bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
2 Kings 8
2 Kings 8
Romani Ursari 2018 (Biblia Ande Chib Romani)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 9 →
1
O Eliseo dia orba e diskiniaia kai vou cherdaia te ustel lako chaurro katar o meripe, ta phenda lake te llaltar voi ta laki familia te zivin ande aver phuv, soke o Del phendaia kai ka avel bari bok efta burs.
2
Ondaka e diskinia cherda so phenda lake o profeta, ta llelitar pe familiaia te zivil efta burs ande phuv katar e filisteura.
3
Kana nakhle efta burs e diskinia irisaili kai pi phuv. Mapalal llelitar te dikhel e charo te mangel letar te irin lake lako cher ta laki phuv.
4
O charo dela orba e Gejaziea kai saia sluga e profetako, soke manglea letar te phenel leke sa e bare ezgode kai cherdaia o Eliseo.
5
Ta kana phenela leke sar o Eliseo cherdaia te ustel katar o meripe iekhe llene kai muloa, e diskinia kai o Eliseo cherdaia lako chaurro te ustel katar o meripe avili te mangel katar o charo te irin lake lako cher ta laki phuv. Ondaka o Gejazi phenda e charoke: Glamno charo, gaia si e diskinia ta gava si lako chaurro kai o Eliseo cherda te ustel katar o meripe.
6
O charo puchla e diskinia ta voi phenda leke so avilape. Mapalal o charo phenda iekhe sudoke te irin lake sa lake ezgode, ta te irin lake sa e septelie kai diaia laki phuv sar kana llelitar te zivil ande aver phuv llik allive.
7
Mapalal katar gale ezgode o Eliseo llelo ando Damasko. Ande gua vreme o Ben Adad kai saia o charo katar e Siria saia nasualo, ta phende leke kai avilo o profeta.
8
Ondaka o charo phenda e Jazaeleke: Inllar iek sukar ezgoda ta lla dikh e profeta, ta mang letar te puchel e Devle dal ka sastivav katar gava nasualipe.
9
Ta o Jazael llelo te dikhel e Eliseo ta inllarda ande po va iek sukar ezgoda, ta i inllarda upral pe saranda deve e mai sukar ezgode katar o Damasko. Kana avilo phenda leke: O charo katar e Siria o Ben Adad kai si sargo cho chaurro, bichalda man tute te puchav tut dal vou ka sastol katar po nasualipe o iok.
10
O Eliseo phenda leke: Phen leke kai ka sastol, a o Del phenda mange kai sargo avela ka merel.
11
Ondaka o Eliseo dikhla pe akha katar o Jazael lligo ni cherda le te llalal. Mapalal o Eliseo thodape te rovel,
12
ta o Jazael puchla le: ¿Soke rove mo gazda? O Eliseo phenda leke: Soke llanav o bilachipe kai ka chere e llenenge katar o Israel. Ka phabare lenge forura zidome, e jarniea ka mundare e ternen ta lenge minonen ka chalave len ande phuv, ta ka putare o lli katar e diskinie kai si khamne.
13
O Jazael phenda: ¡Sar ka cherav gua kana sem sargo iek llukel! Ta o Eliseo phenda leke: O Del sikada mange kai tu ka ave o charo katar e Siria.
14
O Jazael llelotar katar o Eliseo ta avilo kai o charo kai puchla le: ¿So phenda chuke o Eliseo? O Jazael phenda leke: O Eliseo phenda mange kai ka sasto.
15
A thiarinako o Jazael lia iek chiti thulo, chingarda le ta thoda le po mui e charoko, ta o charo mulo. Mapalal o Jazael charoisarda pe leko than.
16
Kana saia o panchto burs sar kana thodape te charoil ando Israel o Joram chavo katar o Ajab, thodape te charoil ando Juda o Joram chavo katar o Josafat.
17
Sea leke tranda ta dui burs kana thodape te charoil, ta charoisarda ojto burs ando Jerusalem.
18
Ta cherda o bilachipe gia sar cherde e charura katar o Israel ta e vicha katar o Ajab. Leki rromi sai chorri e Ajabeki, ta cherda o bilachipe angla o Del.
19
A o Del ni kamla te zatril e Judae soke volila pe sluga e Davide, ta phenda leke kai leki lampara ostade ka avel phabardi.
20
Kana o Joram charoila, o Edom ni kandia ios e Judae ta isto von thode peke iek charo.
21
Ondaka o Joram llelo ando Sair sa pe bordonenchar, ta orachaia truisarde e edomitonen ta die pe lende, ta cherde len te nasen kai pe chare.
22
A o Edom ni achilo telal tala o gazdaripe katar o Juda llik akana. Ta isto ande gua vreme i o foro katar e Libna ni kandia ios e Judae.
23
Sa so cherda o Joram si pisime ando lil katar e charura e Judaeke.
24
Kana o Joram mulo prajosarde le ando limori kai sea leke dada, ando foro katar o David. Mapalal charoisarda pe leko than leko chavo o Okosias.
25
Kana nakhle desudui burs sar kana o Joram chavo katar o Ajab charoila ando Israel, o Okosias chavo katar o Joram thodape te charoil ando Juda.
26
Sea leke bis ta dui burs kana thodape te charoil. Charoisarda ando Jerusalem iek burs. Leki dei ikhardola Atalia ta saia katar e familia katar o Omri, o charo katar o Israel.
27
O Okosias cherda o bilachipe angla o Del sar cherda le o Ajab ta leki familia. E ezgode kai cherda sea bilache soke saia o llamutro e Ajabeko.
28
Okosias thodape zanio e Joramea te marelpe ando Ramot katar o Galaad e charoia katar e Siria, o Jazael. Ando maripe e siriura ranisarde e Jorame,
29
ta o Joram irisailo ando Jezreel te sastol katar po ranipe kai cherde leke e siriura kana mardape e charoia e Jazaelea angla o Ramot. Ondaka o Okosias llelo ando Jezreel te dikhel le.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25