bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
2 Corinthians 11
2 Corinthians 11
Quechuan QXO (Biblia en Quechua del sur de Conchucos)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
1
Löcu kanqäta conträ runakuna niyaptinpis mana rabyakullar wiyayämay. Yapaymi nï: Wiyayämay.
2
Tayta Diosnömi qamkunapä pasaypa llakikü. Jipash tsurinta virginllarä kaykaptin runaman entregayta munanqannömi qamkunatapis Jesucristuman entregayta munä.
3
Peru alläpam llakikü Evata Satanás engañanqannö qamkunatapis llutan yachatsikuqkuna engañayäshunaykita. Churakänanpä parlanqan jövinllapä jipash kanqannömi qamkunapis Jesucristullapä kayanki.
4
Tsaynö kaykaptinqa ¿imanirtä chaskiykäyanki llutan yachatsikuqkuna «Jesucristuqa manam yachakuyanqaykinötsu kaykan» niyäshuptiki y «Espíritu Santuqa manam yachakuyanqaykinötsu kaykan» niyäshuptiki y «Diospa willakuyninqa manam yachakuyanqaykinötsu kaykan» niyäshuptiki?
5
Tsay llutan yachatsikuqkuna «mas allinnin kaq apostolmi kayä» niyäshuptikipis noqam paykunapita mas rasunpa kaq apostolqa kä.
6
Runakunapa puntanchö shumaq parlayta mana yacharpis musyämi imapita parlanqätapis. Tsaynö karmi Tayta Diospa willakuyninta imaykanöpa qamkunata willarqü.
7
Tayta Diospa willakuyninta grätislla willakur ¿jutsatatsurä rurarqü? Pägayämänaykipa rantinmi gastükunapäqa arupakurqü. Tsaynö arurqü Jesucristupa willakuyninta chaskikur salvakuyänayki raykurmi.
8
Qamkunata sirvinäpämi wakin wawqikuna y panikuna gastükunapä yanapayämashqa.
9
Tsaymi qamkuna kaqchö karpis imä faltaptinpis mañakurqütsu. Tsaypa rantinqa Macedoniapita wawqikunam nisitayanqäpä apayämurqan. Gastükunapä mana mañakunqänöllam imaypis mañakuyäshaykitsu.
10
Tayta Dios musyanmi rasun kaqllata ninqäta. Jesucristupa alli willakuyninta debaldilla willakunäpä manam entëru Acaya provinciachö pipis michämanqatsu.
11
Gastükunapä yanapayämänaykita mana munaptï capazchi qamkunata manakaqman churayanqäta yarpäyanki. ¡Manam tsaynötsu! ¡Tayta Dios musyanmi qamkunata kuyanqäta!
12
Qamkunata kuyarpis Tayta Diospa willakuyninta willakur gastükunapä manam imaypis mañakuyäshaykitsu. Tsaynöpam tsay llutan yachatsikuqkuna noqakunanö apóstol kayanqanta yarpäyanqatsu.
13
Paykunaqa manam Jesucristupa apostolnintsu kayan, sinöqa apóstol tukurmi runakunata engañayan.
14
Tsaynö puriyanqan manam mantsaypätsu. Kikin Satanáspis alli ángel tukurmi purin.
15
Alli ángel tukur Satanás purinqannömi paykunapis Satanáspa sirviqninkuna kar Diospa sirviqnin tukullar puriyan. Tsaynö kayanqanpitam Tayta Dios juzgar castiganqa.
16
Yapaymi nï: Löcu kanqäta ama pipis yarpätsuntsu. Tsaynö kaptinpis löcunö ichiklla alabakunqäta kanan mä wiyayämay.
17
Señor Jesucristo tsaynö mana alabakuptinpis tantiyakuyänaykipämi löcunö alabakushä.
18
Llutan yachatsikuqkuna alabakuykäyaptinqa ¿imanirtä noqapis alabakümantsu?
19
Qamkuna alli yachaq kayanqaykita nikarqa ¿imanirtä llutan yachatsikuqkuna alabakur niyäshunqaykita cäsuyanki?
20
Qamkunaqa upällallam kakuyanki munayanqanta ruratsiyäshuptikipis, qellaynikikunata ushayaptinpis, engañayäshuptikipis, manakaqman churayäshuptikipis y laqyayäshuptikipis.
21
Tsaynöllam nikäyan paykunanö mana kar poderniynaqlla kanqäta. ¡Achyä, paykunanö mana karqa penqakümanchi! Paykuna alabakuyanqannöllam noqapis alabaküman. Peru paykunanö alabakurqa löcunömi parläman.
22
Paykuna hebreo casta kayanqannöllam noqapis hebreo casta kä. Paykuna Israel runa kayanqannöllam noqapis Israel runa kä. Paykuna Abrahampa castan kayanqannöllam noqapis Abrahampa castan kä.
23
Paykuna Jesucristupa sirviqnin kayanqanta niyaptinpis noqaqa masrämi Jesucristuta sirvï. (Kaynö parlarmi löcunö parlaykä.) Maytsaychömi paykunapita mas willakurqü. Willakunqäpitam carcelchö atska kuti wichqararqü. Autoridäkunapis kutin kutinmi castigayämashqa. Atska kutim conträkunapis wanutsimayta munayashqa.
24
Israel runakunapa autoridäninkunam pitsqa kuti kimsa chunka isqun (39) kuti castigayämashqa.
25
Kimsa kutim Roma soldädukuna pasaypa wiruyämashqa. Juk kutim runakuna saqmar cäsi wanutsiyämashqa. Kimsa viäjim aywaykäyanqä büquipis jundikarqan. Juk paqas juk junaqmi qerullä makallakushqa lamarchö aynarqä.
26
Diospa willakuyninta willakurmi maytsaypapis purirqü. Atska kutim mayupis cäsi cäsi apamashqa. Suwakunapa makinpitapis qeshpirqümi. Israel runakunapis y mana Israel runakunapis wanutsimaytam munayashqa. Markachöpis, tsunyaqchöpis y lamarchöpis ichikllapam wanurqü. Jesucristuman janan shonqulla yärakuqkunapis wanutsimaytam munayashqa.
27
Mayman charpis aja aruykunachömi arurqü. Atska kutim yarpachakur punuytapis tarirqütsu. Mallaqar yakunarmi purirqü. Röpä llapshalla kaptinmi alatsikurqü.
28
Tsay jananmanpis qoyay qoyaymi maytsaychö kaykaq wawqikunapä y panikunapä yarpachakü.
29
Juk wawqi o juk pani ñakaptinqa pasaypam llakikü. Pitapis jutsata ruratsiptinqa ruratsiq runapä pasaypam rabyä.
30
Alabakunäta munayaptikiqa poderniynaq kanqäpitam alabakushä.
31
Señor Jesucristupa Papänin Tayta Diosmi musyan rasun kaqta parlanqäta. Pay imaypis alabashqa kaykullätsun.
32
Damascuchömi rey Aretaspa gobernadornin soldädukunata churarqan marka punkupa yarquptï prësu tsariyämänanpä.
33
Tsaymi wawqikuna canastaman wiñarkamar marka murälla jananpa urätsiyämarqan. Tsaynöpam qeshpinäpä Tayta Dios yanapamarqan.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
All chapters:
1
2
3
4
5
6
7
8
9
10
11
12
13