Zechariah 12

Romani Baltic Latin (Biblija - Pe Baltitko Romani čib (Romanes) 2019)

← Chapter 11 Jump to: Chapter 13 →

1Angilphenybén Rástyr-Devléstyr paló Izrailjo. Adiáke rakiréla Raj-Devél, Savó rozbuĥliakirdia bolybén, Savó kerdiá phuv i dyjá manušéske di andré léste, rakiréla:

2“Ake, Me keráva Jerusalimóstyr tahtáj (čaša) te matjon vaš saré manušénge, kon isyn trusciál, syr jone léna te občhuven trusciál Judas i Jerusalimo.

3I javéla dro dová dyvés, so Me keráva Jerusalimóstyr drieván pharó bar vaš saré manušénge; saré, kon kaméla te ĥazdel les, pharjola pe koterá, mek te skedénpe proti léste saré manušá dalé-phuvjákire.

4Dro dová dyvés, – rakiréla Raj Devél, – ‘Me keráva kažnoné gres bengalesa i odolés, kon javéla uklisto pe léste, dylynesa, pe kher Judáskiro otkerava jakhá Miré; kažnoné gres manušengires Me korjakirava’.

5I phenéna baré raja Judáskire dre ile péskire: ‘Zor mirí – Jerusalimóskire manušá dre jangoléngire-bolybnáskire Raste-Devléste, léngire Devléste.”

6Dro dová dyvés Me keráva ran Judaskiren – syr xič (skorovieda) jagása maškír kaštá i syr momolýtko (svietíl'niko) maškír ĥarby (snopy), i jone povymarna sarén pašylatunen manušén čačé i zervone (lievone) rigátyr, i nevéstyr javéna dro Jerusalimo manušá pe léskiro, Jerusalimoskiro štéto.

7I zrakhéla Raj Devél angíl sareste Judáskire šátry, sob (kaj) Davidóskire-kheréskiro baripén i baripén Jerusalimóskire manušéngiro te na javél vučedýr Judastyr.

8Dro dová dyvés léla te zaterdjol Raj Devél pal manušénde Jerusalimoskiren, te naj bizorjákiro léndyr dro do dyvés javéla syr Davído, ne kher Davidóskiro javéla syr Devél, syr Devléskiro Jangólo angíl lénde.

9I javéla dro dová-dyvés, so Me láva te rodav, sob (kaj) te xasiakiráv saré Najudýtka nácyi, savé javéna te marén Jerusalimosa.

10Ne pe kher Davidóskiro i pe Jerusalimóskire manušénde Me čhuváva bahtalypnaskiro i mangipaskiro dúho (fáno), i jone dykhéna pe Léste, Konés phusadé, i jone léna te rovén pal Léste, syr pal jekhoreste čhavéste i léna te tanginen pal Léste, syr tanginen pervoné čhavores.

11Dro dová dyvés ĥazdélape bari túga jasvénca dro Jerusalimo, syr Gadadrimonoskiro roibén pe Miegidonoskire féldy.

12I léla te tuginel jasvénca phuv, kažno kherítko ródo ke pe: manušá Davidóskire-kheritkoné rodóstyr ke pe, a džuvliá léngire ke pe; manušá Nafanoskire kheritkoné rodóstyr ke pe, i džuvliá léngire ke pe;

13Manušá Lievijoskire kheritkoné rodóstyr ke pe, i džuvliá léngire ke pe; Simieonoskire manušá ke pe, i džuvliá léngire ke pe.

14Saré javír kherítka ródy, savé jačénape – kažno ródo ke pe, i džuvliá léngire ke pe.

← Chapter 11 Jump to: Chapter 13 →