2 Corinthians 7

Shan

← Chapter 6 Jump to: Chapter 8 →

1ပိူဝ်ႈၼႆလႄႈ ၵေႃႉဢၼ်ၵဝ်ႁၵ်ႉၶဝ်ဢိူၺ်း၊ ပိူဝ်ႈဢၼ်ႁဝ်းၸၢပ်ႈသႅင်ႇၵၼ်တင်းၵတီႉၸဝ်ႈၸိူဝ်းၼၼ်ႉလႄႈ ႁႂ်ႈတူဝ်ၸဝ်ႈၵဝ်ႇၵၢင်းလွတ်ႈတင်း တၢင်းဢၼ်တူဝ်ၶၼ်ႇထႃႇၵူဝ်ႈၵိူၵ်ႇ၊ ဢိၵ်ႇတင်းတၢင်းဢၼ်ၸႂ်ဝီႉၺိၺ်ႇၵူဝ်ႈၵိူၵ်ႇ၊ၵႃႈမီးၼၼ်ႉယူႇသေလႄႈ ဢွၼ်ၵၼ်ၵူဝ်ႁႄၽြႃးပဵၼ်ၸဝ်ႈလႄႈ ပျေႉၸုမ်ႇတင်းပႃႇရမီႇတၢင်းဢၼ်မူတ်းၸၢင်ႇတႃႉႁဝ်း။

2ႁပ်ႉတုင်းဢဝ်ႁဝ်းတႃႉ၊ ႁဝ်းဢမ်ႇၽိတ်းဢမ်ႇပိူင်ႈၽူႈလႂ်၊ ႁဝ်းဢမ်ႇႁႂ်ႈၽူႈလႂ်ႁွတ်ႈထိုင်တၢင်းလူႉတၢင်းလႅဝ်၊ ၶူဝ်းလဵင်းၽူႈလႂ်ၵေႃႈ ႁဝ်းဢမ်ႇႁဵတ်းတင်းပရီႉယႄႇသေလႄႈဢဝ်။-

3ၵဝ်တၢင်ႇဢပႅတ်ႈတီႈသူလႄႈ လၢတ်ႈဝႃႈၸိူဝ်ႉၼင်ႇၼႆဢမ်ႇၸႂ်ႈ၊ မိူဝ်ႈဢွၼ်ၼႆႉၼၼ်ႉၵဝ်လၢတ်ႈဝႆႉလႄႈဝႃႈ၊ ႁဝ်းႁၵ်ႉသူတေႃႇထိုင်ႁွတ်ႈထၼ်ႈပေႃး မီးဢလူဝ်ႇႁႂ်ႈဢသၢၵ်ႈလႆႈလိပ်းလူၺ်ႈၵၼ်တင်းသူ ဢိၵ်ႇတင်းႁႂ်ႈလႆႈတၢႆလူၺ်ႈၵၼ်တင်းသူဢေႃႈ၊ ဝႃႈၼင်ႇၼႆၼၼ်ႉမႃးယဝ်ႉ။-

4ၵဝ်လႆႈမီးတၢင်းဢၼ်ႁတ်းႁၢၼ်ၼႃႇလူင်လၢင် ၵွပ်ႈပိူဝ်ႈသူဢေႃႈ၊ ၵဝ်လႆႈမီးတၢင်းဢၼ်ဢုပ်ႇဝၢဝ်းၼႃႇလူင်လၢင် ၵွပ်ႈပိူဝ်ႈသူဢေႃႈ၊ ၵဝ်ပျေႉၸုမ်ႇတင်း တၢင်းဢၼ်သၢၵ်ႈသႃႇဢေႃႈ၊ ၵဝ်မီးတၢင်းဢၼ်ႁႂ်ႈတၢင်းသိူဝ်းပျေႃႇၼမ်ၵိုၼ်းၼႃႇလူင်လၢင် ၼႂ်းလွင်ႈတၢင်းဢၼ်ၶၢမ်ႇ တၢင်းၼိၵ်ႈၸၢၵ်ႈငႅၼ်းသႄး ၵူႈၸိူဝ်ႉၵူႈပိူင်ၼၼ်ႉဢေႃႈ။

5မိူဝ်ႈဢၼ်ႁဝ်းႁွတ်ႈထိုင် ၵႃႈတီႈမိူင်း မႃႇၵေႇတေႃးၼီႉ ၼၼ်ႉၸိုင် ႁဝ်းဢမ်ႇမီးတၢင်းၼိမ်တူဝ်ၵႃႇယႃႉလႃးလႃး၊ ႁဝ်းလႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသႄး ၼႂ်းၵူႈၸိူဝ်ႉၵူႈပိူင်ဢေႃႈ၊ ၵႃႈၼွၵ်ႈၸမ်ႉ၊လႆႈမီးတၢင်းဢၼ်တိုၵ်းၵၼ်တေႃးၵၼ်ယူႇဢေႃႈ၊ ၵႃႈၼႂ်းၸမ်ႉ၊မီးတၢင်းဢၼ်မႆႈၸႂ်ၶီၸႂ်ယူႇဢေႃႈ။-

6ၼႂ်းဝႃႈၼၼ်သေၵေႃႈ ၽြႃးပဵၼ်ၸဝ်ႈဢၼ်ၸၢင်ႈႁႂ်ႈ ၶဝ်ၸိူဝ်းဢၼ်ၶျႃးတႅမ်ႇၼၼ်ႉသၢၵ်ႈသႃႇၼၼ်ႉ ႁႂ်ႈႁဝ်းသၢၵ်ႈသႃႇ ၵွပ်ႈပိူဝ်ႈဢၼ် တီႉတူႉ ႁွတ်ႈမႃးၼၼ်ႉဢေႃႈ။-

7မၼ်းၸဝ်ႈ ႁႂ်ႈႁဝ်းသၢၵ်ႈသႃႇၵွပ်ႈပိူဝ်ႈဢၼ် တီႉတူႉ ႁွတ်ႈမႃးၼၼ်ႉၵူၺ်းဢမ်ႇၸႂ်ႈ၊ ၵွပ်ႈပိူဝ်ႈတၢင်းသၢၵ်ႈသႃႇဢၼ် တီႉတူႉ လႆႈၵႃႈတီႈသူၼၼ်ႉၵေႃႈ၊ မၼ်းၸဝ်ႈႁႂ်ႈႁဝ်းသၢၵ်ႈသႃႇဢေႃႈ၊ ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်ႉ၊ မၼ်းမွၵ်ႇလၢတ်ႈလွင်ႈတၢင်းဢၼ်သူတူၵ်းဢၢင်ႈ၊ တၢင်းဢၼ်သူၶၢင်းၶီၶၢင်းၽၢၼ်၊ တၢင်းဢၼ်ၸႂ်ၸေႇတၼႃႇသူႁႅင်းယႂ်ႇပုၼ်ႈဢၵျူဝ်းၵဝ်ၸိူဝ်းၼၼ်ႉတီႈႁဝ်းဢေႃႈ၊ ပိူဝ်ႈၼႆလႄႈ ၵဝ်ယဵင်ႈၶႅၼ်းမီးတၢင်းဢၼ်သိူဝ်းပျေႃႇဢေႃႈ။-

8ပိူဝ်ႈဢၼ်ၵဝ် ႁႂ်ႈသူမီးတၢင်းဢၼ်ၸႂ်လဵၵ်ႉ ၵွပ်ႈပိူဝ်ႈလိၵ်ႈၽိုၼ်ဢၼ်ၵဝ်ပၼ်ၵႂႃႇဢွၼ်တၢင်းၼၼ်ႉလႄႈ၊ မိူဝ်ႈဝၼ်းၼၼ်ႉ ပိၵ်ႉသမ်ႉၵဝ်ၶုၵ်းၸႂ်လႆႈမႆႈၸႂ်သေၵေႃႈ၊ တေႃႈလဵဝ်ၼႆႉ ၵဝ်ဢမ်ႇမီးတၢင်းဢၼ်ၶုၵ်းၸႂ်လႆႈမႆႈၸႂ်၊ လွင်ႈမၼ်းၸမ်ႉ၊ ၵဝ်ႁၼ်လွင်ႈဢၼ်လိၵ်ႈၽိုၼ်ၼၼ်ႉ ႁႂ်ႈသူၸႂ်လဵၵ်ႉသေၵေႃႈ၊ လဵၵ်ႉၵမ်းဢွၼ်ႇၼိုင်ႈၵူၺ်းၼၼ်ႉယူႇဢေႃႈ။

9ၵဝ်သိူဝ်းပျေႃႇ ၵွပ်ႈပိူဝ်ႈဢၼ်သူၸႂ်လဵၵ်ႉၼၼ်ႉဢမ်ႇၸႂ်ႈ၊ ၵဝ်သိူဝ်းပျေႃႇၵွပ်ႈပိူဝ်ႈဢၼ်ႁႂ်ႈသူ ၸႂ်လဵၵ်ႉလႄႈၶုၵ်းၸႂ်လႆႈမႆႈၸႂ်ၼၼ်ႉဢေႃႈ၊ ၼင်ႇႁိုဝ်ဢၵျူဝ်းသူတၵ်းဢမ်ႇလႆႈလူႉသေဢိတ်းၵွပ်ႈပိူဝ်ႈႁဝ်းၸိုင်၊ ႁဝ်းႁႂ်ႈသူမီးတင်းၸႂ်လဵၵ်ႉ ဢၼ်မႅၼ်ႈတင်းဢလူဝ်ႇၽြႃးပဵၼ်ၸဝ်ႈဢေႃႈ။-

10ပဵၼ်ၸိူဝ်ႉၼင်ႇႁိုဝ်ဝႃႈၼႆၸမ်ႉ၊ တၢင်းဢၼ်ၸႂ်လဵၵ်ႉဢၼ်မႅၼ်ႈတင်းဢလူဝ်ႇၽြႃးပဵၼ်ၸဝ်ႈၼၼ်ႉ ၸၢင်ႈပွင်ႁဵတ်းတၢင်းၶုၵ်းၸႂ်လႆႈမႆႈၸႂ် ဢၼ်ၵိုင်ႇၵၼ်တင်းတၢင်းဢၼ်ၵႄႇၶျွတ်ႈဢဝ်ဢၼ်ဝႃႈ တၢင်းၶုၵ်းၸႂ်လႆႈမႆႈၸႂ်ဢၼ်ဢမ်ႇၸၢင်ႈၶၢႆႉပုတ်ႈၼၼ်ႉဢေႃႈ၊ တၢင်းဢၼ်ၸႂ်လဵၵ်ႉလေႃးၵႃႉၼႆႉၸမ်ႉ၊ ၸၢင်ႈပွင်ႁဵတ်းတၢင်းတၢႆဢေႃႈ။

11တူၺ်းလွင်ႈဢၼ်တၢင်းၸႂ်လဵၵ်ႉသူ ဢၼ်မႅၼ်ႈတင်းဢလူဝ်ႇၽြႃးပဵၼ်ၸဝ်ႈၼၼ်ႉ ၸၢင်ႈပွင်ႁဵတ်းတၢင်းဢၼ်ႁဵတ်းသတီႉၸိူဝ်ႉၼင်ႇႁိုဝ်။ တၢင်းဢၼ်ၽေႇဢပႅတ်ႈၸိူဝ်ႉၼင်ႇႁိုဝ်။ တၢင်းဢၼ်ၸႂ်ႁွၼ်ႉၸႂ်မႆႈၸိူဝ်ႉၼင်ႇႁိုဝ်။ တၢင်းဢၼ်ၵူဝ်ႁႄၸိူဝ်ႉၼင်ႇႁိုဝ်။ တၢင်းဢၼ်တူၵ်းဢၢင်ႈၼႃႇလူင်လၢင်ၸိူဝ်ႉၼင်ႇႁိုဝ်။ တၢင်းဢၼ်ၸီႇယၢင်ႇတၢမ်ႇၸွမ်းၼင်ႇတြႃးၸိူဝ်ႉၼင်ႇႁိုဝ်ၸိူဝ်းၼၼ်ႉ ၵႃႈၼႂ်းသူၼၼ်ႉတႃႉ၊ ၼႂ်းၵူႈၸိူဝ်ႉၵူႈပိူင် သူၼႄပျႃးလွင်ႈဢၼ်သူ ၵၢင်းလွတ်ႈတင်းဢပႅတ်ႈၼႂ်းဢမူႉၼႆႉထၢင်ႇထၢင်ႇသႃးသႃးမႃးယဝ်ႉ။-

12ၼင်ႇၼၼ်လႄႈ မိူဝ်ႈဢၼ်ၵဝ်တႅမ်ႈလႄႈပၼ်ၵႂႃႇၵႃႈတီႈသူၼၼ်ႉၸိုင်၊ ၵဝ်ထွၵ်ႈလူၺ်ႈၵေႃႉဢၼ်ၽိတ်းပိူင်ႈ ဢိၵ်ႇတင်းၵေႃႉဢၼ်လႆႈၶၢမ်ႇတၢင်းၽိတ်းပိူင်ႈၼၼ်ႉၵူၺ်းလႄႈ တႅမ်ႈဢမ်ႇၸႂ်ႈ၊ ၼင်ႇႁိုဝ်လွင်ႈဢၼ်သူမီးၸႂ်ၸေႇတၼႃႇ ဢၼ်ၶႂ်ႈပွင်ဢၵျူဝ်းႁဝ်းၵႃႈတီႈၽၢႆႇၼႃႈၽြႃးပဵၼ်ၸဝ်ႈၼၼ်ႉ တၵ်းထၢင်ႇသႃးတီႈသူၸိုင် ၵဝ်ၸင်ႇတႅမ်ႈဢေႃႈ။

13ပိူဝ်ႈၼႆလႄႈ၊ ႁဝ်းၵေႃႈႁွတ်ႈထိုင်တၢင်းဢၼ်သၢၵ်ႈသႃႇ ၵွပ်ႈပိူဝ်ႈလွင်ႈတၢင်းၼၼ်ႉဢမ်ႇၵႃး၊ ၵွပ်ႈပိူဝ်ႈလွင်ႈဢၼ် တီႉတူႉ သိူဝ်းပျေႃႇၼၼ်ႉလႄႈ ႁဝ်းယဵင်ႈၶႅၼ်းသိူဝ်းပျေႃႇဢေႃႈ၊ လွင်ႈမၼ်းၸမ်ႉ၊ သူၵႃႈမီးတင်းသဵင်ႈတင်းလူင် ႁႂ်ႈႁူဝ်ၸႂ်မၼ်းသၢၵ်ႈသႃႇသိူဝ်းပျေႃႇဢေႃႈ။-

14သင်ၵဝ်လႆႈဢဝ်လွင်ႈသူလႄႈလၢတ်ႈၵႂၢမ်းဢၼ်ဢုပ်ႇဝၢဝ်းတီႈမၼ်း မိူဝ်ႈဢွၼ်ၼႆႉၼၼ်ႉၸိုင် တေႃႈလဵဝ်ၼႆႉ ၵဝ်ဢမ်ႇမီးတၢင်းဢၼ်ဢူၵ်းဢၼ်ဢၢႆ၊ မိူၼ်ၸိူဝ်ႉၼင်ႇဢၼ်ႁဝ်းလၢတ်ႈလွင်ႈတၢင်းၵူႈၸိူဝ်ႉၵူႈပိူင်ၸိုဝ်ႈၸိုဝ်ႈၸႂ်ႈၸႂ်ႈတီႈသူၼၼ်ႉ၊ လွင်ႈဢၼ်ၵႂၢမ်းဢၼ်ၵဝ်ဢုပ်ႇဝၢဝ်းၵႃႈတီႈၽၢႆႇၼႃႈ တီႉတူႉ ၼၼ်ႉၵေႃႈ ပဵၼ်ဢၼ်ၸိုဝ်ႈဢၼ်ၸႂ်ႈၼၼ်ႉၸိုင် ထၢင်ႇသႃးယူႇဢေႃႈ။-

15ၵွပ်ႈပိူဝ်ႈဢၼ် မၼ်းၶုၵ်းၸႂ်လႆႈၶႆႈၸႂ်ထူပ်း၊ လွင်ႈဢၼ်သူပႃးတင်း တၢင်းဢၼ်ၵူဝ်ဢၼ်သၼ်ႇ၊ႁပ်ႉတုင်းဢဝ်မၼ်းသေလႄႈ ထွမ်ႇဢဝ်ၼၼ်ႉလႄႈ မၼ်းပျေႉၸုမ်ႇတင်းၸႂ်ဢၼ်ႁၵ်ႉဢဵတ်းလူ မီးမႅတ်ႈတႃႇၵရူႉၼႃႇတီႈသူ ၼႃႇလူင်လၢင်ဢေႃႈ။-

16ၵွပ်ႈပိူဝ်ႈဢၼ်ၵဝ်ယုမ်ႇသူၼႂ်းလွင်ႈတၢင်းၵူႈၸိူဝ်ႉၵူႈပိူင်လႆႈလႄႈ ၵဝ်မီးတၢင်းဢၼ်သိူဝ်းပျေႃႇဢေႃႈ။

← Chapter 6 Jump to: Chapter 8 →

Recommended Reading

Commentary 2 Corinthians Commentaries → Devotional 2 Corinthians Devotional Guide → Get This Bible Shan Study Bible →