bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Zechariah 1
Zechariah 1
Romani Ursari 2018 (Biblia Ande Chib Romani)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 2 →
1
Ando ojtoto chon katar o duito burs kai gazdarila o Dario, avilo o alav e Devleko kai o profeta o Zakarias, chavo katar o Berekias ta unuko katar o Ido, ta phenda gia:
2
O Del si but joliariko tumare dadenchar.
3
Goleke phen e foroke gia: Gia phenel o Del kai si le sa e zor: Irin tumen mande, ta me ka iriv man tumende. Me o Del phenav le.
4
Te na aven tumen sargo tumare dada, kai e poraukura kai sea omanglal phenena lenge: Gia phenel o Del kai si le sa e zor: Irin tumen katar tumare bilache droma, ta katar e bilache ezgode kai cheren. A von ni thode sama ta ni asunde man. Me o Del.
5
¿A kai si akana tumare dada? ¿Zivin akana e poraukura?
6
¿A e alava kai diem me slugen e poraukura ni resle kai tumare dada? Goleke von irisaile mande, ta phende: O Del kai si le sa e zor, cherda amenge prema amare ezgode kai cherdam.
7
Ando bis ta starto llive katar o desuiekto chon, kai si o chon o Sebat, ando duito burs kai gazdarila o Dario, o alav e Devleko avilo kai o Zakarias chavo katar o Berekias, unuko katar o Ido, ta phenda gia:
8
Iek riat dikhlem kai iek lleno kai llala pe iek gra lolo. Vou saia ande bari umal maskar e kasta, ta pala le sea aver llene kai llana pe gra lole, galbene ta parrne.
9
Ta me puchlem: Mo glamno Gazda, ¿ko si gala llene kai llan pe gra? Ta o suecho kai saia manchar, phenda mange: Me ka sikavav chuke ko si gala llene.
10
O lleno kai saia maskar e kasta phenda: Gala si e llene kai o Del bichalda te llan pe sa e phuv.
11
Ondaka e llene kai llana pe gra phende e suechoke e Devleko kai saia maskar e kasta: Llelam pe sa e phuv ta dikhlam kai voi si ande pas.
12
Ta o suecho e Devleko phenda: Devla, cheren eftavardes burs kai san joliariko po Jerusalem ta pe forura katar o Juda. ¿Gachin vreme ios ka nakhel lligo ni ka avel chuke zalba lendar?
13
Ondaka o Del phenda ande sukar alava e suechoke kai dela orba manchar.
14
Ta o suecho phenda mange: Phen bare avazea: Gia vacharel o Del kai si le sa e zor: Me voliv but e Jerusaleme ta e Sione.
15
Sem joliariko e phuvienchar kai zivin esmiro, soke von cherde te bariol mi joli.
16
Goleke gia phenel o Del: Pale ka avel mange zao katar o Jerusalem, ta ka cherav te vazden pale mo cher, ta sa o foro. Me o Del phenav le.
17
Pale phen bare avazea: Gia phenel o Del kai si le sa e zor: Me forura pale ka aven barvale, a me o Del, ka dav zor e Sione ta pale ka esviriv e Jerusaleme.
18
Mapalal vazdiem me akha, ta dikhlem star singa.
19
Ta puchlem e suecho kai dela orba manchar: ¿A so si gala? Ta o suecho phenda mange: Gala si e singa kai rispisarde e Judae, e Israele ta e Jerusaleme.
20
Mapalal o Del sikada mange star llene kai radina ande kasta,
21
ta me puchlem: ¿So aven te cheren gala llene? Ta o suecho phenda mange: E singa si gola kai rispisarde e Judae ta niko nasti vazdia po soro, a gala llene avile te peraven e singa katar e phuvia kai die po Juda ta rispisarde leke llenen.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 2 →
All chapters:
1
2
3
4
5
6
7
8
9
10
11
12
13
14