2 Corinthians 12

Shan

← Chapter 11 Jump to: Chapter 13 →

1ၵဝ်ဢမ်ႇထုၵ်ႇလီႁဵတ်း၊တၢင်းဢၼ်ဢုပ်ႇဝၢဝ်း၊ၵဝ်သမ်ႉတၵ်းလၢတ်ႈရူႇပႃႇရူင်ႇ၊ဢိၵ်ႇတင်းပျႃႇတိၵ်ႈတင်းလၢႆ ဢၼ်ၸဝ်ႈၽြႃးၼႄပျႃးၼၼ်ႉထႅင်ႈလူးၵွၼ်ႇဢေႃႈ။-

2မိူဝ်ႈဢွၼ်တၢင်းၼႆႉ သိပ်းသီႇပီႊလိူဝ်ၼၼ်ႉ၊ ၵဝ်ႁူႉလွင်ႈဢၼ်တပႄးၸဝ်ႈၶရိၸ်ႈၵေႃႉၼိုင်ႈ၊လႆႈၶၢမ်ႇတၢင်းဢၼ်ဢုမ်ႈၶိုၼ်ႈၵႂႃႇ၊တေႃႇထိုင်ႁွတ်ႈၵၢင်ႁၢဝ်တႃႉတီႉယႃႉပုၼ်ႉဢေႃႈ။-

3ၵဝ်ဢမ်ႇႁူႉလွင်ႈဢၼ်မိူဝ်ႈၼၼ်ႉ ၵႃႈတီႈမၼ်းၼၼ်ႉပႃးတူဝ်ၶၼ်ႇထႃႇႁိုဝ်၊ဢမ်ႇပႃးႁိုဝ်ၼၼ်ႉ၊ၽြႃးပဵၼ်ၸဝ်ႈႁူႉဢေႃႈ။-

4ၵဝ်ႁူႉလွင်ႈဢၼ်ၵေႃႉၼၼ်ႉလႆႈၶၢမ်ႇတၢင်းဢၼ်ဢုမ်ႈၶိုၼ်းၵႂႃႇ၊ၵႃႈတီႈၽုင်ႇ ပႃႇရတီႉသူႉ ပုၼ်ႉလႄႈငိၼ်းၵႂၢမ်းဢၼ်၊ၵူၼ်းဢမ်ႇထုၵ်ႇလီလၢတ်ႈ၊ဢၼ်ၵူၼ်းဢမ်ႇၸၢင်ႈလၢတ်ႈလႆႈၼၼ်ႉဢေႃႈ၊ၵဝ်ဢမ်ႇႁူႉလွင်ႈဢၼ်မိူဝ်ႈၼၼ်ႉ၊တူဝ်ၶၼ်ႇထႃႇပႃးႁိုဝ်ဢမ်ႇပႃးႁိုဝ်ၼၼ်ႉ၊ၽြႃးပဵၼ်ၸဝ်ႈႁူႉဢေႃႈ။

5ၵဝ်တၵ်းဢဝ်လွင်ႈၵူၼ်းၸိူဝ်ႉၼင်ႇၼၼ်ၼၼ်ႉဢုပ်ႇဝၢဝ်းဢေႃႈ၊ လိူဝ်သေတၢင်းဢၼ်ၵဝ်ႁဵဝ်ႇၸွပ်ႈႁႅင်းလဵၵ်ႉၼၼ်ႉ ၵဝ်ဢမ်ႇဢဝ်လွင်ႈမုၼ်ၽုင်းတူဝ်ၸဝ်ႈၵဝ်ႇဢုပ်ႇဝၢဝ်း။-

6ပေႃးၵဝ်မီးဢလူဝ်ႇဢၼ်ၶႂ်ႈဢုပ်ႇဝၢဝ်းၸိုင်၊ၵဝ်တၵ်းပဵၼ်ၵူၼ်းယွင်ႇၵူၼ်းမႃႈဢမ်ႇၸႂ်ႈ၊လွင်ႈမၼ်းၸမ်ႉ၊ ၵဝ်ၸၢင်ႈလၢတ်ႈၸိုဝ်ႈၸိုဝ်ႈၸႂ်ႈၸႂ်ႈဢေႃႈ၊ၼင်ႇႁိုဝ်သေၵေႃႉသေၵူၼ်း၊တၵ်းဢမ်ႇလႆႈထၢင်ႇၵဝ်ပဵၼ်ဢၼ်ယဵင်ႈၶႅၼ်းယႂ်ႇသေ၊တၢင်းဢၼ်မၼ်းလႆႈႁၼ်ၵဝ်၊တၢင်းဢၼ်မၼ်းလႆႈငိၼ်းသတၢင်းၵဝ်ၼၼ်ႉၸိုင်၊ ၵဝ်ယင်းဢမ်ႇလၢတ်ႈလႄႈယူႇဢေႃႈ။

7ပျႃႇတိၵ်ႈဢၼ်ၵဝ်လႆႈၶၢမ်ႇဢဝ်ၼၼ်ႉ၊မျၢတ်ႈလီၼမ်ၵိုၼ်းၼႃႇလူင်လၢင်လႄႈ ၼင်ႇႁိုဝ်ၵဝ်တၵ်းဢမ်ႇမီးၸႂ်ဢၼ်သုင်ၸိုင် မၼ်းၸဝ်ႈပၼ်ၼၢမ်လႅမ်ဢၼ်ၸူၵ်ႉသႂ်ႇတီႈၼိူဝ်ႉၵဝ်ၼင်ၵဝ်ဢၼ်ဝႃႈ တမၢၼ်ႇ ၸႃႇတၢၼ်ႇ ဢၼ်ဢဝ်တႃမိုဝ်းယႅၼ်ႉထုပ်ႉၵဝ်ၼၼ်ႉဢေႃႈ။-

8ၼင်ႇႁိုဝ်တၵ်းၵၢင်းလွတ်ႈတင်း လွင်ႈတၢင်းၼၼ်ႉၸိုင်၊ ၵဝ်သူးတွင်းတီႈၸဝ်ႈၽြႃးတေႃႇထိုင်ႁွတ်ႈသၢမ်ပွၵ်ႈယဝ်ႉလႄႈ၊-

9မၼ်းၸဝ်ႈလၢတ်ႈတီႈၵဝ်လႄႈဝႃႈ၊ ၵျေးၸူးၵဝ်ၸိုင်ပေႃးၵုမ်ႇပုၼ်ႈမႂ်းဢေႃႈ၊ လွင်ႈမၼ်းၸမ်ႉတၼ်းၶူဝ်းၵဝ် ၸၢင်ႈၸေးၸုမ်ႇၼႂ်းတၢင်းဢၼ်ႁႅင်းလဵၵ်ႉၼၼ်ႉယဝ်ႉ၊ ဝႃႈၼင်ႇၼႆဢေႃႈ၊ ပိူဝ်ႈၼႆလႄႈ၊ၼင်ႇႁိုဝ်တၼ်းၶူဝ်းၸဝ်ႈၶရိၸ်ႈ တၵ်းၵိင်းဝၢပ်ႈယူႇၵႃႈၼိူဝ်ၵဝ်ၸိုင်ၵဝ်ပႃးတင်းၸႂ်ဢၼ်သိူဝ်းပျေႃႇလႄႈ ယဵင်ႈၶႅၼ်းမီးဢလူဝ်ႇၶႂ်ႈဢုပ်ႇဝၢဝ်း လူၺ်ႈလွင်ႈတၢင်းဢၼ်ႁဵဝ်ႇၸွပ်ႈႁႅင်းလဵၵ်ႉၼႂ်းတူဝ်ၸဝ်ႈၵဝ်ႇၼၼ်ႉဢေႃႈ။-

10ပိူဝ်ႈၼႆလႄႈ၊တၢင်းဢၼ်ႁႅင်းလဵၵ်ႉ၊တၢင်းဢၼ်သႄႉသွမ်း၊တၢင်းဢၼ်ယၢၵ်ႈၽၢၼ်၊တၢင်းဢၼ်ၼိၵ်ႈၸၢၵ်ႈငႅၼ်းသႄး၊တၢင်းဢၼ်ၶၢမ်ႇတုၵ်ႉၶႃႉဝူၺ်ႇတၼႃႇ ဢၼ်လႆႈၶၢမ်ႇၵွပ်ႈပိူဝ်ႈၸဝ်ႈၶရိၸ်ႈၸိူဝ်းၼၼ်ႉ၊ထုၵ်ႇၸႂ်ၵျိူၵ်ႈၸႂ်ၵဝ်ဢေႃႈ၊ လွင်ႈမၼ်းၸမ်ႉ၊ မိူဝ်ႈဢၼ်ၵဝ်ႁႅင်းလဵၵ်ႉၸိုင်၊ ၵဝ်ပျေႉၸုမ်ႇတင်းတၼ်းၶူဝ်းယူႇဢေႃႈ။

11ၵဝ်ၼႆႉပဵၼ်ၵူၼ်းယွင်ႇၵူၼ်းမႃႈၵႂႃႇယဝ်ႉ၊ ပေႃးပဵၼ်ၸိူဝ်ႉၼင်ႇၼၼ်ၸိုင်၊ သူႁဵတ်းပႄႉႁဵတ်းၼႅင်ႇႁႂ်ႈၵဝ်ပဵၼ်ယဝ်ႉ၊ ၵွပ်ႈပိူဝ်ႈၸိူဝ်ႉၼင်ႇႁိုဝ်ဝႃႈၼႆၸမ်ႉ၊ ၵဝ်ၼႆႉထုၵ်ႇၶၢမ်ႇတၢင်းဢၼ်သူယွင်ႈယေႃးဢေႃႈ၊ ပိၵ်ႉသမ်ႉၵဝ်ဢမ်ႇပွင်ႇလွင်ႈၵႃႈသင်သေၵေႃႈ၊ ၵဝ်ဢမ်ႇတူၵ်းတႅမ်ႇသေၶဝ်ၸိူဝ်းဢၼ်ႁဵတ်းၸိူဝ်ႉၼင်ႇႁၢင်ႈတမၢၼ်ႇၸဝ်ႈ ဢၼ်ယႂ်ႇၼႃႇသေပိူၼ်ႈၼၼ်ႉ။-

12ၵဝ်လႆႈပႃးတင်း တၢင်းဢၼ်ယိူၼ်ႉၶၢမ်ႇလႄႈ ဢဝ်ၼီႉမိၵ်ႈလၢၵ်ႈၶၼႃႇလႂ်၊ လွင်ႈတၢင်းဢၼ်လီဢၢမ်းလႂ်၊ တၼ်းၶူဝ်းဢၼ်လၢၵ်ႇလၢႆးလႂ်ၸိူဝ်းၼၼ်ႉ ၼႄပျႃးလၢၵ်ႈၶၼႃႇတမၢၼ်ႇၸဝ်ႈ၊ၼႂ်းသူထၢင်ႇထၢင်ႇသႃးသႃးမႃးဢမၢၼ်ႇၶၼ်ပဵၼ်ယဝ်ႉ။-

13ပေႃးဝၢႆးသေ လွင်ႈတၢင်းဢၼ်ၵဝ်ဢမ်ႇယႃႉဢမ်ႇယူၵ်ႉသူဢၼ်ၼိုင်ႈၼၼ်ႉၸိုင်၊ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ သူယုတ်ႈယွမ်းသေၸိူဝ်းၸဝ်ႈတၢင်ႇတီႈတၢင်ႇလႅၼ်တင်းလၢႆၼင်ႇႁိုဝ်။ ယိူၼ်ႉၶၢမ်ႇတၢင်းဢၼ်ၵဝ်ၽိတ်းပိူင်ႈ၊ၸိူဝ်ႉၼင်ႇၼၼ်ၼၼ်ႉသေၵမ်း။

14ပွၵ်ႈတႃႉတီႉယႃႉၼႆႉ ၵဝ်မႄးႁႅၼ်းဝႆႉ ႁႂ်ႈလႆႈၵႂႃႇၸူးၵႃႈတီႈသူဢေႃႈ၊ ၵဝ်ဢမ်ႇမီးတၢင်းၵျၢမ်ႇတၢင်းပွင် ႁႂ်ႈလႆႈယႃႉယူၵ်ႉသူ၊ ၵဝ်ဢမ်ႇႁႃဢဝ်ဢုၵ်ႉၸႃႇသူ၊ ၵဝ်ႁႃဢဝ်သူၵူၺ်းဢေႃႈ၊ လုၵ်ႈလၢင်းတင်းလၢႆသိမ်းပႅင်းဢုၵ်ႉၸႃႇဝႆႉ ပုၼ်ႈပေႃႈပုၼ်ႈမႄႈဢမ်ႇၸႂ်ႈ၊ ပေႃႈမႄႈတၵ်းလႆႈသိမ်းပႅင်းဝႆႉပုၼ်ႈလုၵ်ႈပုၼ်ႈလၢင်းဢေႃႈ။-

15ၵႃႈၼင်ႇဢၼ်ၸႂ်တၢင်းႁၵ်ႉမႅတ်ႈတႃႇၵဝ် ယႂ်ႇမႃးယူႇတီႈသူၼၼ်ႉ၊ ပိၵ်ႉသမ်ႉၸႂ်တၢင်းႁၵ်ႉမႅတ်ႈတႃႇသူ ယွမ်းၵႂႃႇသေၵႃႈတီႈၵဝ်သေၵေႃႈ ၵဝ်မီးၸႂ်ၸေႇတၼႃႇ ႁႂ်ႈဢုၵ်ႉၸႃႇဢိၵ်ႇတင်းတူဝ်ၵႃႇယႃႉၵဝ် သဵင်ႈမူတ်းၵႂႃႇပုၼ်ႈဢၵျူဝ်းၸႂ်ဝီႉၺိၺ်ႇသူၼၼ်ႉ လူင်လူင်လၢင်လၢင်ဢေႃႈ။-

16ၵဝ်ဢမ်ႇယႃႉယူၵ်ႉသူဝႃႈၼႆ ႁႂ်ႈၸႂ်ႈသေလူးၵွၼ်ႇတႃႉ၊ ၵူၺ်းၵႃႈပေႃးဝႃႈပိူဝ်ႈဢၼ်ပဵၼ်ၵေႃႉဢၼ်လၵ်းလႅမ်လႄႈ ဢဝ်တင်းပရီႉယႄႇတီႉလႆႈသူယဝ်ႉ၊ဝႃႈၼင်ႇၼႆၸိုင်။-

17ၵဝ်ပွႆႇၸႂ်ႉသေၵေႃႉသေၵူၼ်းၵႂႃႇၵႃႈတီႈသူလႄႈ ႁဵတ်းတင်းပရီႉယႄႇဢဝ်ဢုၵ်ႉၸႃႇသူယဝ်ႉႁိုဝ်။-

18ၵဝ်တွင်းပၢၼ်ႇ တီႉတူႉ ႁႂ်ႈမၼ်းၵႂႃႇတီႈသူလႄႈ ပွႆႇၸႂ်ႉၼွင်ႉတၢင်ႇၵေႃႉၵေႃႉၼိုင်ႈၵႂႃႇလူၺ်ႈၵၼ်တင်းမၼ်းဢေႃႈ။ တီႉတူႉ ၼၼ်ႉ ႁဵတ်းတင်းပရီႉယႄႇသေလႄႈ ဢဝ်ဢုၵ်ႉၸႃႇသူယဝ်ႉႁိုဝ်။ ႁဝ်းၸႂ်သၽေႃးမိူၼ်ၵၼ်သေလႄႈ ၵမ်ၵျၢင်ႉဢမ်ႇၸႂ်ႈႁိုဝ်။ ၸွမ်းတၢင်းသဵၼ်ႈလဵဝ်ၵၼ်ဢမ်ႇၸႂ်ႈႁိုဝ်။

19သူသမ်ႉထၢင်ႇႁဝ်းလၢတ်ႈၵႂၢမ်း ဢၼ်ၽေႇဢပႅတ်ႈတူဝ်ၸဝ်ႈၵဝ်ႇ၊ၵႃႈတီႈၽၢႆႇၼႃႈသူႁိုဝ်။ ႁဝ်းထွၵ်ႈလူၺ်ႈၸဝ်ႈၶရိၸ်ႈလႄႈလၢတ်ႈ၊ၵႃႈတီႈၽၢႆႇၼႃႈၽြႃးပဵၼ်ၸဝ်ႈဢေႃႈ၊ၵေႃႉဢၼ်ၵဝ်ႁၵ်ႉၶဝ်ဢိူၺ်း၊ ၵႃႈဢၼ်ႁဝ်းပွင်ႁဵတ်းၼၼ်ႉပဵၼ်ပုၼ်ႈဢၼ်တၵ်းတႄႇႁဵတ်းသူဢေႃႈ။-

20မိူဝ်ႈဢၼ်ၵဝ်ႁွတ်ႈမႃးၼၼ်ႉၸိုင်၊ ၵဝ်ၵူဝ်သူတၵ်းဢမ်ႇပဵၼ်ၵေႃႉဢၼ်ထုၵ်ႇၸႂ်ၵဝ်၊ ၵဝ်ၵေႃႈတၵ်းဢမ်ႇပဵၼ်ၵေႃႉဢၼ်ထုၵ်ႇၸႂ်သူ ဢိၵ်ႇတင်းတၵ်းမီးတၢင်းဢၼ်ၽိတ်းၵၼ်၊ တၢင်းဢၼ်ၶေႉၶဵင်ႇၵၼ်၊ တၢင်းဢၼ်တေႃးသႃႉဢွၵ်ႇ၊ တၢင်းဢၼ်ထဵင်ၵၼ်၊ တၢင်းဢၼ်ယႃႉသရေႇၵၼ်၊ တၢင်းဢၼ်ၶျေႃးၵိၼ်၊ တၢင်းဢၼ်မႃႇၼႃႉၸႂ်သုင်၊ တၢင်းဢၼ်ႁဵတ်းဢမူႉတီႈၵၼ်ၸိူဝ်းၼၼ်ႉၵႃႈၼႂ်းသူ၊-

21ဢိၵ်ႇတင်းၽြႃးပဵၼ်ၸဝ်ႈ တၵ်းၶျႃးၵဝ်တူၵ်းတီႈတႅမ်ႇၵႃႈတီႈၽၢႆႇၼႃႈသူလႄႈ ၵဝ်လႆႈမီးတင်းၸႂ်ဢၼ်ဢမ်ႇသႃႇ ၶၢင်းၶီၶၢင်းၽၢၼ် ၵွပ်ႈပိူဝ်ႈၵူၼ်းၼမ်ၼႃႇ ဢၼ်ၽိတ်းပိူင်ႈမိူဝ်ႈဢွၼ်ၼႆႉၼၼ်ႉလႄႈ ႁဵတ်းတၢင်းဢၼ်ၵမ်ၵျၢင်ႉဢၼ်ၵူဝ်ႈဢၼ်ၵိူၵ်ႇ၊ တၢင်းဢၼ်ဢိင်မေႇထုင်ႇဢၼ်ဢမ်ႇတြႃး၊ တၢင်းဢၼ်ၵီႉလေႇသႃႇပူၼ်ႉလိူဝ် ၸိူဝ်းၼၼ်ႉယဝ်ႉလႄႈ ဢမ်ႇၶုၵ်းၸႂ်လႆႈဢပႅတ်ႈတူဝ်ၸဝ်ႈၵဝ်ႇ တေႃႇထိုင်ႁွတ်ႈမိူဝ်ႈလဵဝ်ၼႆႉၼၼ်ႉဢေႃႈ။

← Chapter 11 Jump to: Chapter 13 →