bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
2 Kings 12
2 Kings 12
Romani Ursari 2018 (Biblia Ande Chib Romani)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 13 →
1
Kana nakhle efta burs sar kana thodape te charoil o Jeu, thodape te charoil o Joas. O Joas charoisarda saranda burs ando Jerusalem. Leki dei saia e Sibia katar o Berseba.
2
Ta o Joas saia orta angla e akha e Devleke sa o vreme kai sikada le o popo o Joiada.
3
A ni ikande e thana vazdine, soke o foro ni achada e kurbanura ta ni te phabaren o taimano.
4
Iek llive o Joas phenda e poponenge: Anen sa e love chinade te den ando cher e Devleko. Anen e love kai morabi te pochinel suako lleno gia sar si chinado, ta e love kai suako lleno dia sar vou mangla ando cher e Devleko,
5
te len le e popura suako lleno katar pi familia, ta lacharen e zidura katar o cher e Devleko kaigo avela phago.
6
Nakhle bis ta trin burs sar kana o Joas thodape te charoil, ta e popura ni lacharde e zidura katar o cher e Devleko.
7
Ondaka o Joas ikharda e mai bare popo e Joiadae ta e poponen, ta phenda lenge: ¿Soke ni lacharden o cher e Devleko? Katar angle ni ka len ios love katar tumari familia, ta e love kai si tumende morabi te den len te sai lacharen e zidura.
8
E popura achile pe orba te na len ios love e llenendar, ta te na cheren von o rado te lacharen e zidura katar o cher e Devleko.
9
Ondaka o mai baro popo o Joiada lia eik bauli, cherda iek jiv po kapako ta thoda le pe rig e chachi katar o altar, ta e popura kai arakhena o udar katar o cher e Devleko thovena kote sa e love kai anena e llene.
10
Kana dikhena kai o bauli saia pherdo love, avela o pismiri katar o charo ta o baro popo te llinen e love, mapalal guruvena len.
11
Ta dena e love kai e llene kai sea thode po rado te lachardol o cher e Devleko, ta von pochinena e llenenge kai radina ande kasta ta e llenenge kai lacharena o cher e Devleko.
12
Ta dena love e llenen kai radina ande kasta ta e barra te sai chinen so trubula len te lacharen e zidura katar o cher e Devleko.
13
A e lovenchar kai anena e llene ando cher e Devleko ni cherena tasura, ni kata kai chinen lenchar o thau katar e memeli, ni lellenura, ni tuturuge, ni ezgode sunakune ni rupune,
14
soke e love dena len kai e llene kai radina, ta gole lovenchar lacharena o cher e Devleko,
15
ta ni puchena e llenen kai lena e love te pochinen e llenenge kai radina, soke cherena le chachimaia.
16
A e love kai e llene dena pala e dos ta pala o bilachipe, ni inllarena len ando cher e Devleko soke sea e poponenge.
17
Ondaka o Jazael, charo katar e Siria, avilo te marelpe e foroia katar o Gat ta dobisarda le. Mapalal mangla te marelpe e foroia katar o Jerusalem,
18
goleke o Joas charo katar o Juda, lia sa e love dine kai diea o Josafat, o Joram ta o Okosias leke purane, kai sea charura katar o Juda. Lia sa e love dine kai vou diaia, sa o sunakai kai saia ando cher e Devleko ta ando cher e charoko. Sa bichalda le e Jazaeleke o charo katar e Siria, ta o Jazael llelotar katar o Jerusalem.
19
Sa so cherda o Joas si pisime ando lil katar so cherde e charura e Judaeke.
20
Ta isto leke gazda vazdinaile pe lete. Ta mundarde le ando Milo kana llala karing o Sila,
21
soke leke sluge o Simeat ta o Jozabad chavo katar o Somer ranisarde le ta mulo, ta prajosarde le ando foro katar o David. Mapalal charoisarda pe leko than o Amasias, leko chavo.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25