1 Chronicles 24

Romani Baltic Latin (Biblija - Pe Baltitko Romani čib (Romanes) 2019)

← Chapter 23 Jump to: Chapter 25 →

1I ĥáda, syr rosčhude pir giiben (poriadko) Aaronóskire čhavé: čhavé Aaronóskire: Nadavo, Aviudo, Jelizáro i Ifamaro.

2Nadavo i Aviudo myné angledýr péskire dadéstyr, čhavé na sys lénde; i pal-dová Jelizáro i Ifamaro sys rašaja.

3I rosčhudiá len Davído-Sadokos, Jelizaroskire čhavéndyr, i Ahimieliehos, Ifamaroskire čhavéndyr, jekh pal jekhéste pe léngiro dynaribén (služba).

4I lathiape, so maškír Jelizaroskire čhavénde maškír strečengire (pokolijengire) šeralende sys butýr, syr maškír Ifamaroskire čhavénde. I jov rosčhudiá len adiáke: Jelizaroskire čhavéndyr dešušov čekar'jengire (siemieistvengire) šeralé, a Ifamaroskire čhavéndyr ohtó.

5Rosčhudia len pir žriébijo; pal-dová so šeralenca pe svénto štéto i šeralenca angíl Raste-Devléste sys manušá Jelizaroskire čhavéndyr i Ifamaroskire čhavéndyr,

6i začhindiá len Šemija, čhavó Nafanailoskiro, lylá-čhinybnaskiro (pisco) Lievitendyr, angíl muj kralískiro i thagar'jengiro, i angíl rašaste Sadokoste i Ahimieliehoste, Aviafaroskire čhavéste, i angíl rašángire sem'iengire šeralende i Lievitengirende: lyné, syr te čhurdén žriébijo, jekh čékar' (siemieistvo) Jelizaroskire rodóstyr, paló (poslie) dová lyné Ifamaroskire rodóstyr.

7I vygijá pérvo žriébijo Jegoiarivoske, javír Jedaijoske,

8tríto Xarimoske, štárto Sieorimoske,

9pándžto Malhijoske, šóvto Mijaminoske,

10eftáto Gakocoske, ohtóto Avijaske,

11ieniáto (bijekhéskiro déšto) Iiešuaske, déšto Šehanijaske,

12dešujékto Jeliašyvoske, dešuiavir Jakimoske,

13dešutrito Xušajoske, dešuštarto Ješevavoske,

14dešupandžto Vilgaske, dešušovto Imieroske,

15dešueftato Xieziroske, dešuohtoto Gapicecoske,

16dešujeniato Pietahiiaske, bišengiro Jezekiiljoske,

17biš te pérvo Iahinoske, biš te javír Gamuloske,

18biš te tríto Dielaijoske, biš te štárto Maazijaske.

19Ĥáda, sys léngiro giiben (poriadko) pašýl dynaribén léngiro, syr lénge te javén dro Ráskire-Devléskiro Kher, pir uphenybén léngiro pir Aaronoste, léngire dadéste, syr priphendiá léske Raj Devél, Devél Izrailjoskiro.

20Ake, syr rosčhude pir giiben (poriadko) javire čhavén Lievijoskiren: Amramoskire čhavéndyr: Šuvailo; čhavéndyr Šuvailoskirendyr: Iiedija;

21Riehavijastyr: čhavéndyr Riehavijaskirendyr Išyja sys anglatunó;

22Icgarostyr: Šelomofo; čhavéndyr Šelomofoskirendyr: Iahavo;

23čhavéndyr Xievronoskirendyr: anglatunó Iierija, javír Amarija, tríto Jahaziilo, štárto Jekamamo.

24Čhavéndyr Oziiloskirendyr: Miha; čhavéndyr Mihaskirendyr: Šamiro.

25Pšal Mihaskiro Išyja; čhavéndyr Išyjaskirendyr: Zahárija.

26Čhavé Mierariskire: Mahli i Muša; čhavéndyr Iazijaskirendyr: Biéno.

27Čhavéndyr Mierariskirendyr Iazijate: Biéno i Šogamo, i Zakuro i Ivri.

28Mahliste-Jelizáro (Elieazaro); léste na sys čhavé.

29Kisoste: čhavéndyr Kisoskirendyr: Jerahmiilo.

30Čhavé Mušaskire: Mahli, Jediéro i Jerimofo. Ĥáda, sys čhavé Lieviténgire pir stréčy (pokolienii) léngire.

31Čhurdyné i jone žriébijo, khetané péskire pšalénca, Aaronóskire pšalénca, angíl muj kralískiro Davidóskiro i Sadokoskiro i Ahimieliehoskiro, i rašángire-šeralengiro i Lievitengiro: čekar'jengire (siemieistvengire) šeralengiro khetané péskire tyknedyršone pšalesa.

← Chapter 23 Jump to: Chapter 25 →