanuypita salvamänanpä Jesucristo poderyuq kanqanta.
11
Jesucristupa willakuyninta willakunqäpita wanutsiyämayta munayaptinpis Jesucristo noqakunawan kawanqanmi musyakan.
12
Tsaymi wanuy janäkunachö kaptinpis mana ushakaq kawayta tariyänayki raykur willakuykäyä.
13
Tayta Diospa palabranchömi qellqashqa kaykan: «Payman yärakurmi willakurqü». Tsay qellqashqachö ninqannöllam noqakunapis Tayta Diosman criyikur willakuyninta willakuykäyä.
14
Payman criyikurmi musyantsik Señor Jesucristuta kawatsimunqannö kawatsimänapä kanqanta. Tsaynöllam musyantsik puntanman apamänapä kanqanta.
15
Tsaymi imanö ñakarpis salvakuyänaykipä willakuyä. Tsaynöpam wakin runakunatapis Tayta Dios kuyapar salvaptin maytsaychöpis payta agradëcikur alabayanqa.
16
Tsaymi Tayta Diospa willakuyninta mana ajayaypa willakuyä. Rukuyashqa cuerpuntsik lasaptinpis shonquntsikchöqa qoyay qoyay mas jövinnömi kaykantsik.
17
Kay patsachö kanqantsikyaq ñakarpis gloriachö imayyaqpis kawanantsikpämi alistakuykantsik. Tsay kawaymanqa manam imapis kay patsachö kaqkuna iwalantsu.
18
Manam kay patsachö kawanallapätsu yarpachakuntsik, sinöqa gloriachö kawanapämi. Kay patsachö kawayqa ushakaqllam. Peru gloriachö kawaymi sïqa wiñaypa wiñaynin kanqa.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 5 →
All chapters:
1
2
3
4
5
6
7
8
9
10
11
12
13