1 Chronicles 5

Romani Baltic Latin (Biblija - Pe Baltitko Romani čib (Romanes) 2019)

← Chapter 4 Jump to: Chapter 6 →

1Čhavé Ruvimóskire, anglatuné-Izrailjoskire čhavéskire, – jov sys anglatunó čhavó; ne kiéli jov magirdia péskire-dadéskiro čhuibén, ne léskiro anglatunyben sys otdynó Jozáskire (Iosifóskire) čhavénge, čhavéske Izrailjoskireske dolesa, sob (kaj) te na ginenpe lénge [Jozaskirenge] anglatuné bijanybnytkonenca;

2pal-dová so Juda sys zoraledýr péskire pšaléndyr, i thagarisa jaciá jov, ne anglatunyben začhindló sys pe Jozaste (Iosifoste).

3Čhavé Ruvimóskire, anglatuné Izrailjoskire-čhavéskire sys: Xanoho, Falu, Xiecrono i Xarmi.

4Čhavé Ioiljoskire sys: Šemajo, léskiro čhavó; léskiro čhavó Gogo, léskiro čhavó Šymiejo,

5léskiro čhavó Miha, léskiro čhavó Rieaija, léskiro čhavó Vaalo,

6léskiro čhavó Biejera, savés zalydžijá dre pliéno Fieglafielasaro, Asirijákiro králi. Jov sys thagári Ruvimlianenge.

7I léskire pšála, pir léngire kherítka ródy (pliémi), pir léngire rodoskiro začhinyben sys: šeraló Iieieljo (Uieljo), paló léste Zahárija.

8I Bela, čhavó Azazoskiro, Šemajoskire-čhavéskiro, Ioiljoskire-čhavéskiro. Jov dživdiá ke Aroero ke Niévo i Vaal-Mieono;

9a ke vastóko jov dživdiá ke zagiibén pe čhučí phuv (pustynia), saví gijá rekátyr (leniátyr) Jevfratostyr, pal-dová so kheritka murdalá skoto léngiro sys but pe Galaadoskiro phuv.

10Dre dyvesá Saulóskire lydžiné jone maribén Agarianenca, savé xasiné léngire vastéstyr; a jone lyné te dživén dre léngire šátry, pir sarí Galaadóskire-vastočno rig.

11Čhavé Gadóskire dživdé proti lénde pe Vasanoskiri phuv ke Salha:

12dro Vasáno Ioiljo sys šeraló, Šafano javír, paló léste Iaanajo (Jaanajo) i Šafato.

13Léngire pšalén léngire čekarjatyr [léngire-dadengíre semencatyr-ju.o.] sys eftá: Mihailo, Miešulamo, Ševa, Iorajo, Jakano (Iakano), Zija i Jeviéro.

14Ĥáda, sys Avihailoskire čhavé, Xurijoskire-čhavéskire, Ioroahoskire (Jaroahoskire) čhavéskire, Galaadóskire čhavéskire, Mihailoskire čhavéskire, Ješyšajoskire čhavéskire, Jahdoskire (Iahdoskire) čhavéskire, Buzaskire čhavéskire.

15Ahi, čhavó Avdiiloskiro, Gunijokire-čhavéskiro, sys šeraló pe péskiro ródo.

16Jone dživdé ke Galaádo, ke Vasáno i dre fórja, savé sys tel zor léste i dre saré fórja, savé sys trusciál Sarono, ke/žýko léngiri miéža.

17Saré jone sys pirigindle dre dyvesá Ioafamoskire, Judejákire kralískire, i dre dyvesá Iierovoamoskire, Izrailjoskire kralískire.

18Čhavénde Ruvimóskire i Gadoskirende i dro paš kherítko ródo Manasijáskiro sys manušá maribnýtka, muršá, savé lydžánas ščýto i kurtála, savé mardé lukostyr i sys sykliakirdé ke maribén, len sys štardešá štar tysjoncy eftašelá šovdešá manušén, savé vyginé pe maribén.

19I mardépe jone Agarianenca: Iieturomosa, Nafišosa i Nadavomosa.

20I dynó sys lénge vast proti lénde, i otdyné sys dre léngire vastá Agariani i saró, so lénde sys. Pal-dová so jone dre maribnaskiro časo (cýro) khardé zoralés Devlés, i Jov šundiá len, pal-dová so jone patiandynepe dre Léste.

21I lyné jone léngire kheritkoné murdalén: vierbliuden pandždešá tysjoncy, tykné murdaléndyr dujšelá pandždešá tysjoncy, oslen duj tysjoncy, i šel tysjoncy manušén,

22pal-dová so but léndyr pyné mulenca, adiáke, syr Devléstyr sys davá maribén. I dživdé jone pe léngiro štéto ke piritradypen.

23Čhavé Manasijáskire pašé-rodycóstyr, dživdé pe doiá phuv, Vasanostyr ke Vaal-Jermono i Sieniro i ke/žýko bérga Jermonoskiri; i len sys but.

24I ĥáda, sys léngire slavutna šeralé pe stréčy (pokolienii): Jefiero, Išy, Jeliilo, Azriilo, Jeriemieje, Godavija i Jagdiilo (Iagdiilo), muršá zoralé, muršá slavutna, savé sys šeralé pe péskire ródy.

25Ne kiéli jone kerdé grého proti péskire-dadengíre Devléste i lyné biladžakunes te psirén palál pal dolé-phuvjákire manušéngire devlorende, savén tradyjá krig Devél léngire móstyr,

26to tedy Izrailjoskiro Devél ĥazdyjá dúho (fáno) Fuloskiro, Asirijákire-kralískiro, i dúho (fáno) Fieglafielasaroskiro, Asirijákire-kralískiro, i jov tradyjá krig Ruvimlianen i Gaditianen i paš ródyco Manasijaskiri/o, i lydžijá len dro Xalaho, i dro Xavoro, i dro Aro, i pe reka (len') Gozano, kaj jone dživéna ke davá dyvés.

← Chapter 4 Jump to: Chapter 6 →