bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
2 Kings 7
2 Kings 7
Romani Ursari 2018 (Biblia Ande Chib Romani)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 8 →
1
O Eliseo phenda leke: Asun so phenel o Del: Thiara isto ande gava saiato po udar katar e Samaria, des kile katar e mai lachi arina ka mol samo iek tolari rupuno. Ta samo iekhe tolarea rupuno ka chinen bis kile sebada.
2
O trito katar e mai preche sluge e charoke phenda e profetake: I te cherela o Del penllerave ando miloso, nasti ka cherdol so phendan. A o Eliseo phenda leke: Che akhenchar ka dikhe le, a tu ni ka ja katar gala ezgode.
3
Sea star leprosura po udar e foroko ta phenena iek avereke: ¿Ka acha kate lligo ni ka mera?
4
Te da ando foro ka mera bokhatar soke andre si bari bok. I te besaia kate ka mera. Aide ando pero katar e siriura, te mukle amen te zivi ka zivi, a te na, ka mera.
5
Ta e leprosura llele orachaia ando pero katar e siriura, ta kana sea pase dikhle kai ando pero ni saia niko.
6
Soke o Del cherda te asunen e siriura sargo kana avena but boñikura ta bordona marimake. Ta e siriura mislisaile kai o charo katar o Israel pochinda e charonenge jititura ta ejipsiura te marenpe lenchar.
7
Goleke e siriura nasle kana perela e riat te na meren, ta mukle chudine pe chare, pe gra ta pe magarchura.
8
Ta kana avile e leprosura ando pero, die ande iek chara ta thode te jan ta te pien. Lie rup, sunakai, patave ta gurude len. Mapalal die ande aver chara ta i kote lie ezgode ta gurude len.
9
Mapalal phende iek avereke: Inai sukar so chera. Iek lachi viasta si allive ta amen ni phena la. Te adurichara llik thiara ka phenen kai amen sam dosale. Aide kai o cher e charoko te phena leke e lachi viasta.
10
Ta e leprosura llele ta urkindo ikharde e boñikonen kai arakhena o foro ta phende lenge: Llelam ando pero katar e siriura ta niko inai. Samo si e gra ta e magarchura phangle ta o pero achilo isto sar saia.
11
Ta e boñikura urkisarde ta phende e viasta e llenenge katar o cher e charoko.
12
Ondaka ustilo o charo orachaia ta phenda pe slugenge: Me ka phenav tumenge so mangen te cheren e siriura. Von llanen kai inai amen niso te ja, goleke mukle o pero ta gurudile ando umalia soke mislin kai amen ka lika katar o foro, ondaka ka peren pe amende, ka phanden amen ta ka den ando foro.
13
Ta iek andar e boñikura phenda: Te llan llene pe panch gra kai achile ando foro, ta ka dikha so llalpe. Te zivisarde o te mule, ni ka llal lenge mai lache neko amenge.
14
Lie dui gra katar iek bordon, ta o charo bichalda len te dikhen o pero katar e siriura.
15
E llene llele llik kai o Jordan ta dikhle kai sa o drom saia pherdo patave ta e ezgode kai e siriura chudie kana sigarena te nasen. Mapalal e llenen irisaile ta phende e charoke so dikhle.
16
Ondaka o foro likisto ta lie sa e ezgode katar o pero katar e siriura. Ta sar phendaia le o Del, bichinde des kile katar e mai lachi arina pe iek tolari rupuno, ta bis kile sebada pe iek tolari rupuno.
17
O charo phenda pe mai preche slugake te arakhel o udar e foroko, a e llene ustade le ta mulo, sar phendaia leke o profeta kana o charo llelo te dikhel le.
18
Gia cherdilo so phendaia o profeta kana phenda e charoke kai thiara isto ande gava saiato, po udar katar e Samaria ka chinen des kile katar e mai lachi arina o bis kile sebada pe iek tolari rupuno.
19
O boñiko phendaia e profetake kai i te cherela o Del penllerave ando miloso gua nasti ka cherdol. A o Eliseo phendaia leke kai ka dikhel le, a ni ka jal katar gala ezgode.
20
Ta gia cherdilo, soke e llene ustade le po udar e foroko ta mulo.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25