bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
John 10
John 10
Quechuan QXO (Biblia en Quechua del sur de Conchucos)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 11 →
1
Mastam Jesús nirqan: «Rasunpam nï: Üsha kunchaman punkunpa mana yaykuq kaqqa suwam.
2
Peru punkunpa yaykuq kaqmi sïqa üshapa duëñun.
3
Paytam üsha täpaq runa punkuta kichapun. Üshapa duëñunqa üshankunatam jutinpa jutinpa qayar kunchapita jipin.
4
Üshakuna yarqurnam duëñunpa vozninta reqir qepanta aywayan.
5
Peru jukpa vozninta wiyarmi sïqa qepanta aywayantsu, sinöqa qeshpirmi aywakuyan».
6
Tsaynö iwalatsiypa Jesús yachatsiptinmi imata ninqantapis runakuna tantiyayarqantsu.
7
Tsaymi Jesús nirqan: «Rasunpam nï: Noqam üsha kunchapa punkun kä.
8
Manarä shamuptï puntata shamuqkunaqa llapanpis suwam kayarqan. Tsaymi paykunata üshakuna cäsuyarqantsu.
9
Peru noqam sïqa kuncha punku kä. Punkupa yaykuq kaqmi salvakunqa. Paykunaqa yaykur y yarqurmi alli qewata tariyanqa.
10
Suwaqa shamun suwakunanpä, wanutsinanpä y ushakätsinanpämi. Noqam sïqa shamurqü runakuna alli kawayänanpä.
11
«Noqam alli mitsikuq runa kä. Alli mitsikuqqa üshankuna raykurmi wanunmanpis.
12
Peru pägullapä mitsikuq kaqmi sïqa löbu shamuykaqta rikaskir üshakunata jaqiskir aywakun. Tsaynö aywakun duëñun mana karmi. Tsaymi löbu yaykur tsariptin wakin üshakuna qeshpir maytsaypapis aywakuyan.
13
Pägullapä mitsikuq runaqa üshakunata mana kuyaparmi qeshpir aywakun.
14
«Peru noqam sïqa alli mitsikuq runa kä. Papänïta reqinqänö y pay reqimanqannömi noqapis üshäkunata reqï y üshäkunapis reqiyäman. Tsaymi üshäkuna raykur wanushäpis.
16
Manam kayllachötsu üshäkuna kayan, sinöqa juk läduchöpis kanmi. Paykunapis voznïta reqirmi cäsuyämanqa. Tsaymi juk kunchallachöna kayänanpä paykunatapis qorimushä. Tsaynöpam jukllayllana mitsikuqnin kanqa.
17
«Üshäkuna raykur wanunäpä kaptï y kawamunäpä kaptïmi Papänï kuyaman.
18
Noqa poderyuqmi kä wanunäpä y kawamunäpäpis. Tsaymi kikï mana munaptïqa pipis wanutsimanqatsu. Wanunäpä y kawamunäpämi Papänï nimashqa».
19
Jesús tsaynö parlaptinmi Israel runakuna yapay kikinkunapura rabyanätsinakuyarqan.
20
Tsaymi wakin niyarqan: «Paychö supay kaptinmi löcuyashqa kaykan. ¿Imapätä wiyashunpis?»
21
Wakinnam niyarqan: «Supay löcuyätsiptinqa manam tsaynö parlanmantsu. Tsaynöllam qapra runata allïtsinmantsu karqan».
22
Tamya killachömi Jerusalénchö templupa fiestan karqan.
23
Tsaymi templuman yaykur Salomón ninqan alarchö Jesús puriykaptin
24
Israel runakuna juntapaykur tapuyarqan: «¿Imayyaqtä shuyäyäshayki rasun kaqta willayämänaykipä? Tayta Dios mandamunqan Cristo karqa ras willayämay».
25
Jesúsnam nirqan: «Qamkunata willarqünam. Willaptïpis y Papänïpa jutinchö milagrukunata ruraykaptïpis manam criyiyämankitsu.
26
Üshäkuna mana karmi criyiyämankitsu.
27
«Üshäkunam sïqa voznïta reqir qatiräyäman. Noqapis paykunata reqïmi.
28
Mana ushakaq kawaytam paykunata qarashä. Imaypis manam ushakäyanqatsu. Paykunataqa podernïpita manam pipis qechumanqatsu.
29
Papänïmi paykunata podernïman churamushqa. Poderösu kaptinmi ni pipis Papänïpa poderninpita qechunqatsu.
30
Papänïwan noqaqa jukllayllam kä».
31
Tsaynö niptinmi tsay autoridäkuna Jesústa yapay saqmayta munayarqan.
32
Jesúsnam nirqan: «Qamkuna rikayarquykim atska milagrukunata Papänïpa poderninwan ruranqäta. ¿Mayqan milagruta ruranqäpitatä saqmayta munayämanki?»
33
Tsaymi niyarqan: «Manam allita ruranqaykipitatsu saqmayta munayä, sinöqa Diospa contran parlanqaykipitam. Qamqa runalla kaykarmi Dios tukuykanki».
34
Jesúsnam nirqan: «Leynikichömi nin: «Noqam nirqä: «Qamkunaqa dioskunam kayanki».
35
Tayta Diospa palabran ninqanqa rasun kaqllam. Unay runakunata tantiyatsir Tayta Dios tsaynö nikaptinqa
36
¿imanirtä «Diospa Tsurinmi kä» niptï llutanta ninqäta yarpäyanki? Kikin Tayta Diosmi kay patsaman mandamashqa.
37
«Ruranqäkuna Papänï munanqannö mana kaptinqa ama criyiyämaytsu.
38
Pay munanqannö kaptinqa criyiyämay. Peru ninqäkunata wiyayanqallaykiwan mana criyirpis milagru ruranqäkunata rikaykarqa criyiyämay. Tsaynöpam tantiyayanki noqachö Papänï kanqanta y paychö noqa kanqäta».
39
Tsaynö niptinmi yapay prësu tsariyta munayarqan. Tsaymi qeshpir
40
Jordán mayu tsimpanman kutirqan. Tsaychömi puntata Juan bautizarqan.
41
Jesús tsaychö kanqanta musyarmi atskaq runakuna tsayman aywaykur niyarqan: «Juanqa manam ima milagrutapis rurarqantsu. Peru Jesúspä ninqankunam sïqa llapanpis rasun kaqlla».
42
Tsaychömi atskaq runakuna Jesúsman criyiyarqan.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21