Zechariah 13

Romani Ursari 2018 (Biblia Ande Chib Romani)

← Chapter 12 Jump to: Chapter 14 →

1Gua llive ka avel iek pai kai ka likel katar e phuv e chavenge katar o David ta e llenenge kai zivin ando Jerusalem, te sai jalaven po bilachipe ta po melalipe.

2Gua llive, phenel o Del kai si le sa e zor, ka chudav katar e phuv e anava katar e slike ta nikada ios ni ka denpe golli lendar. Ta i ka ikanav katar e phuv e profetanen ta suako duo melalo. Me o Del phenav le.

3Ondaka, kana fiko ka mangel te poraukil, isto leke dada ka phenen leke: Ni ka zivi, soke ando anav e Devleko kojadan. Ta isto leke dada ka den le e churiaia kana ka poraukil.

4Ande gua vreme sa e poraukura ka jan lallao kana ka poraukin, ta nikada ios ni ka thoven pe pete o gertachi morchako te kojaven.

5Ta ka phenen: Me ni sem profeta, me radiv e phuv sar kana sema terno.

6Ta ka puchen le: ¿So si gala rrane pe che va? Ta vou ka phenel: Rranisarde len ande chera katar me pharnave.

7O Del kai si le sa e zor phenel gia: ¡Uste, ioi jarni, de pe mo chobano ta mo pharnavo! ¡Mundar e chobano, ta e stoka ka avel rispime, ta me ka dav pe bakre mai minone!

8Dui katar suako trin llene katar e phuv ka jasaon. A iek katar e trin ka achel llundo ande phuv.

9Ta ka nakhavav ande iag golen kai ka achen llunde, ta ka chistou len sargo o rup, sargo kana chiston o sunakai. Ondaka von ka ikharen man, ta me ka asunav len ta ka phenav lenge: Foro murno, ta von ka vacharen: O Gazda si amaro Del.

← Chapter 12 Jump to: Chapter 14 →

Recommended Reading

Commentary Zechariah Commentaries → Devotional Zechariah Devotional Guide → Get This Bible Romani Ursari (Biblia Ande Chib Romani) Study Bible →