bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sidamo
/
Sidamo
/
2 Samuel 1
2 Samuel 1
Sidamo
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
1
Saaooli reyi. Hatte yanna giddo Daawiti Amaaleqoota qeele hige, Tsiqilaagi 2 barra keeshshi.
2
Sayikki barra mittu wedellichi olu qachi Saaoolihunni kae dayi. Isino dadillesi leellishara uddanosi dare umisi aana buko giggishshi're no. Daawitiwa shiqe ayirrinyunni umo heeshshi yee keere haa'ri.
3
Daawitino, «Ati maminni dayitto?» yee xa'misi. Isino, «Israeelootu qachi olunnihunni gate fule dayommo» yee dawari.
4
Daawitino, «Hanni ikkinore kulie» yiisi. Isino, «Mannu oluwiinni xooqino; olu giddono lowo manni reyino. Saaoolinna beettisi Yoonaataanino reyitino» yii.
5
Daawitino, «Saaoolinna Yoonaataani reyitinota hiitto ikkite afitto?» yee xa'misi.
6
Wedellichuno, «Ani hakkawoyite Gilboa Ilaali aana noommo. Saaooli urdesi siqqi're hee'reenna, diinu faradi gaarenna faradaasine isiwa iillitinore afoommo.
7
Isino badhe hige caaqqi yee ane afe woshshinoe. «Anino, ‹Mooticha'ya yee› yoommo.
8
Ewelumma'ya xa'meennae Amaaleqicha ikkoommota kuloommosi.
9
Isino, ‹Lowo geeshsha madi'roommo daafira reyammoraatina, amo dagge shiie› yiinoe.
10
Anino gatannokkita afoommo daafira mare qase shoommo. Hakkunni gedensaanni ayirrinyu ba'latto umisi aaninni hoole, gumesino angasinni fushshe haa'roommo. Mooticha'ya kune haa'roommoreno atera abboommohe» yii.
11
Daawitino dadille uddanosi dari; ledosi noori baaluno isinte gede assitu.
12
Olunniwa lowo manni reyino daafira Daawitinna ledosi manni Saaoolira, Yoonaataaniranna Kaaliiqi olanto ikkitinorira Israeelete manni baalaho hashsha geeshsha ita aga agurte lowo geeshsha hururante wi'litunsa.
13
Daawitino duduwo haa're abbiha hakkonne wedellicha, «Ateti gobbakki mamaati?» yee xa'misi. Isino, «Ani gobbakkira xalatimma hee'ranno Amaaleqichi beettooti» yee dawarisi.
14
Daawitino, «Kaaliiqi buurinoha hiitto seyatte shaattora dandiitto?» yiisi.
15
Qoleno, «Kaaliiqi buurinoha shoottota afiikkinni farci'rootto daafira, ati umikki xa'mamatto» yee kae, mannisi giddonni mitto woshshe, «Amo dagge shii» yii. Manchuno daye Amaaleqicha shii.
17
Daawiti Saaooliranna beettisi Yoonaataanira kule wi'lino.
18
Tenneno Yihudu manni rosanno gede hajajino. Kuni coyino Yashaari Maxaafira borreessame no. Daawiti,
19
«Israeele, ayirrinyikki gaaru aana qanseenna reyino; wolqaataammu hiitto togo ikkite ubbu!
20
Filisxeemete meenti hagiidhannona, maganiweelo gosa seennino ilillisannona, konne coye Gaati Katamira dudubbinoonte. Asiqeloona gudumaalirano hasaabbinoonte.
21
«Ki'ne Gilboa ilaalla, wolqaataammu wonqo hakko ubbe shollitinona, Saaooli wonqo nafa zayitetenni fiinannikki gede ikkite gattinona, xeenunna loju dirroonke'ne; aana'ne mitturino mu'roonke.
22
Yoonaataani digaani shiikkinni dihigannoho; Saaooli biseno mararro nookkiha guddannote. Wolqaataamma gante hiiqqaqqitannote; diinano shitannote.
23
Saaoolinna Yoonaataani mannu baxanno danchuulleeti; reyo heeshshora dibaxxitannoreeti. Allamurchunni roore rakkannoreeti; doobbiichunni roore jawaattinoreeti.
24
«Israeelete meento, faayya duumo imaana uddisiisino'nehura, culkunninna ilkunni biifisino'nehura Saaoolira wi'lesi.
25
«Wolqaataammu olu giddo hiitto ikkite ubbu! Yoonaataanino ilaallate aana uwe reyino.
26
«Rodoo'ya Yoonaataani, ani atera manchitoommo; ati anera lubbote jaalaatiwe. Ate baxilli anera dhaggenniho; meyate baxillinni rooreho.
27
«Wolqaataammu hiitto ikkite ubbu! Olu bagadino hiitto ikke bai!» yaanni kule wi'li.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24