bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
John 17
John 17
Quechuan QXO (Biblia en Quechua del sur de Conchucos)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 18 →
1
Tsaynö niskirnam ciëlupa rikarkur Jesús nirqan: «Papä, hörä chämushqanam. Tsuriki kaykaptïqa glorificaykallämay. Tsaynöpam noqapis glorificashayki.
2
Llapan runakunapä poderyuq kanäpämi churamarquyki. Tsaymi poderyuq kä podernïman churamunqayki runakunata mana ushakaq kawayta qaranäpä.
3
Mana ushakaq kawaychö kawaqkunaqa qamtam reqiyäshunki. Tsaynöllam noqatapis reqiyäman. Tsaynöpam tantiyayan japallayki Dios kanqaykita y noqata mandamanqaykita.
4
«Runakuna alabayäshunaykipämi llapan nimanqaykikunata kay patsachö cumplirqü.
5
Papä, kay patsa manarä kaptin puntaykichö poderyuq kanqänö kananpis poderyuq kanäpä pushakallämay.
6
«Imanö kanqaykitapis discïpulükunatam musyatsirqü. Qampa kaptinmi paykunata akraskir podernïman churamurquyki. Tsaymi willakuynikita willakuptï cäsukuyashqa.
7
Kananqa llapan yachatsinqäkuna y ruranqäkuna qam munanqaykinölla kanqantam musyayan.
8
Llapan nimanqaykitam paykunata yachatsirqü. Tsaymi yachatsinqäkunata criyir qampita kay patsaman shamunqäta tantiyayan.
9
«Manam llapan runakunapätsu mañakamü, sinöqa discïpulükunallapämi. Qampa kayaptinmi paykunata podernïman churamurquyki.
10
Llapanpis noqaman criyikuqkunaqa qampam y qamman criyikuqkunapis noqapam. Discïpulükuna noqaman criyikuyanqanpitam runakuna tantiyaykäyan noqata mandamanqaykita.
11
Kay patsapita qam kaqman kutimuptïmi paykunaqa kay patsachörä kayanqa. Santu Tayta Dios, noqantsik jukllaylla kanqantsiknö paykunapis jukllayllanö kayänanpä cuidaykullay.
12
«Podernïman churamunqayki runakunatam [kay patsachö] alli cuidarqü. Tsaynö cuidaptïmi mayqanpis oqrakashqatsu. Jukmi sïqa Satanás munanqanta rurar oqrakashqa. Tsaynö päsashqa Tayta Diospa palabran cumplinanpämi.
13
«Kananqa qam kaqmannam kutikamushä. Kay patsachömi discïpulükunata yachatsirqü noqa kushishqa kanqänö paykunapis kushishqa kawayänanpä.
14
Willakuynikita willakuptïmi criyikuyashqa. Munanqaykita ruranqänö paykunapis rurayaptinmi mana cäsushuqnikikuna chikiyan.
15
Chikiyaptinpis manam kay patsapita ras pushakunaykipätsu mañakü, sinöqa Satanáspita tsapaykunaykipämi.
16
Qampa podernikichö kanqänömi paykunapis podernikichöna kaykäyan.
17
«Willakuynikiqa rasun kaqmi. Willakuyniki ninqannö kawayänanpä yanapaykullay.
18
Kay patsaman mandamanqaykinöllam paykunatapis munanqaykita rurayänanpä mandaykä.
19
Nimanqaykinöllam llapantapis cumplï. Tsaynöpam noqata rikamar paykunapis ninqaykikunata cumpliyanqa.
20
«Peru manam discïpulükunallapätsu mañakamü, sinöqa willakuyanqanta criyir noqaman criyimuqkunapäpis mañakamümi.
21
Papä, noqantsik jukllaylla kanqantsiknö kikinkunapurapis y noqantsikwanpis jukllayllanö kawayänanpä yanapaykullay. Tsaynö kawayanqanta rikarmi wakin runakunapis tantiyakuyanqa mandamanqayki Cristo kanqäta.
22
«Willakuynikita tantiyatsimanqaykinöllam tantiyatsirqü. Tsaymi noqantsik jukllaylla kanqantsiknö paykunapis jukllayllanö kayanqa.
23
Jukllayllanömi paykunawan kä y qampis noqawan jukllayllam kanki. Tsaynöpam paykunapis juk shonqulla kuyanakuyaptin mandamanqayki Cristo kanqäta runakuna tantiyayanqa. Tsaynöllam tantiyayanqa noqata kuyamanqaykinö paykunatapis kuyanqaykita.
24
«Papä, podernïman churamunqayki runakuna noqawan kayänantam munä. Ñöpächö karmi rikayämanqa poderyuq kanäpä churamanqaykita. Kay patsata manarä kamarmi kuyamar poderyuq kanäpä churamarqayki.
25
«Papä, mana cäsushuqnikikuna manam reqiyäshunkitsu. Peru noqam sïqa qamta reqï. Tsaynöllam podernïman churamunqayki runakuna musyayan kay patsaman mandamanqaykita.
26
Qampa willakuynikitam yachatsirqü. Tsaynöllam imaypis yachatsishä noqawan jukllayllanö kawayänanpä y noqata kuyamanqaykinö kuyanakuyänanpä».
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21