bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Corinthians 2
2 Corinthians 2
Quechuan QXO (Biblia en Quechua del sur de Conchucos)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 3 →
1
Ñöpata qamkuna kaqman shamur llakikatsinqänö yapay llakikatsiyta manam munätsu.
2
Qamkunata llakikatsiptïqa ¿pïllanarä kushikatsimanqa?
3
Tsaymi shamunäpa rantin cartakamurqü. Manam munarqütsu shamuptï llakikatsiyämänaykita, sinöqa llapantsikpis kushikunantsiktam munarqü. Musyarqämi qamkuna kushikuyaptiki noqakunapis kushikuyänäpä kanqanta.
4
Tsay cartata qellqamur qallayashqalla kaykäyanqaykita yarparmi pasaypa llakikur waqarqä. Manam llakikuyänaykipätsu cartakamurqä, sinöqa qamkunata pasaypa kuyanqäta musyayänaykipämi.
5
Conträ runaqa manam noqallatatsu llakikatsimashqa, sinöqa qamkunatapis llakikatsiyäshurquykim.
6
Tsay runata corrigiyanqayki allim.
7
Alläpa mana llakikunanpä perdonar valuratsiyay.
8
Tsaymi qamkunata rugakü payta kuyapar alli rikayänaykipä.
9
Tsay cartata qamkunaman cartakamurqä tsay runata corrigiyänaykipämi. Tsaynöpam musyayta munarqä cäsuyämanqaykita o mana cäsuyämanqaykita.
10
Tsay perdonayanqayki runata noqapis perdonämi. Imallapis perdonanäpä kaptinqa Jesucristupa puntanchömi qamkuna raykur payta perdonarqü.
11
Musyantsikmi Satanás imaykanöpapis runakunata jutsaman ishkitsinanpä kanqanta. Tsaymi tsay runata perdonashqa qallayätsinakuyman Satanás jitamäshunnatsu.
12
Troas markaman Jesucristupa alli willakuyninta willakuq chaptï manam ima tsapapis kashqatsu.
13
Tsaynö kaptinpis qamkuna kaqpita Tito mana musyakämuptinmi pasaypa llakikurqä. Tsaymi Troaschö quëdanäpa rantinqa Tituta ashiq Macedonia provinciaman aywarqä.
14
¡Tayta Diostam agradëcikü! Paymi Jesucristuchö kayaptï imaypis yanapayäman. Tsaymi willakuyaptï maytsaychöpis runakunata tantiyatsin Jesucristuman criyikur payta reqiyänanpä.
15
Jesucristupa willakuyninta willakuyanqäqa inciensiupa alli mushkuyninnömi Tayta Diospä kaykan. Salvakuyänanpä kaqkunaman y mana salvakuyänanpä kaqkunamanpis chanmi.
16
Mana salvakuqkunapäqa melanaypä asyaqnömi kaykan. Peru salvakuqkunapämi sïqa kuyayllapä mushkuqnö kaykan. Tsaynö kaptinqa ¿pirä kikillanpita Jesucristupa willakuyninta willakunman?
17
Wakinkunaqa imatapis chaskiyänan raykurmi Diospa willakuyninta willakuykäyan. Noqakunaqa manam paykunanötsu kayä, sinöqa Tayta Dios mandayämashqa kaptin y noqakunawan pay kaykanqanta musyarmi Jesucristupa jutinchö llapan shonqükunawan willakuyä.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 3 →
All chapters:
1
2
3
4
5
6
7
8
9
10
11
12
13