bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Romani
/
Romani Ursari 2018 (Biblia Ande Chib Romani)
/
Zechariah 9
Zechariah 9
Romani Ursari 2018 (Biblia Ande Chib Romani)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 10 →
1
O alav e Devleko del pe phuv katar o Jadrak ta o Damasko. Istina si, kai sa e viche katar o Israel ta sa o sueto morabi te dikhen po Del,
2
ta i o Jamat kai si pasa o Tiro ta o Sidon, makar avena but bizai.
3
O Tiro vazdia chera zurale ta chidia sunakai ta rup sargo umpe chik,
4
a o Del ka lel letar sa leko barvalipe, ka zatril leko gazdaripe pe mora ta ka cherel te zatril la e iag.
5
Kana o Askalon ka dikhel gaia ezgoda ka daral but, ta e Gaza ka avel but dukhadi. Ta i o Ekron, soke ka dikhel kai si peradino. O charo katar e Gaza ka merel ta o Askalon ka achel bi llenengo.
6
Ando Asdod ka zivin llene katar aver phuvia. Me ka cherav te na istardon ios e filisteura:
7
Ka lav katar lengo mui o rat, ta katar lenge danda ka ikanav o gadope. A ka achen nesave llene kai ka radin amare Devleke, ta ando Juda ka aven sargo kapitanura, ta e llene katar o Ekron ka aven sargo e jebuseura.
8
Ondaka ka thovav man truial katar mo cher te arakhav le, te na den andre ta te na liken. Nikada ios ni ka patin me foro, soke isto me ka arakhav len.
9
¡Veselisao, foro katar o Sion! ¡Llilabe veselimatar, foro katar o Jerusalem! Cho charo avel tute chachuno, bi barikamaia, besindo pe iek magarcho pe iek magarchichi, o minono katar iek magarcha.
10
Vou ka zatril e bordona katar o Efrain, e grasten katar o Jerusalem, ta e arkura marimake ka achen sa phage. Cho charo ka vacharel e viasta katar e pas e phuvienge, ta ka gazdaril pe suako mora, ta katar o Eufrates llik kaigo e phuv.
11
Gia phenel o Del: Jerusalem, pala o rat kai chordilo cheres cho alav ka ave braduime. Me ka ikanav katar o bunari suko che llenen kai si phangle ande le.
12
¡Tumen kai aduricharen, irin tumen ando cher zuralo! Phenav tumenge kai ka blagosiv tumen, ta ka dav tumen mai but pe so jasardem.
13
Soke zuriardem mo arko, ta e Efraine thodem le sargo llida. Tutar, Sion, ka cherav iek jarni, ta ka vazdav che chaven te den pe chave katar e Gresia, ta ka cherav tutar iek jarni marimako.
14
Ondaka o Del ka sikadol pe foroke, ka chudel llide sargo esterliche. O Del ka basalel ande tuturuga ta ka llal maskar e balavia katar o sur.
15
O Del kai si le sa e zor ka arakhel len ta von ka zatrin e barra katar e onde ka pien ta ka asan sargo kana sea mate, ka pherdon lenge tasura sargo e singa katar o altar.
16
Kana ka avel gua llive o Del ka braduil pe foro sargo bakren, ta leko foro ka klichil ande lengi phuv sargo e barra sukar katar iek korona.
17
¡Gia sukar ka avel e phuv! Ondaka o lliu ka veselil amare chaven, ta e mol ka veselil amare cheen.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 10 →
All chapters:
1
2
3
4
5
6
7
8
9
10
11
12
13
14
Recommended Reading
Commentary
Zechariah Commentaries
→
Devotional
Zechariah Devotional Guide
→
Get This Bible
Romani Ursari (Biblia Ande Chib Romani) Study Bible
→