bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
2 Kings 5
2 Kings 5
Romani Ursari 2018 (Biblia Ande Chib Romani)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 6 →
1
O Naaman saia gazda e boñikonengo ande Siria. O charo cherela but pala le soke letar o Del cherdaia te dobil e Siria ando maripe. A gava tromano boñiko saia leproso.
2
Iek drom nesave siriura mardepe e israelitonenchar ta lie iekhe chorra kai cherde la sluga katar e rromi e Naamaneki.
3
Gaia chorri phenda e rromiake katar o Naaman: Te llala mo gazda te dikhel e profeta kai zivil ande Samaria, sastola katar pi lepra.
4
Kana o Naaman asunda gava, llelo kai o charo te phenel leke so phendaia e chorri.
5
O charo phenda leke: Lla, soke me ka bichalav iek lil e charoke katar o Israel. Ondaka o Naaman lia tranda milie tolaria rupune, ta sov milie tolaria sunakune. Lia des premene ta llelotar.
6
Ta inllarda e charoke katar o Israel o lil kai phenela gia: Kana ka chiti gava lil ka llane kai me bichaldem e Naamane, iek katar me sluge te sai sastare le katar pi lepra.
7
Kana o charo chitisarda o lil pharrada pe patave ta phenda: ¿So sem me o Del te mundarav o te dav o zivoto, kai o charo katar e Siria bichalel mange iekhe llene te sai sastarav le katar pi lepra? Dikhen sar rodel vareso te marelpe manchar.
8
Kana o Eliseo, manus e Devleko, llangla kai o charo saia ande bari nuzda, bichalda te puchen le: ¿Soke pharradan che patave? Muk te avel mande gua lleno te dikhel kai ando Israel si profeta e Devleko.
9
Gia o Naaman llelo ande po bordon ta pe grastenchar, ta achilo angla o udar katar o cher e Eliseoko.
10
A o Eliseo bichalda iekhe llene te phenel leke: Lla ta jalav tut ando pai katar o Jordan efta droma ta ka sastol cho mas ta ka lelpe tutar e lepra.
11
O Naaman llelotar joliariko ta phenda: Me misliva kai ka likel ta pe porrne ka molilpe e Devleke. Misliva kai ka thovel pe va pe ma te sai lelpe mandar e lepra.
12
¿Inai e lena katar o Damasko o Abana ta o Farfar mai lache neko sa e lena kai si ando Israel? ¿Nasti jalavav man ande lende te sastivav? Ta llelotar kotar but joliariko.
13
A leke sluge phende leke: Gazda, o profeta te manglaia tutar iek ezgoda trudni, ¿ni cherdana la? Goleke saia te chere le kana mangla tutar te de ando pai katar Jordan te sai sasto.
14
Ondaka o Naaman llelo ta dia ando pai efta droma sar phendaia leke o profeta. Isto kote sastilo katar e lepra, ta leko mas achilo sasto sargo o mas iekhe minoneko.
15
Mapalal o Naaman ta sa leke sluge irisaile te dikhen e Eliseo. Ta kana o Naaman avilo kai o Eliseo, phenda leke: ¡Akana llanav kai inai aver Del ande sa e phuv, samo ando Israel! Me moliv man chuke te le vareso kai anda chuke cho sluga.
16
Ta o Eliseo phenda leke: Dav tut mo alav ando anav e Devleko kai ni ka lav so andan mange. Ta o Naaman pale phenda e Eliseoke te lel vareso katar so anda leke, a o Eliseo ni kamla.
17
Ondaka o Naaman phenda leke: Moliv man chuke, muk man te chidav chik katar o Israel te inllarav la pe dui magarchura, soke me nikada ios ni ka dav kurbanura avere delen, samo e Devle.
18
Samo mangav e Devletar te prostil man kana mo charo ka llal te blagosil ando cher katar o del o Rimon, soke i me si te llav lea. O charo ka istarel me va ta ka trubul te dav changenchar lea. ¡Te prostil man o Del!
19
Ta o Eliseo phenda leke: Na brigisao, lla esmiro. O Naaman llelotar, ta kana saia dur,
20
o sluga e Eliseoko o Gejazi mislisailo gia: O profeta o Eliseo mukla te llaltar e Naamane ta ni lia so anda leke. Ka llav lete te sai lav letar vareso. Ando anav e Devleko phenav le.
21
Ondaka o Gejazi llelo pala o Naaman ta kana vou dikhla le kai prastela pala le, fulisto katar o bordon ta puchla le: ¿So llalpe?
22
O Gejazi phenda leke: Mo gazda phenel kai katar e burdura o Efraim avile lete dui poraukura terne. Vou mangel tutar te de len trin milie tolaria rupune ta dui premene neve.
23
O Naaman phenda leke: Me moliv man chuke te le sov milie tolaria rupune. O Naaman mangla letar but droma te lel e tolaria. Thoda e love ta e dui premene ande dui anbave, ta dia len kai pe dui sluge te inllaren len angla o Gejazi.
24
Kana avilo pe iek than gurudino, o Gejazi lia e love kai ande e sluge ta guruda len ando cher. Mapalal phenda e slugenge te llantar.
25
Mapalal o Gejazi llelo kai po gazda, ta o Eliseo puchla le: ¿Katar ave Gejazi? Ta o Gejazi phenda: Ni llelem ninde.
26
A o Eliseo phenda leke: Kana o lleno fulisto katar o bordon te lel tut, me sema kote ando mislo. Inai akana o vreme te le love, patave o te chine vostanura, ni bakre ni sluge.
27
Goleke e lepra kai saia po Naaman ka istarela tu ta cho porodo ostade. Ta o Gejazi likisto leproso, gachin kai dikhola parrno sargo o iv.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25