Daniel 11 — Romani Baltic Latin (Biblija - Pe Baltitko Romani čib (Romanes) 2019)

1Adiáke me pervoné beršestyr Midijakire Darijos jacjom me te zorjakirav les i te podrikirav les.

2Akaná phenáva túke čačipén: ake, iščo (inké) trin králja ĥazdénape dre Piersija; paló dová štárto králi pirizorjakirela sarén baré barvalypnasa, i, kiéli zorjakirela pes péskire barvalypnasa, to tedy jov ĥazdéla sarén proti Griekítko (Balamítko) kralipén.

3Paló lénde ĥazdélape o králi drieván zoralypnaskiro, savó javéla te xulainél baré rajkanypnasa i léla te kerél pir péskiri vólia.

4Ne kiéli jov uštéla, to kralipén léskiro rosperelape i roskerelape pe štar bolybnýtka balvalia, nikonéske leskre semencáke na piridžala dová kralipén, i kadasavé zorjása, savjása jov xulainelas; xasjola kralipén léskiro i doreselape javirénge, apríč kodolende.

5Zorjakirelape králi paš-dyvesytkoné (južnone) rigátyr i adiáke-pac' jekh thagári léskiro, savó pirizorjakirela les i léla te xulainél, i javéla léste drieván baró rajkanypen. Léskire-rajkanypnaskiro thagaripen javéla baró.

6Ne pir vari-kicý beršá jone javéna kučedyr jekh jekhésa, i čhaj paš-dyvesytkoné kralískiri javéla ke králi paš-ratitkoné rigátyr, sob (kaj) jone te javén dre jekh godý; ne joj na vyrikiréla zor dre péskire vastá, i na vyterdjola lákiro ródo, ne joj iavéla vydyny te merél, adiáke i pašatuné lákire, i odolé, kon barjakirdia la, i kodolé, kon láke dyjá zor dro kodolé časy.

7Ne ĥazdélape jekh rand' (vetka) lákire rukhestyr (kornjostyr) pe lákiro štéto i javéla te marélpe xaladenca i jov zadžála dro tvárdyma/diz (kriepost') paš-ratitkoné kralískiro, i pe lákiro štéto léla te kerél andré lénde, i jov léla bari zor.

8Iščo jov léla dro pliéno ke Jegípto i léngire develá, vyčhudé léngire mujenca, a léngire kučoné khorenca, suvnakuné i rupuvenca, i jov, i pe vari-kicý berš jov javéla te terdjol vučedýr paš-ratitkoné kralístyr.

9Tén'ci adavá-pac' králi i javéla pe paš-ratítko (sievierno) them, ne jov risjola pe léskiri phuv.

10I léna mardýtko (oružyjo) čhavé léskire i skedéna but xaladén, i jekh léndyr sýges javéla, pherdiakirela saró i prodžála, i tén'či, risii, léla te marélpe lésa paš-ratitkoné kralísa pašýl léskiri tvárdyma.

11I rosholiasola sarésa paš-dyvesýtko (južno) králi, i vydžála te marélpe lésa, paš-ratitkoné kralísa, savó vyčhuvela baró xaladybén, ne otdynó javéla davá xaladybén dre léskire (vergoskire) vastá.

12I kiéli lydžána xaladybén, to kralískiro iló ĥazdélape; jov teliakirela but tysjoncy, ne jov zoraledýr kodolestyr na javéla.

13Pal-dová so paš-ratítko (južno) králi risjola i terdiakirela te marélpe e xaladén butydyr, syr sys léste, i pir vari-kicý beršá sygo javéla baré xaladybnasa i baré barvalypnasa.

14Dre kodolé dyvesá butdžine ĥazdénape pe kralíste paš-dyvesytkoneste, i nahrata (nahal'na) manušá tyré narodóstyr, Danijelie, ĥazdénape, sob (kaj) te kerdjol čačipnása, ne jone peréna.

15I javéla paš-ratítko králi, i ĥazdéla valo phuvjátyr i xaladybén léskiro léla zoraliakirdo fóro, a ni paš-dyvesytka zorja na vyterdjona, ni vykedyno xaladybén léskiro; na uhtyléla zor te terdjol proti.

16I kodová, kon vydžála ke jov, ke paš-ratítko králi, leskre voliatyr, i nikón na vyterdjola angíl léste. Jov terdjola taborosa pe Slavútno Phuv, i joi, sarí phuv, doreséla čoripén leskre vastéstyr.

17I kadavá králi (paš-ratítko) zakaméla te vydžál saré zor'jenca péskire kralipnastyr, i léskire čačipnaskirenca, i keréla davá. I čhajén léskire džuvliengir'jen otdéla léske (kralíske paš-dyvesytkoneske), sob (kaj) te xasiakirél len, ne dasaví duma na risjola čačipnása, i na javéla léske kófo odoléstyr.

18Paló dová jov obriskirela péskiro muj ke phuvjá pašyl morie (derjav)-ke ostrovy (džipá-r.s.) i léla péske but len; ne vari-savó thagári čhuvéla kónco pe léngiri ladž, i iščo (inké) péskiri ladž čhuvéla pe léste, kralíste, paš-ratitkoneste.

19Tén'ci jov délape péskire mósa ke tvárdymi pe péskiri phuv; ne jov obštavelape, peréla i na javéla les butýr.

20Pe léskiro štéto javéla vari-kon, kon bičhavéla mytaris/myta-skedyibnaskires, te džal duredýr pir slavútno kralipén; ne i jov pale adákicy dyvesá xasjola, i na mižehipnastyr, i na maribnastyr.

21I ĥazdélape pe léskiro štéto o bedo (poniženo) manúš, i na déna léske patýv kralítko, ne jov javéla bigodliakires i frentymasa jov zalela kralipén.

22Haladybena javéna tasade sýrby potoposa i pharade angíl léste, i o kokoró thagári zavietóskiro, javéla rostasado.

23I dolé dyveséstyr, syr keréna dorakiribén lésa, i jov ĥazdélape, léla zor nabute manušénca.

24I zadžála jov drie ramanjona (mirna) i barvalé štéty dro them, Jegípto, i jov keréla dasavo, so na kerénas leskre dadá i dadengíre-dadá léskire: doresybén/ čordo mištypén i barvalypén javéla jov te rozdel peskirenge, jov léla te priduminel péskire plany i pe tvárdymi, ne féni (tóka) pe nabaró časo.

25Tén'ci jov džangavela péskiri zor i dúho (fáno) péskiro butdžinenca xaladenca proti kralíste paš-dyveséstyr, i o králi paš-dyvesýtko vydžála pe maribén iščo (inké) butedýr zoralé xaladybnasa, jov na terdjola proti, pal-dová so proti léste javéla pridumindlo xohaibén.

26I kodolé, kon lésa xaja, zakamena te xasiakirén les, i xaladybén léskiro rosthadelape, i peréna but zamardé xaladé.

27Dujdžinende adalé kral'jénde pe iló javéla xohaibén, i paló jekh skamínd jone léna te xohaven, rakirí, ne na javéla kófo, pal-dová so kónco (jagóro) otčhuvelape pe časo.

28I délape jov (králi) pe péskiri phuv (paš-ratítko) baré barvalypnasa i léskire ilésa proti svénto zavieto, i jov keréla doš, syr jov vykedyjá, i jov risjola, kaj isyn léskiri phuv.

29Dro uphendló/gindlo časo risjola jov ke paš-rat (jugo); ne davá dro jagóro (dro kónco) na javéla psiriben dasavo, syr sys angledýr.

30Pal-dová so dro jekh časo javéna pe léste pármy (korabli) Kitimostyr; i jov peréla duhósa, i risjola pale i jov keréla, syr jov pridumindia i nevéstyr (nevés) džála, dorakirelpe kodolenca, kon otgijá Sventoné Zavietostyr.

31I xaladybena, so jov bičhavéla, magirena Svénto Štéto dre Khangirí i tvárdyma, i terdiakirena kažnoné-dyvesytka svénta dyibená (žertvy), i janéna dalésa džungalypén čhučipnastyr (pustotatyr).

32Kodolén, kon keréla bipatyvales proti Zavieto, jov prikharela ke pe gudlé lavénca; ne e manušá, kon ginéla Devlés, léna zor i javéna te kerén, syr trej.

33Ne god'varé manušá manušytkoné nacyjatyr (narodóstyr) déna godý butenge, na dykhí pe dová, so jone javéna te stradynen adákicy dyvesá jagatyr i kurtalátyr, plienóstyr i mištypnytkone čoribnastyr.

34Kiéli léna te xan len dukhá, to javéla lénge vari-savó podrikiribén, butdžine khetaniakirenape lénca, ne pefromi (nailytkes).

35Lathenape doša vari-savé i god'varende, sob (kaj) te sprobinen len te žužakiren i te parniakiren ke dyviesa dro kónco (jagóro); pal-dová so iščo (inké) isyn časo ke uphendló sroko.

36I javéla te kerél o králi (paš-ratítko) pir péskiri vólia, i ĥazdélape ke vučipén i barjakiréla pes vučedýr kažnoné Devléstyr, i pal Devléste devlykaneste jov léla te rakirél kalé lavá, i javéla te udelpe léske, paka kerdjolape xolý: pal-dová so sys priphendlo, odová kerélape.

37I pal devlende péskre dadengíre jov na poduminela, ni pal dová, so isyn pe iló džuvliengiro, ni xaj devlypnaske nisaveske jov na déla patýv; pal-dová so jov féni (tóka) pes ĥazdéla vučedýr saréndyr.

38Ne devleske, savó dykhéla pal tvárdymi (dizá) piró štéto léskiro, jov javéla te del patýv, i kodolé devles, savés na džindlé léskire dadá, jov léla te del patýv suvnakása i rupésa i kuč barénca, i raznone drogoné darenca,

39i čhuvéla jov zoralý tvárdyma/diz (kriepost') čužoné devlesa: ne kodolé, savé prigaljona les, odolénge jov déla zor pe butende, i jov rozdela phuv syr mazúri (nagrada).

40Pe kónco (jagóro) dyvesengiro javéla te marélpe lésa o králi paš-dyveséstyr (jugostyr), i o králi paš-ratítko čhurdelape syr riskiribnaskiri balvál (vihro) pe léste maribnytkoné vurdenenca, uklistenca (vsadnikenca) i buté parmenca (korablienca), i jov peréla pe dalé thema, pherdiakirela len, i prodžála pir lénde.

41I zadžála adiáke-pac' jov pe Slavútno Phuv, i but thema (strany) peréna i zrakhenape léskire vastéstyr féni (tóka) Edómo, Moávo i baredýr paš Amonengiren čhavengiri.

42I tyrdela jov vast léskiro pe javír thema; na zrakhélape i Jegiptóskiri phuv.

43I zalela jov piraliá suvnakása i rupésa i javire kučipnenca Jegiptóstyr; e Liviitka i Jefiopiitka džána pal léste.

44Ne malvy (nevipená) vastokoskire i paš-ratitkoné rigátyr strahakirena les, vydžála jov baré mižehipnasa, sob (kaj) te zamarél i te vymarel sarésa buten.

45I čhuvéla jov kralitka šátry péskire fielatiniatyr maškír mórjo (derjáv) i slavútno svénto bérga; javéla jov ke péskiro kónco (jagóro) i nikón na podela vast léske.