bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
2 Kings 16
2 Kings 16
Romani Ursari 2018 (Biblia Ande Chib Romani)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 17 →
1
Kana nakhle desefta burs sar kana thodape te charoil o Pekaj chavo katar o Remalias, thodape te charoil o Ajaz chavo katar o Jotam ando Juda.
2
Kana thodape te charoil o Ajaz sea leke bis burs, ta charoisarda desusov burs ando Jerusalem. A ni cherda so si orta angla e akha e Devleke, sargo leko dad o David,
3
soke cherda e ezgode bilache kai cherde e charura katar o Israel. Dia pe chave kurbano e delenge ta chudia le ande iag, gia sar cherena le e forura kai o Del chudia katar e phuv angla e chave katar o Israel.
4
Dia kurbanura e delenge ta phabarda o taimano pe thana vazdine, pe burdura ta telal katar suako baro kas.
5
Ondaka o Resin charo katar e Siria, ta o Pekaj chavo katar o Remalias, charo katar o Israel, avile te marenpe e Ajazea ando Jerusalem ta te thovenpe truial katar o foro, ta ni dobisarde le.
6
Ande gua vreme o charo katar o Edom pale lia o foro katar o Elat e Edomeke, ta tradia katar o Elat e llenen kai sea katar o Juda. Ta e llene katar o Edom avile te zivin ando Elat, ta kote zivisarde llik allive.
7
Ondaka o Ajaz bichalda llenen kai o Tiglat Pileser, charo katar e Siria, te phenen leke gia: Me sem cho sluga, sem sargo cho chavo. Braduisar man katar o charo katar e Siria ta katar o charo e Israeleko kai avile te marenpe manchar.
8
O Ajaz lia o rup ta o sunakai kai saia ando cher e Devleko ta o sunakai kai saia ando cher e charoko, ta bichalda le e charoke katar e Asiria.
9
Ta o charo katar e Asiria dia te marelpe ando Damasko, ta inllarda phangle e llenen katar o foro ando Kir, ta mundarda e Resine.
10
Kana o charo o Ajaz llelo ando Damasko te dikhel e Tiglat Pilesere o charo katar e Asiria, dikhla o altar kai saia kote. Ta o Ajaz bichalda e popoke o Urias iek lil kai sikavela sar vazdie gua altar,
11
ta o Urias vazdia iek than altar sar sikavela le o lil. Ta kana irisailo o Ajaz katar o Damasko o altar saia vazdino.
12
Ta kana o charo avilo katar o Damasko ta diklha o altar, avilo pasa le ta dia kurbanura kote,
13
ta phabarda o kurbano ta e septelie dine kai dia, ta chudia pe lende mol ta o rat katar o kurbano pala e pas.
14
Ta o altar cherdo katar o tuch kai saia angla o cher e Devleko, o Ajaz ikanda le kotar ta thoda le pe rig angluni maskar o altar nevo ta o cher e Devleko.
15
Ta o charo o Ajaz phenda e Uriaseke te phabarel ando baro altar o kurbano thiarinako ta e ofrende katar e septelie kai denpe pasa racha, ta e kurbanura phabarde ta e ofrende katar e septelie kai del o charo, ta e kurbanura phabarde ta e ofrende katar e septelie ta katar e mol kai del o foro. Ta i phenda leke te chudel po altar sa o rat katar e kurbanura. A o altar tuchno ka avel murno te puchau lea e Devle.
16
O Popo o Urias cherda sa so phenda leke o charo o Ajaz.
17
Mapalal o Ajaz chinda e kasta kai sea telal ta ikanda lendar e lellenura, ta i ikanda o baro lelleno kai saia upral pe guruva tuchne ta kai pe lende saia thodo o baro lelleno, ta thoda le pe phuv barrustuni.
18
Te perel drago e charoke katar e Asiria, o Ajaz ikanda o udar kai cherdea pala o llive sabado, ta ikanda o udar e charoko kai si avri.
19
Sa so cherda o Ajaz si pisime ando lil katar so cherde e charura e Judaeke.
20
Kana mulo prajosarde le pasa leke dada ando foro katar o David. Mapalal charoisarda pe leko than leko chavo o Ezekias.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25