bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Amos 7
Amos 7
Quechuan QXO (Biblia en Quechua del sur de Conchucos)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 8 →
1
Reypa cosëchanta qorir ushaskirmi kikinkunapa cosëchankunata manarä qoriyta qallayaptin Tayta Dios revelamarnin kay patsaman tsaytsika chukllushkunata mandamunanpäna alistanqanta rikatsimarqan.
2
Tsay chukllushkuna llapan qewakunata ushaykaqta rikatsimaptinmi rugakur nirqä: «Tayta Dios, perdonaykayällämay. Mana perdonayämaptikiqa Jacobpita miraqkuna wallkaqlla kaqpis llapäkunachi ushakäyäshä».
3
Tsaymi Tayta Dios kuyapämar nimarqan: «Rugakaykämaptikiqa chukllushkunata manam mandamushätsu».
4
Tsaypitanam Tayta Dios revelacionchö rikatsimarqan Israel nacionta ninawan castiganqanta. Tsay ninaqa patsa rurinpita pashtamuq yakuta tsakitsirmi entëru Israel nacionta usharqan.
5
Tsayta rikarmi rugakur nirqä: «Tayta Dios, ama tsaynö ushakaykatsiyällamaytsu. Mana perdonayämaptikiqa Jacobpita miraqkuna wallkaqlla kaqpis llapäkunachi ushakäyäshä».
6
Tsaymi Tayta Dios kuyapämar nimarqan: «Rugakamanqaykipita manam tsaytapis rurashätsu».
7
Tsaypitanam pirqa murälla lädunchö plomädan aptashqa ichiraykaqta Tayta Diosta revelacionchö rikarqä.
8
Tsaymi tapumar nimarqan: «Amós, ¿imatatä rikaykanki?» Nimaptinmi nirqä: «Taytay, albañilpa plomädanta aptashqa ichiraykaqtam rikaykä». Tsaymi nimarqan: «Plomädawan murälla derëchu kanqanta o wiksu kanqanta musyayanqaykinömi Israel runakuna imanö kawayanqantapis musyashä. Jutsata rurar kawayanqanpita mananam perdonashänatsu.
9
«Isaacpita miraqkuna ruratsiyanqan altarkunatam ushakätsishä. Ïdulukunata adorayänan wayikunatam Israel nacionchö chipyaq juchutsishä. Espädäta aptarkurmi aywashä rey Jeroboampita miraqkunata ushakätsinäpä».
10
Amós tsaynö willaptinmi Bet-elchö kaq sacerdöti Amasías Israel runakunapa mandaqnin rey Jeroboamman willakatsir nirqan: «Amósqa qampa contrayki parlarmi puriykan. Israel runakuna pay ninqanta cäsuyaptinqa nacionnintsik ushakanqam.
11
Payqa puriykan kaynö nirmi: «Jeroboamta espädawan wanuskatsirmi Israel runakunata juk nacionman prësu apayanqa».
12
Amóstanam sacerdöti Amasías nirqan: «¡Profëta, kaypita ras aywakuy! Willakunqaykipita gänapakuyta munarqa Judá nacionman kutiykur tsaychö willakuy.
13
Kay Bet-elchö Israel nacionpa templun kaptinmi Diosta adorananpä reypis shamun. Tsaynö kaykaptinqa kaychö ama willakuytsu».
14
Tsaynö niptinmi Amós nirqan: «Noqaqa manam profëtatsu ni profëtapa tsurintsu kä, sinöqa üshakunata mitsikur y munti hïguskunata qorillarmi kawä.
15
Üshakunata mitsikur puriykaptïmi Tayta Dios nimarqan: «Israel runakunaman ayway willakuynïta willakunaykipä».
16
Kanan shumaq wiyamay Tayta Dios qampä ninqanta. «Qammi nikanki: «Israel runakunapa contran ama willakuytsu. Tsaynölla Isaacpita miraqkunapäpis imatapis ama parlakuytsu».
17
«Tsaymi Tayta Dios nin: «Qampa warmikim kay markachö prostitüta kanqa. Warmi tsurikikunata y ollqu tsurikikunatam espädawan wanutsiyanqa. Chakraykikunatapis suertiyaypam rakipanakuyanqa. Kikikinam wanunki Diosta mana cäsuqkuna täyanqan nacionchö. Israel mayikikunatam karu nacionman prësu apayanqa».
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 8 →
All chapters:
1
2
3
4
5
6
7
8
9