2 Corinthians 1

Shan

Jump to: Chapter 2 →

1ၵဝ် ပေႃးလူႉ ဢၼ်ပဵၼ်တမၢၼ်ႇၸဝ်ႈ ယေႇသူႉၶရိၸ်ႈ ၵွပ်ႈပိူဝ်ႈဢလူဝ်ႇၽြႃးပဵၼ်ၸဝ်ႈဢိၵ်ႇတင်းၼွင်ႉၵဝ် တီႉမေႃးသေႇ ၼႆႉ ပၼ်ငိၼ်းၵႂႃႇၵႃႈတီႈၸႃႉၸဵမ်ၸိူဝ်းၸဝ်ႈၽြႃးပဵၼ်ၸဝ်ႈဢၼ်မီးယူႇၵႃႈၼႂ်းဝဵင်း ၵေႃးရိၼ်ႇထူႉ ဢိၵ်ႇတင်းၵူၼ်းမူတ်းၸၢင်ႇၵႃႈဢၼ်မီးယူႇၵႃႈၼႂ်းမိူင်း ဢၶႃႇယႃႉ ၵူႈတီႈၵူႈလႅၼ်ဢေႃႈ။-

2ႁႂ်ႈသူႉၵျေးၸူးဢိၵ်ႇတင်းတၢင်းၼိမ်ဢၼ်ပဵၼ်မႃးၵႃႈတီႈပေႃႈႁဝ်းၽြႃးပဵၼ်ၸဝ်ႈ ဢိၵ်ႇတင်းၸဝ်ႈႁဝ်း ယေႇသူႉၶရိၸ်ႈ ၼၼ်ႉမီးၼိူဝ်သူသေၵမ်းလူၺ်ႈ။

3ႁႂ်ႈပေႃႈတၢင်းဢဵတ်းလူၵရူႉၼႃႇၸဝ်ႈ တၢင်းသၢၵ်ႈသႃႇၵူႈၸိူဝ်ႉၵူႈပိူင်ဢၼ်ဝႃႈ ၽြႃးပဵၼ်ၸဝ်ႈဢၼ်ပဵၼ်ၸဝ်ႈပေႃႈၸဝ်ႈႁဝ်း ယေႇသူႉၶရိၸ်ႈ ၼၼ်ႉ မီးမင်ႇၵလႃႇသေၵမ်းလူၺ်ႈ၊-

4ၽြႃးပဵၼ်ၸဝ်ႈ ႁႂ်ႈႁဝ်းသၢၵ်ႈသႃႇ ၼႂ်းတၢင်းၽၢၼ်ႁဝ်းၵူႈၸိူဝ်ႉၵူႈပိူင် ႁႂ်ႈႁဝ်းလႆႈႁႂ်ႈၶဝ်ၸိူဝ်းဢၼ်ၶၢမ်ႇတၢင်းၽၢၼ်ၵူႈၸိူဝ်ႉၵူႈပိူင်ၼၼ်ႉ သၢၵ်ႈသႃႇ မိူၼ်ၸိူဝ်ႉၼင်ႇဢၼ်ႁဝ်းလႆႈတၢင်းသၢၵ်ႈသႃႇၵွပ်ႈၵျေးၸူးၽြႃးပဵၼ်ၸဝ်ႈၼၼ်ႉဢေႃႈ။-

5ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်ႉ၊ ၸိူဝ်ႉၼင်ႇဢၼ်တၢင်းၽၢၼ် ဢၼ်ၸဝ်ႈၶရိၸ်ႈလႆႈၶၢမ်ႇၼၼ်ႉ ၼမ်လူင်ၼမ်လၢင် ၵႃႈတီႈႁဝ်းၼၼ်ႉ၊ တၢင်းသၢၵ်ႈသႃႇ ဢၼ်ႁဝ်းလႆႈၶၢမ်ႇၼႆႉ ၼမ်လူင်ၼမ်လၢင် ၵွပ်ႈပိူဝ်ႈၸဝ်ႈၶရိၸ်ႈဢေႃႈ။

6ပိူဝ်ႈၼႆလႄႈ ပေႃးႁဝ်းလႆႈၶၢမ်ႇတၢင်းၽၢၼ်ၸိုင် ပဵၼ်ပုၼ်ႈဢၵျူဝ်း၊တၢင်းဢၼ်သူသၢၵ်ႈသႃႇ ဢိၵ်ႇတင်း၊တၢင်းဢၼ်ၵႄႇၶျွတ်ႈဢဝ်သူ ဢၼ်ပျေႉၸုမ်ႇၼႂ်းတၢင်းဢၼ်သူလႆႈဢဝ် တၢင်းၸႂ်ဢၼ်ယိူၼ်ႉၶၢမ်ႇၼၼ်ႉ ၶၢမ်ႇတၢင်းၽၢၼ်မိူၼ်ၸိူဝ်ႉၼင်ႇ ဢၼ်ႁဝ်းလႆႈၶၢမ်ႇၼၼ်ႉဢေႃႈ၊ဢမ်ႇၼၼ်ၵေႃႈ၊ပေႃးႁဝ်းႁွတ်ႈထိုင်တၢင်းဢၼ်သၢၵ်ႈသႃႇၸိုင်၊ပဵၼ်ပုၼ်ႈဢၵျူဝ်း တၢင်းဢၼ်သူသၢၵ်ႈသႃႇ ဢိၵ်ႇတင်းတၢင်းဢၼ်ၵႄႇၶျွတ်ႈဢဝ်သူဢေႃႈ။-

7တၢင်းဢၼ်ႁဝ်းမုင်ႈထႃႈမွင်းထႃႈ ၵွပ်ႈပိူဝ်ႈလွင်ႈသူၼၼ်ႉဢမ်ႇၸၢင်ႈၶၢႆႉၸၢင်ႈပုတ်ႈ၊ၸိူဝ်ႉၼင်ႇဢၼ်သူ၊သိူၵ်ႈသမ်ႇ၊ၵႃႈၼႂ်းတၢင်းၽၢၼ်ၼၼ်ႉ၊မိူၼ်ၸိူဝ်ႉၼင်ႇၼၼ်၊သူသိူၵ်ႈသမ်ႇၵႃႈၼႂ်းတၢင်းဢၼ် သၢၵ်ႈသႃႇယူႇဢေႃႈ ဝႃႈၼႆႁဝ်းႁူႉယူႇဢေႃႈ။

8ပီႈၼွင်ႉၶဝ်ဢိူၺ်း၊ လွင်ႈၼင်ႇႁိုဝ်သူ၊တၵ်းဢမ်ႇႁူႉလွင်ႈတၢင်းၽၢၼ် ဢၼ်ႁဝ်းလႆႈၶၢမ်ႇၵႃႈၼႂ်းမိူင်း ဢႃႇသီႉ ဢၼ်ဝႃႈတၢင်းၽၢၼ်၊ဢၼ်ၼၵ်းၼႃႇထၼ်ႈပေႃးဢမ်ႇၶၢမ်ႇလႆႈလႄႈ ထၢင်ႇဢသၢၵ်ႈတၵ်းဢမ်ႇလွတ်ႈလႆႈၼၼ်ႉလႄႈယူႇၸိုင်၊ ၵဝ်ဢမ်ႇမီးဢလူဝ်ႇ။-

9ဢၼ်လႆႈၶၢမ်ႇၼၼ်ႉၸမ်ႉ ပဵၼ်ၼင်ႇဢၼ်ႁဝ်းလႆႈၶၢမ်ႇတၢင်းဢၼ်ၸီႇယၢင်ႇလႄႈဝႃႈ၊ႁႂ်ႈတၢႆတႃႉ၊ ဝႃႈၼင်ႇၼႆၼၼ်ႉ ႁႂ်ႈႁဝ်းဢမ်ႇဢိင်တူဝ်ၸဝ်ႈၵဝ်ႇလႄႈ ဢိင်ၽြႃးပဵၼ်ၸဝ်ႈဢၼ်ႁႂ်ႈၶဝ်ၸိူဝ်းဢၼ်တၢႆယဝ်ႉၼၼ်ႉလုၵ်ႉၶိုၼ်း၊-

10ဢၼ်ၵႄႇၶျွတ်ႈဢဝ်ႁဝ်း၊ၵႃႈၼႂ်းၽေးတၢင်းတၢႆ ဢၼ်ယႂ်ႇထၢၼ်ႇၼႆႉၼၼ်ႉမႃးယဝ်ႉဢမ်ႇၵႃး၊တေႃႈလဵဝ်ၼႆႉၵေႃႈ ယင်းၵႄႇၶျွတ်ႈဢဝ်ယူႇၼၼ်ႉဢေႃႈ၊ပေႃးသူၸွႆႈထႅမ်လႄႈသူးတွင်းပုၼ်ႈႁဝ်းၸိုင်၊လိုၼ်းၼႆႉၵေႃႈမၼ်းၸဝ်ႈ၊တၵ်းၵႄႇၶျွတ်ႈဢဝ်ႁဝ်းလူးၵွၼ်ႇဝႃႈၼႆ ႁဝ်းမီးတၢင်းဢၼ်မုင်ႈထႃႈမွင်းထႃႈယူႇဢေႃႈ။-

11ပေႃးပဵၼ်ၸိူဝ်ႉၼင်ႇၼၼ်ၸိုင်၊ ၵူၼ်းၼမ်ၼႃႇတၵ်းထွၵ်ႈလူၺ်ႈ သူႉၵျေးၸူးဢၼ်ႁွတ်ႈထိုင်တီႈႁဝ်း ၵွပ်ႈပိူဝ်ႈဢၼ်ၵူၼ်းၼမ်ၼႃႇ ၸွႆႈထႅမ်ႁဝ်းၼၼ်ႉသေလႄႈ ယွင်ႈယေႃးၵျေးၸူးၸဝ်ႈပုၼ်ႈႁဝ်းဢေႃႈ။

12လွင်ႈတၢင်းဢၼ်ႁဝ်းဢုပ်ႇဝၢဝ်းၸမ်ႉ၊ပဵၼ်လွင်ႈဢၼ်ၸႂ်ဢၼ်ႁူႉတူဝ်ၸဝ်ႈၵဝ်ႇၶၢမ်ႇသၢၵ်ႈသေႇလွင်ႈဢၼ်ႁဝ်းဢမ်ႇဢိင်ပိင်ႇၺႃႇလေႃးၵီႇ၊ဢိင်ၵျေးၸူးၽြႃးပဵၼ်ၸဝ်ႈသေလႄႈဢဝ်တင်းၸႂ်ဢၼ်ဢမ်ႇမီးသွင်ၽၢႆႇသွင်ပႃႈ ဢိၵ်ႇတင်းတၢင်းဢၼ်ၶၢဝ်ၸၢင်ႇဢၼ်ၽြႃးပဵၼ်ၸဝ်ႈမီးဢလူဝ်ႇၼၼ်ႉ ၵမ်ၵျၢင်ႉသၢင်ႈႁဵတ်းၼႂ်းလေႃးၵႃႉၼႆႉလႄႈ ၵႃႈတီႈသူၵေႃႈ ယဵင်ႈၶႅၼ်းၵမ်ၵျၢင်ႉသၢင်ႈႁဵတ်းၸိူဝ်ႉၼင်ႇၼၼ်ၼၼ်ႉဢေႃႈ။-

13လိူဝ်သေလွင်ႈတၢင်းဢၼ်သူၽတ်းၵႃႈၼႂ်းလိၵ်ႈလႄႈႁပ်ႉတုင်းဢဝ်ၼၼ်ႉ ႁဝ်းတႅမ်ႈတၢင်ႇၸိူဝ်ႉတၢင်ႇပိူင်သေလႄႈပၼ်ၵႂႃႇဢမ်ႇၸႂ်ႈ။-

14ႁဝ်းမုင်ႈထႃႈမွင်းထႃႈလွင်ႈဢၼ်သူတၵ်းႁပ်ႉတုင်းဢဝ် လွင်ႈဢၼ်ႁဝ်းပဵၼ်လွင်ႈတၢင်းဢၼ်သူဢုပ်ႇဝၢဝ်းမိူၼ်ၸိူဝ်ႉၼင်ႇဢၼ်သူပဵၼ်လွင်ႈတၢင်းဢၼ်ႁဝ်းတၵ်းဢုပ်ႇဝၢဝ်းၵႃႈၼႂ်းဝၼ်း ၸဝ်ႈ ယေႇသူႉ ၼၼ်ႉသေႇသေႇ မိူၼ်ၸိူဝ်ႉၼင်ႇဢၼ်သူႁပ်ႉတုင်းဢဝ်ႁဝ်းဢိတ်းၼိုင်ႈယဝ်ႉၼၼ်ႉဢေႃႈ။

15ၵဝ်တူၵ်းၵၢင်ၸႂ် လွင်ႈဢၼ်သူတၵ်းႁပ်ႉတုင်းဢဝ် သေႇသေႇၼၼ်ႉသေလႄႈ မီးတၢင်းၵျၢမ်ႇတၢင်းပွင်၊တၵ်းမႃးတီႈသူဢွၼ်တၢင်း ႁႂ်ႈသူသမ်ႉၶိုၼ်းလႆႈၶၢမ်ႇသူႉၵျေးၸူးၸဝ်ႈထႅင်ႈလႄႈ၊-

16မိူဝ်ႈဢၼ်ၵၢႆၵႂႃႇၵႃႈတီႈႁိမ်းသူလႄႈ ႁွတ်ႈထိုင်ၵႃႈတီႈမိူင်း မႃႇၵေႇတေႃးၼီႉ ယဝ်ႉၼၼ်ႉၸိုင် သမ်ႉတၵ်းလုၵ်ႉသေၵႃႈတီႈမိူင်း မႃႇၵေႇတေႃးၼီႉ မႃးၸူးၵႃႈတီႈသူလႄႈ ၶၢမ်ႇတၢင်းဢၼ်သူ၊ဢၢင်ႈၵႂႃႇသူင်ႇ၊တေႃႇထိုင်ႁွတ်ႈမိူင်း ယူႉတႃႉ ပုၼ်ႉဢေႃႈ။-

17မိူဝ်ႈဢၼ်ၵဝ်မီးတၢင်းၵျၢမ်ႇတၢင်းပွင်၊ၸိူဝ်ႉၼင်ႇၼၼ်ၸိုင်၊ၵဝ်မီးၸႂ်ဢၼ်မဝ်မၢင်ႁိုဝ်။ ဢမ်ႇၼၼ်လႄႈ မိူဝ်ႈဢၼ်ၵဝ်ၵျၢမ်ႇပွင်ၼၼ်ႉၸိုင်၊ၵဝ်ၵျၢမ်ႇပွင်ၸွမ်းၼင်ႇၸႃႇတီႉပၵတီႉ၊တူဝ်ၸဝ်ႈၵဝ်ႇ ႁႂ်ႈၵႂၢမ်းၵဝ်ၼၼ်ႉပဵၼ်ဢၼ်ဝႃႈ၊ၸႂ်ႈယဝ်ႉၸႂ်ႈယဝ်ႉ၊ဢမ်ႇၸႂ်ႈဢမ်ႇၸႂ်ႈ၊ ဝႃႈၼင်ႇၼႆၼၼ်ႉႁိုဝ်။-

18ၸိူဝ်ႉၼင်ႇဢၼ်ၽြႃးပဵၼ်ၸဝ်ႈ၊ပျေႉၸုမ်ႇတင်းသဵတ်ႈၸႃႇၼၼ်ႉ ၵႂၢမ်းဢၼ်ႁဝ်းပၼ်ၵႂႃႇတီႈသူၼၼ်ႉဢမ်ႇပဵၼ်ၵႂၢမ်းဢၼ်ဝႃႈ ၸႂ်ႈယဝ်ႉ၊ဢမ်ႇၸႂ်ႈ၊ဝႃႈၼင်ႇၼႆၼၼ်ႉ။-

19လုၵ်ႈၽြႃးပဵၼ်ၸဝ်ႈဢၼ်ဝႃႈ ယေႇသူႉၶရိၸ်ႈ ဢၼ်ၸႃႉၸဵမ်ၵဝ်လႄႈ သီႉလႂႃႇၼူႉ ဢိၵ်ႇတင်း တီႉမေႃးသေႇ ႁေႃးလၢတ်ႈၼၼ်ႉ ဢမ်ႇပဵၼ်ဢၼ်ဝႃႈၸႂ်ႈယဝ်ႉ၊ဢမ်ႇၸႂ်ႈ၊ဝႃႈၼင်ႇၼႆၼၼ်ႉ၊ၼႂ်းမၼ်းၸဝ်ႈၼၼ်ႉပဵၼ်ဢၼ်ဝႃႈ ၸႂ်ႈယဝ်ႉ၊ဝႃႈၼင်ႇၼႆၼၼ်ႉၵူၺ်းဢေႃႈ။-

20ၼႂ်းၸဝ်ႈၼၼ်ႉၸိုင်ၵတီႉၽြႃးပဵၼ်ၸဝ်ႈၵႃႈမီးၼၼ်ႉပဵၼ်ဢၼ်ဝႃႈ၊ၸႂ်ႈယဝ်ႉ၊ဝႃႈၼင်ႇၼႆၼၼ်ႉဢေႃႈ၊ပိူဝ်ႈၼႆလႄႈ ၵွပ်ႈပိူဝ်ႈၸဝ်ႈၼၼ်ႉပဵၼ်ဢၼ်ဝႃႈ၊ ဢႃႇမိၼ်ႇ၊ ဝႃႈၼင်ႇၼႆၼၼ်ႉ ႁႂ်ႈမုၼ်သရေႇၸဝ်ႈ၊လႆႈထၢင်ႇသႃးမႃးၵွပ်ႈပိူဝ်ႈႁဝ်းဢေႃႈ။-

21ၵေႃႉဢၼ်ႁႂ်ႈ သူတင်းႁဝ်း တႄႇယူႇၼႂ်းၸဝ်ႈၶရိၸ်ႈလႄႈပၼ်ၽိၵ်ႈသိၵ်ႈၸမ်ႉ၊ ပဵၼ်ၽြႃးပဵၼ်ၸဝ်ႈ၊-

22ဢၼ်တွၵ်ႇတၼ်းသိၵ်ႈတီႈႁဝ်းလႄႈ ဢဝ်ၸရၢၼ်ႇဢၼ်ဝႃႈ ဝီႉၺိၺ်ႇၸဝ်ႈ သႂၢင်းသႂ်ႇၵႃႈၼႂ်း ႁူဝ်ၸႂ်ႁဝ်းဢေႃႈ။

23ပိူဝ်ႈဢၼ်ၵဝ်ဢဵတ်းလူသူၵူၺ်းလႄႈ ၵဝ်ဢမ်ႇပႆႇမႃးၵႃႈတီႈဝဵင်း ၵေႃးရိၼ်ႇထူႉ တေႃႇထိုင်ႁွတ်ႈ မိူဝ်ႈလဵဝ်ၼႆႉဝႃႈၼႆ၊ ၵဝ်ယူႇၽၢႆႇၸႂ်ဝီႉၺိၺ်ႇၵဝ်လႄႈ တိူင်ႇၽြႃးပဵၼ်ၸဝ်ႈဢေႃႈ။-

24ပိၵ်ႉသမ်ႉဝႃႈၸိူဝ်ႉၼင်ႇၼႆသေၵေႃႈ၊ၵဝ်ဢုပ်ႉပိူင်ႇတၢင်းယုမ်ႇမၢတ်ႈသူဢမ်ႇၸႂ်ႈ၊ႁဝ်းပဵၼ်ၵေႃႉဢၼ်ၸွႆႈထႅမ်လွင်ႈတၢင်းဢၼ်သူသိူဝ်းပျေႃႇၼၼ်ႉၵူၺ်းဢေႃႈ၊ပဵၼ်လွင်ႈၸိူဝ်ႉၼင်ႇႁိုဝ်ဝႃႈၼႆၸမ်ႉ၊ သူတႄႇယူႇၵွပ်ႈပိူဝ်ႈတၢင်းယုမ်ႇမၢတ်ႈဢေႃႈ။

Jump to: Chapter 2 →