bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
John 3
John 3
Quechuan QXO (Biblia en Quechua del sur de Conchucos)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
1
Juk fariseo runam Nicodemo jutiyuq karqan. Payqa Israel runakuna respitayanqan runam karqan.
2
Juk paqasmi Jesús kaqman aywaykur nirqan: «Rabí, yachatsiyämänaykipä Tayta Dios mandamushunqaykitam musyayä. Tayta Dios mana yanapaptinqa manam pipis qam ruranqayki milagrukunata ruranmantsu».
3
Jesúsnam nirqan: «Rasunpam nï: Pipis yapay mana yurirqa manam Diospa mandakuyninman yaykunqatsu».
4
Nicodemunam nirqan: «¡Imanöpatä rukuna kaykar yapay yuriyanman! ¿Mamanpa pachanman kutiyanmantsurä yapay yuriyänanpä?»
5
Jesúsnam nirqan: «Rasunpam nï: Pipis yakuwan y Espíritu Santupa poderninwan mana yurirqa manam Tayta Diospa mandakuyninman yaykunqatsu.
6
Mamanpita yuriqkunaqa runallam kayan. Peru Espíritu Santupita yuriqkunam sïqa Diospa wamrankuna kayan.
7
«Llapan runakunapis yapayrämi yuriyänan niptï ama llakikuytsu.
8
Vientumuqta wiyarpis manam maypita shamunqanta ni maypa aywanqantapis musyankitsu. Tsaynöllam pipis tantiyantsu Espíritu Santupa poderninwan runakuna imanö yuriyanqantapis».
9
Nicodemunam yapay tapurqan: «Taytay, kay ninqaykiqa ¡imanötä kanqa!»
10
Jesúsnam nirqan: «Israel runakunapa yachatsiqnin kaykarpis ¿manaku tantiyanki?
11
Rasunpam nï: Rikanqäta y musyanqätam willä. Peru tsaynö kaptinpis ninqäta manam criyiyankitsu.
12
Kay patsachö kaqkunapä ninqäta mana criyiykarqa ¿imanöpatä criyiyankiman ciëluchö kaqkunapä niptï?
13
«Manam pipis gloriaman aywar kutimushqatsu. Peru Runapa Tsurinmi sïqa gloriapita shamushqa kar rasun kaqta willakun.
14
Desiertuchö broncipita fundishqa culebrata qeruman Moisés joqarinqannömi Runapa Tsurintapis joqariyanqa.
15
Tsaymi pipis payman criyiqkunaqa mana ushakaq kawayta tariyanqa».
16
Runakunata kuyarmi japallan Tsurinta Tayta Dios mandamurqan. Tsaymi pipis payman criyikuq kaqkunaqa ushakäyanqatsu, sinöqa mana ushakaq kawaytam tariyanqa.
17
Manam runakunata infiernuman qaykunanpätsu Tayta Dios Tsurinta mandamurqan, sinöqa payman criyikuyaptin salvananpämi.
18
Tayta Diospa Tsurinman criyikuqkunaqa manam infiernuman qaykushqatsu kayanqa. Peru mana criyiqkunam sïqa qaykushqa kananpäna kaykäyan. Tsaynö kayanqa Tayta Diospa japallan Tsurinman mana criyiyanqanpitam.
19
Kay patsaman aktsi shamushqa kaptinpis runakunaqa tsakäpakushqanö karmi y jutsallachö kawarmi tsay aktsita chaskiyantsu.
20
Llapanpis jutsa rurayllachö kawaqkunaqa Tayta Dios mandamunqan aktsita chikirmi chaskiyantsu. Tsaynö chaskiyantsu jutsankuna musyakänanta mana munarmi.
21
Peru alli ruraqkunam sïqa Tayta Dios mandamunqan aktsita chaskiyan. Tsaynö chaskiyaptinmi Tayta Dios munanqannö kawayanqan musyakan.
22
Jerusalénpita yarquskirnam Judea provinciachö juk läduman discïpulunkunawan Jesús aywarqan. Tsaychömi runakunata bautizarqan.
23
Bautizaq Juannam Enón ninqan raqrachö atska yaku kaptin tsaychö bautizarqan. Enónqa Salim cercanchömi karqan. Tsaychö bautizanqanta musyarmi wakin runakuna tsayman bautizakuq aywayarqan.
24
Tsay witsanqa Juan manarämi carcelchö wichqararqanrätsu.
25
Tsaychömi imanö purificakuyänanpä kanqanpita Juanpa discïpulunkuna Israel mayinkunawan rimanakuyarqan.
26
Tsaymi Juan kaqman aywaykur niyarqan: «Rabí, ¿yarpankiku Jordán tsimpanchö kaykar juk runata rikaskir paypä willayämanqaykita? Kananqa paypis bautizaptinmi llapan tsaytsika runakuna payman aywaykäyan».
27
Juannam nirqan: «Tayta Dios yanapaptinmi runakuna payman aywaykäyan.
28
Qamkunata ninqänöpis noqaqa manam Cristutsu kä, sinöqa paypa puntanta willakunäpä Tayta Dios mandamanqan runallam kä.
29
Casaraq jövinllam noviayuqqa. Casaraq jövin parlanqanta wiyar amïgun kushikunqannöllam noqapis kushikü.
30
Mas allim kaykan noqaman shayämunanpa rantin payman aywayaptin.
31
«Kay patsapita kaqkunaqa kay patsachö kaqkunallata musyarmi kay patsachö kaqkunallapä parlayan. Peru ciëlupita shamuq kaqmi sïqa ciëluchö kaqkunata y kay patsachö kaqkunatapis musyan. Payqa llapanpitapis mas poderyuqmi.
32
Ciëluchö rikanqankunata y wiyanqankunata willaptinpis runakuna manam chaskiyantsu.
33
Peru chaskiqkunam sïqa Tayta Diospa willakuynin rasun kaq kanqanta tantiyayan.
34
Tsaynö tantiyayan ciëlupita shamuq runa Tayta Dios ninqankunata parlaptinmi. Tsaynö parlananpämi Espíritu Santuta Tayta Dios qararqan.
35
«Tsurinta kuyarmi paypa poderninman Tayta Dios llapantapis churashqa.
36
Tsaymi Diospa Tsurinman criyiq kaqqa mana ushakaq kawayta tarin. Peru Tsurinman mana criyiq kaqmi sïqa tsay kawayta tarinqatsu. Tsaypa rantinqa Tayta Dios rabyarmi infiernuman qaykunqa».
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21